مائیکروسافٹ ٹک ٹاک کو خریدنے کے لیے بات چیت کر رہی ہے .ڈونلڈٹرمپ
اشاعت کی تاریخ: 29th, January 2025 GMT
واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔29 جنوری ۔2025 )امریکی صدر ڈونلڈ ٹرمپ نے کہا ہے کہ مائیکروسافٹ ٹک ٹاک کو خریدنے کے لیے بات چیت کر رہی ہے اور وہ چاہتے ہیں کہ ایپ کی فروخت کے لیے بولی لگائی جائے امریکی جریدے کے مطابق ٹک ٹاک پر امریکی صارفین کی تعداد تقریباً 17 کروڑ ہے ایپ کو رواں سال 19 جنوری کو قانون کے تحت پابندی کا سامنا کرنے سے قبل ہی چینی کمپنی ”بائٹ ڈانس“ کے مالکان کی جانب سے آف لائن کردیا گیا تھا.
(جاری ہے)
قانون میں یہ بات شامل ہے کہ آیا بائٹ ڈانس کمپنی کا مالک اسے قومی سلامتی کی بنیاد پر فروخت کرے یا پابندی کا سامنا کرے تاہم ڈونلڈ ٹرمپ نے 20 جنوری کو عہدہ سنبھالنے کے بعد ایک انتظامی حکم نامے پر دستخط کرتے ہوئے قانون کے نفاذ کو 75 دن کے لیے موخر کرنے کا حکم دیا تھا گزشتہ ہفتے ڈونلڈ ٹرمپ نے بتایا تھا کہ وہ ٹک ٹاک کو خریدنے کے حوالے سے متعدد افراد سے رابطے میں ہیں اور ممکنہ طور پر 30 دن کے اندر مقبول ایپ کے مستقبل کے حوالے سے فیصلہ کر لیں گے. اس سے قبل امریکی صدر کا کہنا تھا کہ اگر ٹیسلا کے ارب پتی سی ای او ایلون مسک چاہیں تو ٹک ٹاک خرید سکتے ہیں، تاہم ایلون مسک نے ٹرمپ کی اس پیشکش پر عوامی سطح پر کوئی تبصرہ نہیں کیا ذرائع نے بتایا کہ حال ہی میں مصنوعی ذہانت کے اسٹارٹ اپ’ ’پرپلیکسٹی اے آئی“ نے ٹک ٹاک کے ساتھ انضمام کی پیشکش کی ہے جس کے تحت امریکی حکومت کو مستقبل میں نئی کمپنی کا نصف حصہ ملے گا مائیکرو سافٹ کی بھی ٹک ٹاک کو خریدنے کی دوڑ میں شامل ہونے کی خبریں دوسری مرتبہ زیر گردش ہیں. ڈونلڈ ٹرمپ نے اپنے پہلے دور اقتدار میں قومی سلامتی کے خدشات کا حوالہ دیتے ہوئے ٹک ٹاک کو اپنے امریکی ورژن کو’ ’بائٹ ڈانس“ سے الگ کرنے کا حکم دیا تھا 2020 میں مائیکروسافٹ سب سے زیادہ بولی لگانے والی کمپنی کے طور پر سامنے آئی تھی تاہم یہ مذاکرات جلد ہی ناکام ہو گئے اور ٹرمپ کی یہ کوشش ان کے عہدہ چھوڑنے کے چند ماہ بعد ہی ختم ہوگئی تھی. مائیکرو سافٹ کے سربراہ ستیا نڈیلا کا 2021 میں اس معاہدے کو عجیب و غریب قرار دیتے ہوئے کہنا تھا کہ یہ میرے آج تک کے تمام پروجیکٹس میں سب سے عجیب چیز ہے ان کا کہنا تھا کہ پہلے امریکی حکومت کے مخصوص مطالبات تھے اور پھر وہ غائب ہو گئی.
ذریعہ: UrduPoint
کلیدی لفظ: تلاش کیجئے ٹک ٹاک کو خریدنے ڈونلڈ ٹرمپ نے تھا کہ کے لیے
پڑھیں:
پاکستان کا پہلی بار امریکی خام تیل درآمد کرنے کا معاہدہ، اکتوبر میں پہلی کھیپ کراچی پہنچے گی
پاکستان کی سب سے بڑی آئل ریفائنری کمپنی سینرجیکو (Cnergyico) نے پہلی مرتبہ امریکا سے خام تیل خریدنے کا معاہدہ کر لیا ہے۔ کمپنی کے نائب چیئرمین اسامہ قریشی نے خبر رساں ادارے رائٹرز کو بتایا کہ یہ معاہدہ امریکی کمپنی ویٹول کے ساتھ کیا گیا ہے اور ابتدائی طور پر 10 لاکھ بیرل (1 ملین) خام تیل اکتوبر میں درآمد کیا جائے گا۔
قریشی کے مطابق یہ ٹیسٹ اسپاٹ کارگو ہے جو کہ کمپنی کے جامع معاہدے کے تحت خریدا جا رہا ہے۔ اگر یہ کھیپ تجارتی طور پر فائدہ مند ثابت ہوئی تو کمپنی ہر ماہ ایک کھیپ درآمد کرنے پر غور کرے گی۔
یہ بھی پڑھیے: خام تیل کی درآمدات میں اضافہ
انہوں نے واضح کیا کہ یہ خام تیل آگے فروخت کے لیے نہیں بلکہ مقامی ریفائننگ کے لیے منگوایا جا رہا ہے۔
اسامہ قریشی کے مطابق پاکستان کی وزارتِ خزانہ اور وزارتِ پیٹرولیم نے مقامی ریفائنریوں کو امریکا سے خام تیل کی خریداری پر آمادہ کیا تھا۔
یہ معاہدہ ایسے وقت میں ہوا ہے جب امریکا اور پاکستان کے درمیان تجارتی مذاکرات کئی ماہ سے جاری تھے۔
جمعرات کو امریکا اور پاکستان کے درمیان ایک اہم تجارتی معاہدے کا اعلان کیا گیا جسے پاکستان نے سرمایہ کاری کے لیے خوش آئند قرار دیا۔ امریکی وائٹ ہاؤس کے مطابق اب پاکستان سے درآمدات پر 19 فیصد ٹیرف عائد ہوگا۔
یہ بھی پڑھیے: امریکا سے تجارتی معاہدہ، پاکستان اسٹاک مارکیٹ نئی بلند ترین سطح پر پہنچ گئی
امریکی خام تیل کی یہ کھیپ ہوسٹن سے روانہ ہوگی اور اکتوبر کے دوسرے نصف میں کراچی پہنچے گی۔ قریشی کے مطابق اس تیل کے لیے ریفائنری میں کوئی خصوصی بلینڈنگ یا تکنیکی تبدیلی کی ضرورت نہیں۔
سینرجیکو کی ریفائنری روزانہ 1,56,000 بیرل خام تیل پراسیس کرنے کی صلاحیت رکھتی ہے اور ملک کی واحد سمندر سے خام تیل منتقلی کی سہولت کی حامل ہے، جو بڑے ٹینکروں کو سنبھال سکتی ہے۔
کمپنی مستقبل میں ایک دوسری آف شور ٹرمینل لگانے اور اپنی ریفائنری کو اگلے 5 سے 6 سالوں میں اپگریڈ کرنے کا منصوبہ بھی رکھتی ہے۔
یہ بھی پڑھیے: پاکستان اور امریکا کے درمیان تاریخی تجارتی معاہدہ طے پا گیا، نائب وزیراعظم اسحاق ڈار کا اظہارِ اطمینان
قریشی نے کہا کہ کمپنی اس وقت30 سے 35 فیصد کی کم ریفائننگ شرح پر کام کر رہی ہے، تاہم مقامی مانگ بڑھنے کے ساتھ ساتھ اس میں اضافے کی توقع ہے۔
دوسری جانب ٹرمپ نے بدھ کو کہا کہ امریکا پاکستان کے ساتھ اس کے بڑے پیمانے پر تیل کے ذخائر کو ترقی دینے کے لیے بھی تعاون کرے گا، تاہم اس حوالے سے کوئی مزید تفصیلات فراہم نہیں کی گئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پاکستان پیٹرول تجارت خام تیل
’عمران خان کی رہائی کے لیے 5 اگست کو ملک گیر احتجاج ہو گا‘