تحریک تحفظ آئین پاکستان کایوم سیاہ پر احتجاجی مظاہرہ
اشاعت کی تاریخ: 22nd, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد (صباح نیوز) تحریک تحفظ آئین پاکستان کے سربراہ محمود خان اچکزئی نے کہاہے کہ آئین کو توڑا گیا، حلیہ بگاڑا گیا، عوام پاکستان کے آئین کو بچائیں، آئی ایم ایف نے اعلان کیا ہے کہ یہ چوروں کی حکومت ہے، اس حکومت نے 5 ہزار ارب روپے کی کرپشن کی ہے۔تحریک تحفظ آئین پاکستان کے سربراہ محمود خان اچکزئی کی سربراہی میں جمعہ کو فیصل مسجد کے سامنے شاہرائے فیصل پر یوم سیاہ کے حوالے سے احتجاجی مظاہرہ کیاگیا۔مظاہرے میں تحریک تحفظ آئین پاکستان کے رہنماعلامہ راجاناصر عباس،پی ٹی آئی رہنما سلمان اکرم راجا،مصطفی نواز کھوکھر سمیت دیگر رہنما شریک ہوئے۔ مظاہرے سے خطاب کرتے ہوئے تحریک تحفظ آئین پاکستان کے سربراہ محمود خان اچکزئی نے کہاکہ آئی ایم ایف نے اعلان کیا ہے کہ یہ چوروں کی حکومت ہے، آئی ایم ایف نے بتایا ہے کہ اس حکومت نے 5 ہزار ارب روپے کی کرپشن کی ہے، ججوں کے ساتھ ملا کر اس حکومت نے اقتدار حاصل کیا،اللہ کا حکم ہے کہ جابر حکمرانوں کے خلاف آواز بلند کرو،ہم اپنا کام کر رہے ہیں،انشا اللہ ہماری جیت جلد ہوگی۔ ایم ڈیلیوایم کے سربراہ علامہ راجا ناصر عباس نے کہاکہ میڈیا پر پیکا ایکٹ کے ذریعے ظلم ہوا، پارلیمنٹ سے ایم این ایز کو اٹھایا گیا، اس وقت ایسے لوگ بٹھائے ہوئے ہیں جو صاف وشفاف الیکشن نہیںکروا سکتے، ہرطرف ظلم کا ماحول ہے، اللہ نے کہا ہے کہ ظلم کے آگے کبھی سر نہیں جھکانا، اگر آپ سر جھکائیں گے تو آپ پراور ظلم بڑھائیں گے، ظالم کا مقابلہ کرنا ہم سب کی ذمہ داری ہے، عوامی طاقت اور پر امن جدوجہد کے ذریعے ان کو روکنا ہے، عوام کو ڈرانا بھی ظلم ہے۔ پاکستان تحریک انصاف کے جنرل سیکرٹری سلمان اکرم راجا نے کہاکہ پاکستان کے 25 کروڑ عوام اس نظام سے تنگ ہیں، ظلم ختم ہونے کو ہے ،اللہ تعالی نے عوام کو شعور دے دیا ہے، عوام اب باہر نکلیں گے، عوام کا ووٹ چوری کیا گیا،ہم اپنا پیغام لے کر عوامی عدالت میں جاتے رہیں گے۔ تحریک تحفظ آئین پاکستان کے رہنماسابق سینیٹرمصطفی نواز کھوکھر نے کہاکہ ہمیں یہ آئین اور دستور قبول نہیں ہے، ہمارے کندھوں پر ذمہ داری ہے کہ باہر نکلیں اور اسے رد کریں، ملک بھر میں اس وقت ریلیاں ہو رہی ہیں ،لوگ احتجاج کر رہے ہیں، اس ملک میں جبر کے ماحول کو ہم رد کرتے ہیں، عوامی پٹیشن کے ذریعے ہم اس کو رد کریں گے، تمام سیاسی قیدیوں کو رہا کیا جائے، عدلیہ اور میڈیا کو بحال کیا جائے۔مصطفی نواز کھوکھر نے کہاکہ ہمیں جبر قبول نہیں، 26ویں اور 27ویں آئینی ترمیم ملک پر بوجھ ہے، اب چیزیں ناقابل برداشت ہوچکی ہیں،یہ احتجاج صرف ابتدا ہے۔ ہمارا احتجاج پر امن ہے ہم پر امن رہیں گے، یہ حکومت عوام کی نمائندہ نہیں ہے، اس حکومت کو مزید اقتدار میں رہنے کا حق نہیں ہے، ہم عوامی تحریک شروع کر رہے ہیں،عدلیہ اور صحافت کو آزاد کیا جائے،بانی پی ٹی آئی سمیت تمام سیاسی قیدیوں کو رہا کیا جائے۔
ذریعہ
ذریعہ: Jasarat News
کلیدی لفظ: تحریک تحفظ ا ئین پاکستان کے کے سربراہ اس حکومت نے کہاکہ کیا جائے
پڑھیں:
آزاد کشمیر میں ڈیڑھ ماہ بعد انٹرنیٹ سروس بحال ہونا شروع
فائل فوٹوآزاد کشمیر میں ڈیڑھ ماہ بعد انٹرنیٹ سروس بحال ہونا شروع ہوگئی، میرپور ڈویژن میں انٹرنیٹ سروس جزوی طور پر بحال ہوئی۔
ذرائع کا کہنا ہے کہ وفاقی حکومت کی ہدایت پر پی ٹی اے نے انٹرنیٹ سروس کی بحالی کا عمل شروع کیا، آزاد کشمیر میں 5 جون سے انٹرنیٹ سروس معطل تھی۔
آزاد کشمیر میں امن و امان کی صورتحال کے باعث انٹرنیٹ سروس بند کی گئی تھی، چئیرمین پیپلز پارٹی بلاول بھٹو زرداری نے حکومت سے انٹرنیٹ بحال کرنے کا مطالبہ کیا تھا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا