دبئی کیپیٹلز نے ابوظہبی نائٹ رائیڈرز کے خلاف ریکارڈ ہدف کا تعاقب کرکے تاریخ رقم کردی
اشاعت کی تاریخ: 27th, January 2025 GMT
ابوظہبی : دبئی کیپٹلز نے ڈی پی ورلڈ آئی ایل ٹی 20 سیزن 3 میں ابوظہبی نائٹ رائیڈرز کو 8 وکٹوں سے شکست دیدی۔
204 رنز کے ہدف کا تعاقب کرتے ہوئے کیپٹلز نے شائی ہوپ اور گلبدین نائب کی 135 رنز کی سنسنی خیز شراکت قائم کی جس نے لیگ کی تاریخ میں سب سے بڑے رنز کے تعاقب کی بنیاد رکھی۔
ہوپ کی نصف سنچری اور نائب کی 80 رنز کی شاندار اننگز نے کیپیٹلز کی فتح میں اہم کردار ادا کیا۔ اس سے قبل چریتھ اسلانکا نے 34 گیندوں پر 74 رنز کی شاندار اننگز کھیل کر بڑے اسکور کی بنیاد رکھی۔
ایڈم روسنگٹن اور شائی ہوپ نے بڑے ہدف کا سامنا کرتے ہوئے پاور پلے میں کیپیٹلز کو 54 رنز کے ہدف تک پہنچایا۔ روسنگٹن نے 13 گیندوں پر 21 رنز بنائے جس کے بعد وہ پانچویں اوور میں آندرے رسل کے ہاتھوں آؤٹ ہو گئے۔
شائی ہوپ نے 34 گیندوں پر 4 چوکے اور 2 چھکے لگا کر لیگ میں اپنی تیسری نصف سنچری مکمل کی۔ ہوپ کے ساتھ گلبدین نائب بھی شامل تھے۔ نائب نے اپنے پہلے 27 رنز میں صرف ایک چوکا مارا تاہم اس کے فورا بعد ہی انہوں نے ہدف کا تعاقب کرتے ہوئے 34 گیندوں پر اپنی نصف سنچری بنائی۔
13 ویں اور 17 ویں اوور کے درمیان کیپیٹلز نے 71 رنز بنار ہدف کو اور قریب کرلیا 135 رنز کی شراکت بالآخر اس وقت ٹوٹی جب جیسن ہولڈر نے 18 ویں اوور میں نائب کو آؤٹ کر دیا۔ نائب نے اپنی اننگز کا اختتام 47 گیندوں پر 80 رنز سے کیا جس میں چار چوکے اور پانچ چھکے شامل تھے۔
آخری 2 اوورز میں کیپیٹلز کو 26 رنز درکار تھے داسن شناکا نے 19 ویں اوور میں آندرے رسل کو دو چوکے اور ایک چھکا مارا جس نے کیپیٹلز کو 19.
اس سے قبل ابوظہبی نائٹ رائیڈرز کے اوپنرز کائل میئرز اور اینڈریز گوس نے 63 رنز کی شراکت قائم کی۔ گوس نے پاور پلے کا فائدہ اٹھاتے ہوئے 17 گیندوں پر 27 رنز بنائے جس میں 6 چوکے شامل تھے انہیں اوبیڈ میک کوئے نے آوٹ کیا۔
مائرز نے 21 گیندوں پر 35 رنز بنائے جس میں چار چوکے اور دو چھکے شامل تھے، سکندر رضا نے انہیں 7 ویں اوور میں آؤٹ کرکے رن ریٹ کو کچھ دیر کے لئے روک دیا۔
کھیل میں اس وقت ڈرامائی تبدیلی آئی جب چرتھ اسلانکا اور علیشان شرفو نے کیپیٹلز کی پٹائی شروع کی دونوں کھلاڑیوں نے صرف 52 گیندوں میں 105 رنز بنائے اسلانکا نے 38 گیندوں پر 74 رنز بنائے جس میں 6 چوکے اور 4 چھکے شامل تھے جبکہ شرفو نے 21 گیندوں پر 36 رنز کی شاندار اننگز کھیلی۔
دمانتھا چمیرا نے آخری دو اوورز میں صرف چھ رنز دیئے اور اسلانکا کو آؤٹ کرکے کچھ کنٹرول حاصل کیا ۔ نائٹ رائیڈرز نے 4 وکٹوں کے نقصان پر 203 رنز بنائے جو ڈی پی ورلڈ آئی ایل ٹی 20 میں ان کا اب تک کا سب سے بڑا اسکور اور سیزن کی پہلی اننگز کا سب سے بڑا اسکور ہے۔
ذریعہ
ذریعہ: Daily Mumtaz
پڑھیں:
غیر ضروری وزارتیں ختم کرکے 5 ہزار ارب کی بچت ممکن ہے، سینیٹ کمیٹی
غیر ضروری وزارتیں ختم کرکے 5 ہزار ارب کی بچت ممکن ہے، سینیٹ کمیٹی WhatsAppFacebookX 0 24 July, 2026 سب نیوز
اسلام آباد(آئی پی ایس )سینیٹ کمیٹی کے اجلاس میں ارکان نے کہا ہے کہ غیر ضروری وزارتوں کو ختم کرکے سالانہ 5 ہزار ارب روپے تک کی بچت کرنا ممکن ہے۔سینیٹر ضمیر حسین کی زیر صدارت سینیٹ کی فنکشنل کمیٹی برائے ڈیولوشن کا اجلاس منعقد ہوا جس میں اٹھارہویں آئینی ترمیم کے بعد اختیارات کی منتقلی اور اس پر عملدرآمد کا تفصیلی جائزہ لیا گیا۔اجلاس کے دوران وفاقی حکومت کی تنظیمِ نو، وزارتوں کی تعداد کم کرنے اور آئینی تقاضوں کے مطابق وفاقی حکومت کے دائر کار کو محدود رکھنے سے متعلق مختلف تجاویز پر بھی تفصیلی بحث کی گئی۔
کمیٹی ارکان نے کہا کہ غیر ضروری وزارتیں ختم کر کے سالانہ 4 سے 5 ہزار ارب روپے کی بچت ممکن ہے ۔ وفاقی حکومت کو آئین کے مطابق محدود دائر کار میں کام کرنا چاہیے۔ کمیٹی نے مشترکہ مفادات کونسل کے آئینی کردار اور اختیارات پر مکمل عملدرآمد یقینی بنانے کا مطالبہ بھی کیا۔اجلاس کے دوران سینیٹر جان محمد بلیدی نے کہا کہ مشترکہ مفادات کونسل کے اجلاس نہ ہونے سے آئینی تقاضے متاثر ہو رہے ہیں۔ انہوں نے کہا کہ ملک کو مالی بحران سے نکالنے کے لیے حکومتی اخراجات میں نمایاں کمی ضروری ہے،
آئی ایم ایف پر انحصار کم کرنے کے لیے وفاقی اخراجات اور وزارتوں کا ازسرِنو جائزہ لیا جائے، جبکہ این ایف سی اور مشترکہ مفادات کونسل سمیت آئینی اداروں کو فعال بنایا جائے۔کمیٹی میں اس بات پر اتفاق رائے پایا گیا کہ آئینی ادارے فعال ہوں گے تو وفاق اور صوبوں کے کئی مسائل حل ہو سکیں گے۔سینیٹر ضمیر حسین نے کہا کہ سندھ سے روزانہ 3 ارب 70 کروڑ روپے کا تیل نکلتا ہے لیکن صوبے کو کچھ نہیں دیا جاتا، جبکہ خیبرپختونخوا سے 42 فیصد تیل نکلتا ہے۔
انہوں نے کہا کہ جن صوبوں سے تیل اور گیس نکل رہی ہے انہیں 16 سال سے ایک ٹکہ بھی نہیں دیا گیا، کمپنیاں اور کارپوریشنز منافع کما رہی ہیں جبکہ عوام بھوک سے مر رہے ہیں۔انہوں نے سوال اٹھایا کہ وفاقی حکومت صوبوں کو تیل اور گیس کے پیسے کیوں نہیں دے رہی۔ صوبوں کو ان کا حصہ نہ دینا بری حکمرانی ہے۔ حکومت نہ اٹھارہویں آئینی ترمیم پر عملدرآمد کر رہی ہے اور نہ ہی صوبوں کو سپورٹ کر رہی ہے۔
اجلاس میں آئین کے آرٹیکل 38(جی) پر عملدرآمد سے متعلق تقرریوں کے طریقہ کار پر کمیٹی کو رپورٹ پیش کی گئی جبکہ وزارتِ پیٹرولیم نے آئین کے آرٹیکل 172(3) پر عملدرآمد کے حوالے سے بریفنگ دی۔ کنویئر کمیٹی نے زور دیا کہ ہر ادارہ اپنی آئینی ذمہ داری ادا کرے اور آئین پر مکمل عملدرآمد یقینی بنایا جائے۔کنویئر کمیٹی نے کہا کہ تیل و گیس پیدا کرنے والے صوبوں کو ان کا آئینی حق نہ دینا سنگین خلاف ورزی ہے ۔ خیبرپختونخوا و سندھ کو تیل و گیس سے حاصل ہونے والے فوائد سے محروم رکھا جا رہا ہے۔
بعد ازاں کمیٹی نے تیل و گیس پیدا کرنے والے علاقوں کی متعلقہ اداروں میں نمائندگی نہ ہونے پر تشویش کا اظہار کرتے ہوئے تیل و گیس سے حاصل آمدن کی مکمل تفصیلات کمیٹی کو فراہم کرنے کی ہدایت کی۔کمیٹی نے اس بات پر بھی زور دیا کہ صوبوں کے آئینی حقوق کے تحفظ کے بغیر وفاق مضبوط نہیں ہو سکتا، آئین پر عمل نہ ہونے سے سیاسی اور انتظامی مسائل جنم لیتے ہیں۔ سرکاری اداروں میں غیر ضروری اخراجات کم کر کے قومی وسائل بچائے جا سکتے ہیں، اس لیے ڈپلیکیٹ محکموں اور غیر ضروری اخراجات کا بھی جامع جائزہ لیا جانا چاہیے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرجارحیت کے باوجود مذاکرات کا دروازہ اب بھی کھلا ہے، ایران جارحیت کے باوجود مذاکرات کا دروازہ اب بھی کھلا ہے، ایران اسپیکر قومی اسمبلی سردار ایاز صادق کی ڈپٹی سیکرٹری وزارتِ خزانہ عائشہ جاوید کو بین الاقوامی اعزاز پر مبارکباد پاکستان اور آذربائیجان نے دیرینہ دوستی مزید مضبوط بنانے کے عزم کا اعادہ کردیا کیوبا کے سفارتخانے میں فوٹو نمائش کے ذریعے فیڈل کاسترو کی صد سالہ تقریبات کا انعقاد چینی وزیر خارجہ سے ملاقات، علاقائی امن کے لیے پاکستان کی سفارتی کوششوں کو سراہنے پر اسحاق ڈار کا اظہارِ تشکر برطانوی ہائی کمیشن میں گلاسگو 2026 دولتِ مشترکہ کھیلوں کے آغاز کی تقریبCopyright © 2026, All Rights Reserved
رابطہ کریں ہماری ٹیم
بھارت سے جنگ اور افغانستان میں کارروائی خارج ازامکان نہیں، وزیردفاع