کشمیری عوام کو انکے قسمت کا فیصلہ کرنیکا حق دیا جائے، علامہ مقصود ڈومکی
اشاعت کی تاریخ: 5th, February 2025 GMT
یوم یکجہتی کشمیر کے موقع پر منعقدہ تقریب سے خطاب کرتے ہوئے علامہ مقصود ڈومکی نے کہا کہ مجلس وحدت مسلمین مظلوموں کی حامی جماعت ہے۔ ہم نے ہمیشہ کشمیر اور فلسطین کے مظلوموں کے حق میں آواز بلند کی ہے۔ اسلام ٹائمز۔ ایم ڈبلیو ایم کے مرکزی رہنماء علامہ مقصود علی ڈومکی نے کہا ہے کہ کہ امت مسلمہ اور پاکستانی عوام کے دل مظلوم کشمیری عوام کے ساتھ دھڑکتے ہیں۔ کشمیر ہماری شہ رگ حیات ہے، اور ہم کبھی بھی کشمیری عوام کو تنہاء نہیں چھوڑیں گے۔ ان خیالات کا اظہار انہوں نے جیکب آباد میں سٹی آف نالج پبلک اسکول کے زیر اہتمام یوم یکجہتی کشمیر کی تقریب سے خطاب کرتے ہوئے کیا۔ مظلوم کشمیری عوام سے اظہار یکجہتی کے لئے منعقدہ تقریب کے مہمان خصوصی مجلس وحدت مسلمین پاکستان کے مرکزی رہنماء علامہ مقصود علی ڈومکی تھے، جبکہ اعزازی مہمان ایم ڈبلیو ایم شعبہ عزاداری ونگ کے صوبائی نائب صدر سید غلام شبیر نقوی، مجلس علماء مکتب اہل بیت کے ضلعی رہنماء مولانا منور حسین سولنگی اور آئی ایس او یونٹ جیکب آباد کے صدر اظہار الحسن تھے۔
اس موقع پر تقریب سے خطاب کرتے ہوئے علامہ مقصود علی ڈومکی نے کہا کشمیر کے اندر انڈیا کی ظلم اور بربریت ختم ہونی چاہئے۔ کشمیری عوام کو ان کے قسمت کا فیصلہ کرنے کا حق دیا جائے اور اقوام متحدہ کی قراردادوں کی روشنی میں کشمیر میں استثواب رائے اور ریفرنڈم ہونا چاہئے۔ انہوں نے کہا کہ مجلس وحدت مسلمین مظلوموں کی حامی جماعت ہے۔ ہم نے ہمیشہ کشمیر اور فلسطین کے مظلوموں کے حق میں آواز بلند کی ہے۔ انڈیا کو یہ بات سمجھ جانی چاہئے کہ وہ زیادہ عرصہ تک کشمیر میں ظلم اور جبر کے ذریعے حاکمیت قائم نہیں رکھ سکتا۔ ہم کشمیری عوام کی جدوجہد اور شہدائے آزادی کشمیر کو سلام عقیدت پیش کرتے ہیں۔ تقریب سے دیگر مہمان سید غلام شبیر نقوی نے خطاب کرتے ہوئے کہا کہ ہم نے ہمیشہ مظلوم کشمیریوں کے حق میں آواز بلند کی ہے اور ہم امت مسلمہ سے اپیل کرتے ہیں کہ وہ بھی مظلوم کشمیریوں کے حق میں صدائے احتجاج بلند کریں۔
ذریعہ: Islam Times
کلیدی لفظ: خطاب کرتے ہوئے مظلوم کشمیری علامہ مقصود کشمیری عوام کے حق میں نے کہا
پڑھیں:
الریاض میں مشتاق بلوچ کی جانب سے صحافیوں کے اعزاز میں عشائیہ
data-id="863a0a8" data-element_type="widget" data-widget_type="theme-post-content.default">
پاکستان پیپلز پارٹی گلف مڈل ایسٹ کے نائب صدر مشتاق بلوچ کی جانب سے ریاض کے مقامی ہوٹل میں پاکستانی صحافی برادری کے اعزاز میں پرتکلف عشائیہ کا اہتمام کیا گیا جس میں شعبہ صحافت سے تعلق رکھنے والے افراد نے شرکت کی۔ عابد شمعون چاند کے مطابق تقریب سے خطاب کرتے ہوئے معروف سماجی ، علمی، ادبی اور مذہبی شخصیت انجینئر ارشد محمود تبسّم نے کہا کہ دیارِ غیر میں رہتے ہوئے تمام پاکستانی صحافی اپنی پیشہ ورانہ ذمہ داریاں بخوبی سر انجام دے رہیں صحافی حضرات تمام اختلافات سے بالا تر ہو کر اپنے قلم ، اخلاق اور کردار کے ذریعے دنیا میں پاکستان کا وقار بلند رکھنے میں اپنا کلیدی کردار ادا کریں تمام صحافی سعودی عرب میں نہ صرف اپنے ملک کا نام روشن کر رہے ہیں بلکہ اپنے قلم کے ذریعے اپنی زبان کو زندہ رکھتے ہوئے سات سمندر پار پاکستانی کمیونٹی کی بے لوث خدمات کر رہیں ہیں جو قابل ستائش ہے تقریب سے خطاب کرتے ہوئے میزبان مشتاق بلوچ نے تمام صحافیوں کی پیشہ وارانہ صحافت پر ان کو خراج تحسین پیش کرتے ہوئے کہا کہ صحافیوں کے درمیان اتحاد و یکجہتی سے ہی مثبت صحافت کو فروغ دیا جا سکتا ہے دیار غیر میں آپ تمام صحافی اصل مجاہد ہیں جو دیارِ غیر میں اپنے پیشہ ورانہ فرائض کے ساتھ ساتھ صحافتی سرگرمیوں کو بھی احسن طریقے سے انجام دے رہے ہیں مشتاق بلوچ کا کہنا تھا کہ دیار غیر میں تمام صحافی اردو صحافت کے فروغ سمیت پاکستانیوں کے امیج کو بہتر بنانے کیلئے ہر وقت کوشاں رہتے ہیں تقریب سے ، ملک ناظم علی ، زبیر بلوچ ، کامران اشرف ، سعد لودھی ، ملک عمران ، حمزہ عباس اور حسیب گوندل نے خطاب کرتے ہوئے کہا کہ پاک سعودی دوستی میں تمام صحافی پل کا کردار ادا کرتے رہیں گے تقریب کے آخر میں تمام حاضرین کو پر تکلف عشائیہ دیا گیا اور سعودی عرب سمیت پاکستان کی ترقی خوشحالی اور سالمیت کیلئے خصوصی دعا کے بعد تقریب اختتام پذیرہوئی۔
وفاقی محتسب نے اردو یونیورسٹی کے وائس چانسلر کے بیانات کو صنفی امتیاز قرار دے دیا