نائیجیریا: اغوا کی گئی 24 طالبات کو رہا کردیا گیا
اشاعت کی تاریخ: 27th, November 2025 GMT
data-id="863a0a8" data-element_type="widget" data-widget_type="theme-post-content.default">
ابوجا (انٹرنیشنل ڈیسک) نائیجیریا کے شمال مغربی علاقے میں ایک سرکاری بورڈنگ اسکول سے گزشتہ ہفتے اغوا کی گئی 24 طالبات کو رہا کردیا گیا۔ صدر بولا ٹینوبو نے لڑکیوں کی رہائی کا خیرمقدم کرتے ہوئے سیکورٹی فورسز سے مطالبہ کیا کہ باقی مغویوں کو چھڑوانے کے لیے کارروائیاں تیز کی جائیں۔ صدر ٹینوبو نے کہا کہ مجھے خوشی ہے کہ تمام 24 طالبات مل گئی ہیں، اب فوری طور پر حساس علاقوں میں مزید سیکورٹی اہلکار تعینات کیے جائیں تاکہ اغوا کے مزید واقعات روکے جا سکیں۔ یاد رہے کہ ان طالبات کو 17 نومبر کو مسلح افراد نے اغوا کیا تھا۔ شمالی نائیجیریا میں تاوان کے لیے اجتماعی اغوا کے واقعات معمول بنتے جا رہے ہیں۔ مسلح گروہ اسکولوں اور دیہی بستیوں پر حملہ کر کے مقامی سیکورٹی کو آسانی سے مغلوب کر دیتے ہیں۔ منگل کے روز ایک اور واقعے میں مغربی ریاست کوارا کے گاؤں اساپا سے 10 خواتین اور بچوں کو بھی اغواکر لیا گیاتھا۔ پولیس کے مطابق حملہ آور چرواہوں کے ایک گروہ سے تعلق رکھتے تھے جنہوں نے چھاپے کے دوران اندھا دھند فائرنگ کی۔ حالیہ دنوں میں بڑے پیمانے پر اغوا کے واقعات میں نمایاں اضافہ ہوا ہے۔ جمعہ کے روز شمالی وسطی ریاست نائیجر میں ایک کیتھولک اسکول پر حملے میں 300 سے زائد طلبہ اور عملہ اغواکر لیا گیا، جن میں سے 50 نے فرار ہو کر جان بچائی۔
ذریعہ: Jasarat News
پڑھیں:
چار سدہ میں اسکول وین اورٹرک میں تصادم 2بچے جاں بحق،21زخمی
data-id="863a0a8" data-element_type="widget" data-widget_type="theme-post-content.default">
چار سدہ: خیبرپختونخوا کے ضلع چارسدہ میں دھند کے باعث اسکول وین اور ٹرک میں تصادم سے 2 بچے جاں بحق اور 21 زخمی ہوگئے۔
چارسدہ کے علاقے ترنگزئی بائی پاس روڈ پر دھند کے باعث اسکول وین اور ٹرک میں ٹکر ہوگئی، حادثے میں 2 بچے جاں بحق اور 21 زخمی ہوگئے، جاں بحق طلبہ میں جبران اور ایک کمسن بچی شامل ہے۔واقعے کی اطلاع ملتے ہی ریسکیو اہلکاروں نے جائے وقوع پر پہنچ کر تمام زخمیوں کو ابتدائی طبی امداد فراہم کرتے ہوئے ڈسٹرکٹ ہیڈ کوارٹر ہسپتال چارسدہ منتقل کر دیا۔
ترجمان ریسکیو 1122 چارسدہ کے مطابق زخمیوں میں 3 طلبہ کی حالت تشویشناک ہونے پر انہیں فوری طور پر پشاور منتقل کر دیا گیا ہے ۔
ادھرڈپٹی کمشنر نے شدید دھند کے باعث نجی اسکولوں کے اوقات کار تبدیل کرنے کی تجویز دے دی۔پرائیویٹ اسکول ریگولیٹری اتھارٹی سے درخواست کی گئی ہے کہ چارسدہ میں قائم نجی تعلیمی ادارے کے اوقات کار صبح 9 بجے کیے جائیں۔
بھارتی اداکار مہیش بابو کی 50 سال کی عمر میں بھی بہترین فٹنس کا راز کیا ہے؟