کھانوں میں مرچوں کی شدت جانچنے والی نئی زبان تیار
اشاعت کی تاریخ: 27th, November 2025 GMT
data-id="863a0a8" data-element_type="widget" data-widget_type="theme-post-content.default">
بیجنگ: دنیا بھر میں مسالہ دار کھانوں کے شوقین افراد کے لیے ایک دلچسپ پیش رفت سامنے آئی ہے۔
چین کے ماہرین نے ایک ایسی مصنوعی زبان بنانے میں کامیابی حاصل کرلی ہے جو کھانوں میں موجود مرچوں کی شدت کو نہ صرف جانچ سکتی ہے بلکہ اس عمل کو انتہائی محفوظ اور تیز تر بھی بنا دیتی ہے۔ یہ جدید ایجاد خوراک کے معیار اور مرچوں کی تیزی کی درست پیمائش کے حوالے سے فوڈ انڈسٹری میں ایک نئی راہ کھول سکتی ہے۔
اس مصنوعی زبان کو ایک خاص جیل پر مبنی نظام کے تحت تیار کیا گیا ہے جسے ’چلی-میٹر‘بھی کہا جا رہا ہے۔ اس کا بنیادی مقصد یہ ہے کہ انسانوں کو کھانوں کی جانچ کے دوران مرچوں کی جلن سے محفوظ رکھا جائے اور ساتھ ہی اس بات کو یقینی بنایا جائے کہ کھانے کی مصنوعات میں استعمال ہونے والی مرچوں کی مقدار اور شدت معیاری سطح کے مطابق ہو۔
چین کی ایسٹ چائنا یونیورسٹی آف سائنس اینڈ ٹیکنالوجی کے محققین نے اس جیل کو تیار کرتے وقت دودھ کی مرچوں کی جلن کم کرنے کی صلاحیت کو بنیاد بنایا اور دودھ پاؤڈر سمیت مختلف کیمیائی اجزا کو یکجا کرکے ایک لچکدار، نرم اور حساس جیل تیار کیا۔
تحقیق کے مطابق یہ مصنوعی زبان حقیقی دنیا کے اُن تجربات کے تناظر میں ڈیزائن کی گئی ہے جو انسانی جسم میں مرچوں کے تیز مرکب کیپسیچِن کے اثرات کو کم کرنے کے لیے ہوتے ہیں۔ دودھ میں موجود پروٹین اسی مرکب سے جڑ کر اس کی شدت کم کرتے ہیں اور یہی اصول سائنس دانوں نے اس مصنوعی زبان میں بھی استعمال کیا ہے۔
جیل میں شامل دودھ کے پروٹین کیپسیچِن سے جڑ کر پھیل جاتے ہیں جس سے ان کی ساخت میں تبدیلی آتی ہے۔ یہ عمل جیل کے اندر کلورائیڈ اور ہائیڈروجن آئنوں کی حرکت کو محدود کرتا ہے اور اس کی وجہ سے برقی رو میں کمی واقع ہوتی ہے۔
یہ تبدیلی بعد میں ایک واضح اشارے یا ریڈنگ کی صورت میں سامنے آتی ہے جس سے مرچوں کی تیزی یا شدت کا درست اندازہ لگایا جا سکتا ہے۔ اس پورے نظام کو ایک مخصوص پیمانے کے تحت ترتیب دیا گیا ہے تاکہ ہر درجے پر مرچوں کی نوعیت اور شدت کو درست طور پر پرکھا جا سکے۔
یہ طریقہ کار نہ صرف انسانی تجربے کو محفوظ بناتا ہے بلکہ فوڈ انڈسٹری میں معیاری مصنوعات کی تیاری میں بھی مددگار ثابت ہو سکتا ہے۔
اس تحقیق کی تفصیلی رپورٹ معروف سائنسی جرنل ACS Sensors میں شائع ہوئی ہے، جس میں بتایا گیا ہے کہ یہ مصنوعی زبان خوراک کے شعبے میں ایک بڑے انقلاب کی بنیاد رکھ سکتی ہے۔
محققین کا کہنا ہے کہ مستقبل میں اس ٹیکنالوجی کو بڑے پیمانے پر استعمال کرتے ہوئے نہ صرف مرچوں کی تیزی جانچنے بلکہ مختلف ذائقوں اور اجزا کی پیمائش کے لیے بھی مزید تجربات کیے جا سکتے ہیں۔
.
ذریعہ
ذریعہ: Jasarat News
کلیدی لفظ: مرچوں کی
پڑھیں:
سیٹلائٹ تصاویر نے کوٹلی ستیاں جنگلات میں لگنے والی بھیانک آگ کی تباہی کی تفصیلات ظاہر کر دیں
سیٹلائٹ تصاویر نے کوٹلی ستیاں کے جنگلات میں لگنے والی حالیہ بھیانک آگ کی تباہی کی تفصیلات ظاہر کر دیں۔
سپارکو کی جانب سے پر جاری کردہ سیٹلائٹ ڈیٹا کے مطابق گرمی کی حالیہ شدید لہر کے باعث جنگلات میں لگنے والی ہولناک آگ نے پنجاب کے ماحولیاتی لحاظ سے حساس علاقے 'کوٹلی ستیاں' کے 25 مقامات پر پھیلے ہوئے تقریباً 3,037 ہیکٹر (7,504.7 ایکڑ) پر مشتمل قدرتی جنگلات کو خاکستر کر دیا ہے۔
9 مئی سے 29 مئی 2026 تک کی سیٹلائٹ تصاویر کا موازنہ کرنے سے معلوم ہوتا ہے کہ آگ لگنے کے بعد 'چِیڑ' کے جنگلات کو شدید نقصان پہنچا ہے، جو کہ دریائے سندھ اور دریائے جہلم کے اہم ذیلی آبی ذخائر کے لیے انتہائی ضروری ہیں۔
ماہرین نے خبردار کیا ہے کہ اس کے ماحولیاتی اثرات صرف آگ سے جھلسنے والے فوری نقصانات تک محدود نہیں ہیں؛ بلکہ اس آفت نے مقامی پرندوں اور جنگلی حیات کی افزائشِ نسل کے عروج کے سیزن کو شدید متاثر کیا ہے۔
نئے اگنے والے پودوں اور پنیریوں کو تباہ کر دیا ہے، اور اس متاثرہ زمین پر ایسی جڑی بوٹیوں اور جھاڑیوں کے پھیلنے کی راہ ہموار کر دی ہے جو آگ کو برداشت کرنے کی صلاحیت رکھتی ہیں۔
اگرچہ مقامی آبادی اور محکمہ جنگلات کے عملے نے کئی علاقوں میں آگ پر کامیابی سے قابو پا لیا ہے، لیکن تیز اور گرم ہواؤں کے باعث ہمسایہ ڈھلوانوں پر اب بھی آگ پھیل رہی ہے، جس سے ماحول کو مزید نقصان پہنچنے کا خطرہ ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ