میجر محمد اکرم شہید، نشانِ حیدر کی 54ویں برسی، فیلڈ مارشل سید عاصم منیر کا خراج عقیدت
اشاعت کی تاریخ: 5th, December 2025 GMT
---فائل فوٹو
میجر محمد اکرم شہید نشانِ حیدر کی 54ویں برسی کے موقع پر مسلح افواج اور آرمی چیف فیلڈ مارشل سید عاصم منیر کی جانب سے خراجِ عقیدت پیش کیا گیا ہے۔
میجر محمد اکرم شہید نے1971ء میں ہلی سیکٹر میں ایک کمپنی کی قیادت کرتے ہوئے جام شہادت نوش کیا۔
19 مئی 1971ء کو میجر محمد اکرم نے اپنے دفاعی مورچے پر ڈٹ کر قبضہ برقرار رکھا۔ 3 دسمبر 1971ء کو اِنہیں دشمن کے ٹھکانوں پر حملہ کرنے کا اہم فریضہ سونپا گیا۔
میجر اکرم نے پیش قدمی کرتے ہوئے دشمن کے تین ٹینک تباہ کیے، میجر اکرم شدید زخمی ہونے کے باوجود بہادری سے لڑتے رہے، میجر اکرم نے 5 دسمبر 1971ء کو جامِ شہادت نوش کیا اور بہادری کی عظیم ترین مثال قائم کی۔
آئی ایس پی آر کے مطابق مسلح افواج اُن تمام شہداء کو خراجِ عقیدت پیش کرتی ہیں جنہوں نے اپنی جانوں کا نذرانہ پیش کیا، قوم اپنے ان جری سپوتوں کی قربانیوں پر ہمیشہ فخر کرتی رہے گی، ان سپوتوں کی لازوال خدمات ہماری قومی تاریخ میں سنہری حروف سے لکھی گئی ہیں۔
آئی ایس پی آر کے مطابق میجر محمد اکرم شہید کا لازوال کارنامہ پاک افواج کے ناقابلِ تسخیر عزم کی روشن علامت ہے۔
.
ذریعہ
ذریعہ: Jang News
کلیدی لفظ: میجر محمد اکرم شہید
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ