کراچی: شہری کو 13 دن میں دس دس ہزار روپے کے دوائیں کے چالان بھیج دیے گئے
اشاعت کی تاریخ: 20th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی: شہری کو محض 13 روز کے دوران دوائیوں کے چالان کے نام پر بار بار نوٹفکیشنز بھیج کر ہر بار دس ہزار روپے جرمانہ عائد کیا گیا۔
نجی ٹی وی کی رپورٹ کے مطابق شہر کے ایک شہری نے انکشاف کیا ہے کہ اسے محض 13 روز کے اندر دو مرتبہ ایک ہی خلاف ورزی کے لیے دس دس ہزار روپے کے ای چالان موصول ہوئے، حالانکہ گاڑی اس کی نہیں تھی۔
شہری کے مطابق چالان میں دکھائی جانے والی نمبر پلیٹ اس کی گاڑی کی ضرور تھی، لیکن دونوں گاڑیاں ماڈل اور دیگر تفصیلات میں مختلف تھیں۔
شہری نے درخواست میں موقف اختیار کیا کہ اس کی گاڑی کا ماڈل 2015 ہے، جبکہ چالان میں دکھائی جانے والی گاڑی 2012 کی تھی۔ انہیں پہلا چالان 30 اکتوبر کو دس ہزار اور دوسرا چالان 12 نومبر کو دس ہزار روپے کا موصول ہوا۔
پولیس نے شہری کی درخواست پر فوری نوٹس لیتے ہوئے جدید کیمروں کے ذریعے گاڑی کو تلاش کرنے کے لیے کارروائی شروع کر دی۔ ای چالان میں موجود تصاویر میں دیکھا جا سکتا ہے کہ پہلی مرتبہ گاڑی میں دو افراد موجود تھے جبکہ دوسری مرتبہ صرف ایک شخص گاڑی چلا رہا تھا۔ دونوں ای چالان کراچی ٹول پلازہ، ایم نائن موٹروے پر سیٹ بیلٹ کی خلاف ورزی کے الزام میں جاری کیے گئے تھے۔
پولیس ذرائع کے مطابق کراچی میں بڑی تعداد میں جعلی نمبر پلیٹ والی گاڑیاں چل رہی ہیں، جس سے شہریوں کو پریشانی کا سامنا ہے، تاہم جرائم پیشہ عناصر کے خلاف کارروائیاں بھی جاری ہیں اور متعدد گاڑیوں کے جعلی نمبر پلیٹس کے نیٹ ورک کو پکڑنے کی کوششیں جاری ہیں۔
ویب ڈیسک
دانیال عدنان
ذریعہ
ذریعہ: Jasarat News
کلیدی لفظ: دس ہزار روپے
پڑھیں:
پنجاب میں پہلی مرتبہ سیلاب کی پیشگی اطلاع کیلئے ڈرون مانیٹرنگ کا آغاز
پنجاب میں پہلی مرتبہ سیلاب کی پیشگی اطلاع کےلیے ڈرون مانیٹرنگ شروع کردی گئی ہے۔ ترجمان پنجاب حکومت کا کہنا ہے ڈرون مانیٹرنگ سے سیلابی ریلے کی آمد کی نشاندہی ممکن ہوگی۔
ترجمان پنجاب حکومت کے مطابق وزیراعلیٰ مریم نواز کی ہدایت پر تمام بیراجوں، دریاؤں اور ہیڈ ورکس کی ڈرون سرویلنس شروع کردی گئی ہے۔
انہوں نے بتایا کہ تریموں بیراج میں ڈرون سرویلنس کے دوران واٹر لیول نارمل پایا گیا، پاکپتن میں دریائے راوی اور ستلج میں بھی واٹر لیول کی ڈرون مانیٹرنگ کی گئی۔
ان کا کہنا تھا کہ سرگودھا میں دریائے چناب کے طالب والا پل پر ڈرون مانیٹرنگ میں پانی کا بہاؤ نارمل پایا گیا۔ ہیڈسدھنائی پر ڈرون مانیٹرنگ سے پانی کے بہاؤ کا جائزہ لیا گیا۔
ترجمان پنجاب حکومت کے مطابق ہیڈ مرالہ میں ڈرون سرویلنس کے دوران پانی کا بہاؤ ایک لاکھ 74 ہزار کیوسک ریکارڈ کیا گیا۔ منڈی بہاؤالدین کے رسول بیراج پر بھی پانی کا مانیٹر کیا گیا۔
بھارت سے جنگ اور افغانستان میں کارروائی خارج ازامکان نہیں، وزیردفاع