مردان میں اہم سیاسی شخصیت کی سگریٹ فیکٹری پر چھاپہ، فیکٹری سیل
اشاعت کی تاریخ: 30th, November 2025 GMT
data-id="863a0a8" data-element_type="widget" data-widget_type="theme-post-content.default">
ایف بی آر نے مردان میں ایک سگریٹ فیکٹری پر چھاپے کے دوران غیر قانونی سگریٹ کے 62 کارٹن ضبط کر کے فیکٹری کو سیل کردیا۔
ایف بی آر ذرائع کے مطابق ان لینڈ ریونیو کی ٹیم نے کارروائی کرتے ہوئے ایسے سگریٹ برآمد کیے جن پر کوئی ٹیکس ادا نہیں کیا گیا تھا۔ اسی بنیاد پر فیکٹری کو فوری طور پر بند کر دیا گیا اور مالکان کے خلاف مقدمہ درج کر لیا گیا ہے۔
مقامی ذرائع کا کہنا ہے کہ سیل کی گئی فیکٹری سینیٹر دلاور خان کی ملکیت ہے، اور سیاسی دباؤ کے باوجود کارروائی کی گئی۔
ایف بی آر نے مزید بتایا کہ وزیراعظم کی ہدایت پر غیر قانونی طور پر سگریٹ بنانے والی فیکٹریوں کے خلاف ملک بھر میں کارروائیاں جاری ہیں اور کسی قسم کا سیاسی اثر و رسوخ قبول نہیں کیا جا رہا۔
ادھر سینیٹر دلاور خان کا کہنا ہے کہ وہ گاؤں میں موجود نہیں تھے اور فیکٹری پر چھاپے کے بارے میں انہیں کوئی معلومات نہیں ہیں۔
ذریعہ: Jasarat News
پڑھیں:
خیبر پختونخوا فوڈ اتھارٹی کی کارروائی، مضر صحت دودھ بنانے والا نیٹ ورک بے نقاب
علامتی فوٹوخیبر پختونخوا فوڈ اتھارٹی نے کارروائی کر کے مضر صحت دودھ بنانے والا بڑا نیٹ ورک بے نقاب کر دیا۔
پشاور سے ڈی جی فوڈ اتھارٹی واصف سعید نے کہا کہ فیکٹری سیل کر کے منیجر سمیت تین افراد کو گرفتار کرلیا گیا۔
انھوں نے کہا کہ فیکٹری میں استعمال ہونے والی تمام مشینیں سرکاری تحویل میں لے لی گئیں، مصنوعی دودھ اسلام آباد، راولپنڈی سمیت دیگر شہروں کو سپلائی کیا جا رہا تھا۔
ڈی جی فوڈ اتھارٹی نے کہا کہ نیٹ ورک مبینہ طور پر روز تقریباً 1 لاکھ لیٹر مصنوعی دودھ سپلائی کر رہا تھا۔
انھوں نے کہا کہ غفلت برتنے پر ہری پور فوڈ اتھارٹی ٹیم کو معطل کر دیا گیا ہے۔
اسلام آباد سے17 برس قبل لاپتا ہونے والی لڑکی کراچی سے مل گئی