ٹاپ لیول کرپشن ناممکن بنادی،مہنگائی 40 سے 4 فیصد پر لے آئے،مریم نواز
اشاعت کی تاریخ: 22nd, November 2025 GMT
data-id="863a0a8" data-element_type="widget" data-widget_type="theme-post-content.default">
لاہور : وزیراعلیٰ پنجاب مریم نواز شریف نے کہا ہے کہ صوبے میں نچلی سطح پر کرپشن کے مکمل خاتمے کے لئے مزید اقدامات کی ضرورت ہے، تاہم ٹاپ لیول پر کرپشن اب ممکن نہیں رہی۔ وہ نیشنل ڈیفنس یونیورسٹی کی نیشنل سکیورٹی ورکشاپ کے 27ویں کورس کے شرکاء سے ملاقات کر رہی تھیں۔
وزیراعلیٰ نے ورکشاپ کے شرکاء کو حکومت پنجاب کے عوامی فلاح و بہبود کے منصوبوں سے آگاہ کیا، جنہیں شرکاء نے سراہا۔ انہوں نے کہا کہ آپریشن “بنیان مرصوص” کی کامیابی کے بعد پاکستان عالمی سطح پر مزید باوقار ہوگیا ہے۔
مریم نواز نے بتایا کہ حالیہ سیلاب کے دوران لاکھوں افراد اور مویشیوں کو محفوظ بنایا گیا، جبکہ بروقت طبی امداد سے وبائی امراض کا پھیلاؤ روکا گیا۔ اسموگ کنٹرول کیلئے کی جانے والی انتھک محنت کے باعث اس سال اسموگ کا مجموعی اثر کم رہا، اگرچہ سرحد پار فصلوں کی باقیات جلانے کے اثرات لاہور تک پہنچتے ہیں۔
وزیراعلیٰ کا کہنا تھا کہ ووٹ کھونے کے خوف کے بغیر ہی بڑے فیصلے ممکن ہوتے ہیں۔ تجاوزات کے خاتمے اور میرٹ کے نفاذ پر تنقید کا سامنا کرنا پڑا، مگر سفارش کی نفی اور شفافیت حکومت کا نصب العین ہے۔ انہوں نے کہا کہ گندم نہ خریدنے کے فیصلے پر اعتراضات ہوئے، لیکن پنجاب واحد صوبہ ہے جہاں آٹا، گندم اور روٹی کی قیمتیں نہیں بڑھیں۔
مریم نواز نے مزید بتایا کہ مہنگائی کی شرح 40 فیصد سے کم ہو کر 4 فیصد تک آگئی ہے۔ صوبے میں 30 ہزار کلومیٹر طویل 1650 سڑکوں کی تعمیر جاری ہے اور ای-ٹینڈرنگ کے ذریعے اربوں روپے بچائے گئے۔ خصوصی افراد کیلئے ہر ای-بس میں وہیل چیئر کی سہولت بھی فراہم کی جا رہی ہے۔
ذریعہ
ذریعہ: Jasarat News
کلیدی لفظ: مریم نواز
پڑھیں:
نواز شریف کل میرپور میں انتخابی جلسے سے خطاب کریں گے
آزاد جموں و کشمیر کے عام انتخابات 2026ء کے سلسلے میں پاکستان مسلم لیگ نون کے صدر 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔ اسلام ٹائمز۔ آزاد جموں و کشمیر کے عام انتخابات 2026ء کے پہلے مرحلے میں میرپور ڈویژن میں پولنگ 27 جولائی کو ہوگی۔ اس سلسلے میں پاکستان مسلم لیگ (ن) کے صدر اور سابق وزیراعظم میاں نواز شریف 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔جلسے میں وزیر اعلیٰ پنجاب مریم نواز شریف اور پارٹی کے دیگر رہنما بھی شرکت کریں گے۔ قائداعظم سٹیڈیم میں جلسے کی تیاریاں جاری ہیں جبکہ سٹیج کی تعمیر کے لیے کنٹینرز بھی پہنچا دیئے گئے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی