26 نومبر احتجاج؛ 30 ملزمان کی درخواست ضمانت خارج
اشاعت کی تاریخ: 20th, January 2025 GMT
ویب ڈیسک : اسلام آباد کی عدالت نے 26 نومبر کو احتجاج پر درج مقدمات میں 30 ملزمان کی درخواست ضمانت خارج کردی۔
ڈسٹرکٹ اینڈ سیشن کورٹس اسلام آباد کے ایڈیشنل ڈسٹرکٹ اینڈ سیشن جج محمد افصل مجوکا نے 26 نومبر احتجاج کے حوالے سے ضمانت کی درخواست پر محفوظ شدہ فیصلہ سنایا۔ عدالت نے تھانہ رمنا کے مقدمے میں گرفتار 30 ملزمان کی ضمانت بعد از گرفتاری کی درخواست خارج کردی۔
عدالت کی جانب سے وکلاء صفائی اور پراسکیوشن کے دلائل مکمل ہونے پر ہفتے کو فیصلہ محفوظ کیا تھا۔
نیو گوادر انٹرنیشنل ائیر پورٹ آج سے آپریشنل ہوگا
ذریعہ: City 42
کلیدی لفظ: کی درخواست
پڑھیں:
ڈپٹی کمشنر اسلام آباد عرفان نواز میمن کے ناقابل ضمانت وارنٹ گرفتاری جاری
اسلام آباد ( ملک نجیب ) احتساب عدالت راولپنڈی نے توہین عدالت کا مرتکب قرار دیتے ہوئے ڈپٹی کمشنر اسلام آباد عرفان نواز میمن کے نا قابل ضمانت وارنٹ گرفتاری جاری کر دیئے ۔
ایس ایس پی آپریشنز اسلام آباد کو ہدایت کی گئی ہے کہ 25 جون کو ڈی سی اسلام آباد کو گرفتار کر کے عدالت میں پیش کریں ۔ احتساب عدالت راولپنڈی نے ہاؤسنگ سوسائٹی “بینکر سٹی (پرائیویٹ) لمیٹڈ” کے مالک سید راحت محمود قادری کے خلاف جاری کیس میں اسلام آباد کے ڈپٹی کمشنر کے ناقابلِ ضمانت وارنٹ گرفتاری جاری کر دئیے ہیں ۔ یہ کارروائی نیب کے ریفرنس نمبر 47/2007 کے تحت کی گئی ہے ۔ نیب راولپنڈی کی جانب سے جاری کردہ سرکاری مراسلے کے مطابق عدالت نے ڈپٹی کمشنر اسلام آباد کے خلاف نیب آرڈیننس 1999 کے سیکشن 16-B کے تحت کارروائی کرتے ہوئے انہیں توہین عدالت کا مرتکب قرار دیا ہے اور ان کی ذاتی پیشی کو ضروری قرار دیا ہے ۔
ایس ایس پی آپریشنز اسلام آباد کو ہدایت کی گئی ہے کہ وہ ڈپٹی کمشنر کو گرفتار کر کے 25 جون 2025 کو عدالت میں پیش کریں ۔ مراسلے میں واضح کیا گیا ہے کہ حکم عدولی کی صورت میں قانون کے تحت سخت کارروائی عمل میں لائی جائے گی ۔ یہ خط 16 جون 2025 کو جاری کیا گیا اور اس پر نیب کے ایڈیشنل ڈائریکٹر ( سپیشل آپریشنز ) محمد غضنفر علی کے دستخط موجود ہیں ۔ اس کے علاوہ نیب کے افسر ذیشان انور یاس ، اسسٹنٹ ڈائریکٹر / انویسٹی گیشن آفیسر کو بھی اس حوالے سے کارروائی کی ہدایت کی گئی ہے ۔ یاد رہے کہ سید راحت محمود قادری کے خلاف ہاؤسنگ سوسائٹی کے معاملات پر پہلے ہی سے تحقیقات جاری ہیں اور اب اس کیس میں ڈپٹی کمشنر اسلام آباد کو بھی براہِ راست عدالت میں پیش ہونے کا حکم دیا گیا ہے ۔
جی7 اجلاس،ٹرمپ کا مودی سے ملاقات سے انکار