انڈر 19 ایشیا کپ: پاکستان کے 345 رنز کے ہدف کے تعاقب میں ملائیشیا 48 رنز پر ڈھیر
اشاعت کی تاریخ: 12th, December 2025 GMT
دبئی میں جاری انڈر 19 ایشیا کپ کے پہلے ہی روز پاکستان اور بھارت نے اپنی دھواں دار کارکردگی سے ایونٹ کا شاندار آغاز کیا۔
جمعے کے روز ٹورنامنٹ میں دو ڈے میچز کھیلے گئے جن میں پاکستان کا مقابلہ ملائیشیا سے جبکہ بھارت نے متحدہ عرب امارات کے خلاف میدان سنبھالا۔
پاکستان کی تاریخی فتحپاکستانی اوپنرز نے شاندار بیٹنگ کا مظاہرہ کرتے ہوئے ٹیم کو 345 رنز کی مضبوط بنیاد فراہم کی۔ سمیر منہاس نے جارحانہ انداز اپناتے ہوئے 177 رنز کی یادگار اننگز کھیلی جس میں 11 چوکے اور 8 چھکے شامل تھے۔ احمد حسین نے بھی 132 رنز بنا کر پاکستان کی پوزیشن مزید مستحکم کر دی۔
ملائیشیا کی پوری ٹیم پاکستانی باؤلنگ کے سامنے نہ ٹھہر سکی اور صرف 48 رنز پر ڈھیر ہو گئی۔
یہ بھی پڑھیے: سنسنی خیز مقابلے کے بعد بنگلہ دیش کو ہرا کر پاکستان رائزنگ اسٹار ایشیا کپ کا چیمپیئن بن گیا
علی رضا نے 11 رنز کے عوض 3 وکٹیں حاصل کیں، جبکہ محمد صیام نے بھی 3 اور دانیال علی خان نے 2 شکار کیے۔ اس بڑی کارکردگی کے باعث پاکستان نے میچ 297 رنز سے اپنے نام کیا۔
بھارت کی متحدہ عرب امارات پر بھاری برتریدوسری جانب بھارت نے بھی اپنے پہلے میچ میں متحدہ عرب امارات کے خلاف ریکارڈ ساز کارکردگی دکھائی۔
نوجوان بلے باز ویبھوو سوریا ونشی نے صرف 95 گیندوں پر 171 رنز کی تباہ کن اننگز سے 433 رنز کا پہاڑ کھڑا کر دیا۔ ان کی اننگز میں 11 چھکے اور نو چوکے شامل تھے۔ ایرون جورج اور ویہان ملہوترا نے بھی 69، 69 رنز بنا کر مجموعے میں اہم کردار ادا کیا۔
یہ بھی پڑھیے: ٹرافی تنازع، بھارتی ٹیم رائزنگ اسٹارز ایشیا کپ میں بھی اسپورٹس مین اسپرٹ دکھانے کو تیار نہیں
ہدف کے تعاقب میں یو اے ای کی ٹیم نے 50 اوورز تو مکمل کیے مگر 199 رنز ہی جوڑ سکی۔ پرتھوی مادھو واحد بلے باز رہے جو نصف سنچری بنا سکے۔ یوں بھارت نے یہ مقابلہ 234 رنز کے بڑے مارجن سے جیت لیا۔
روایتی حریفوں کا ٹاکرا 14 دسمبر کوٹورنامنٹ کا سب سے دلچسپ میچ پاکستان اور بھارت کے درمیان 14 دسمبر کو کھیلا جائے گا، جس کا شائقین بےچینی سے انتظار کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈر 19 کرکٹ ایشیا کپ بھارت پاکستان.ذریعہ: WE News
کلیدی لفظ: انڈر 19 کرکٹ ایشیا کپ بھارت پاکستان ایشیا کپ بھارت نے نے بھی
پڑھیں:
پاکستان میں ملائیشیا کیلئے پارلیمانی فرینڈشپ گروپس کو نوٹیفائی کیا جا چکا، چیئرمین سینٹ
اسلام آباد (خبر نگار) چیئرمین سینٹ سید یوسف رضا گیلانی نے کہا ہے کہ پاکستان اور ملائیشیا کے تعلقات مشترکہ اقدار، مذہبی ہم آہنگی اور ثقافتی قربت کے ساتھ ساتھ علاقائی خوشحالی اور ترقی کے مشترکہ وژن پر استوار ہیں۔ چیئرمین سینٹ نے ملائیشیا کے سینٹ کے صدر سینیٹر داتو آوانگ بیمی بن آوانگ علی باسہ اور ایوانِ نمائندگان کے سپیکر تان سری داتو ڈاکٹر جوہری بن عبدل سے علیحدہ علیحدہ ملاقاتیں کیں۔ ملاقاتوں کے دوران چیئرمین سینٹ نے دونوں پارلیمانوں کی مضبوط جمہوری روایات کو اجاگر کرتے ہوئے پارلیمانی قیادت کے مابین روابط کے فروغ کی اہمیت پر زور دیا۔ انہوں نے کہا کہ پاکستان میں ملائیشیا کے لیے دونوں ایوانوں میں پارلیمانی فرینڈشپ گروپس کو نوٹیفائی کیا جا چکا ہے اور جنوبی ایشیا کے لیے ملائیشیا کی جانب سے پارلیمانی فرینڈشپ گروپس کے قیام کا خیرمقدم کیا، جس سے دوطرفہ تبادلے مزید مضبوط ہوں گے۔ انہوں نے نومبر میں ملائیشیا کے پارلیمانی وفد کے اسلام آباد کے دورے پر شکریہ ادا کیا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر