خاتون کی معجزاتی زچگی، بچے کے پیٹ میں دوسرے بچے کے پرورش پانے کا حیران کن واقعہ
اشاعت کی تاریخ: 7th, February 2025 GMT
بھارت(نیوز ڈیسک)بھارت کی ریاست مہاراشٹر کے بلڈھانہ ضلع میں ایک نایاب اور حیران کن واقعہ پیش آیا، جہاں ایک خاتون کے پیٹ میں بچہ تھا اور اس بچے کے پیٹ میں بھی ایک اور بچہ ڈیولپ ہو رہا تھا۔بھارتی میڈیا کے مطابق اس غیر معمولی حالت کو طبی اصطلاح میں ’’فیٹس ان فیٹو‘‘ کہا جاتا ہے، جو کہ ایک نایاب اور معجزاتی صورتحال ہے۔ یہ واقعہ کسی فلم کا حصہ نہیں، بلکہ ایک حقیقت ہے، جو 5 لاکھ حاملہ خواتین میں سے صرف ایک کے ساتھ پیش آتی ہے۔یہ معاملہ ایک 32 سالہ خاتون کا ہے، جو پہلے سے دو بچوں کی ماں ہیں۔ جب وہ اپنی سونوگرافی کے لیے اسپتال پہنچیں، تو ڈاکٹروں نے جو کچھ دیکھا وہ حیران کن تھا۔ خاتون کے پیٹ میں ایک بچہ تھا اور اسی بچے کے پیٹ میں ایک اور بچہ برورش پا رہا تھا۔
طبی اصطلاح میں ’’جنین میں جنین‘‘ کے طور پر جانے جانے والے اس واقعہ میں ایک بچے کے رحم میں دوسرا بچہ نشوونما پاتا ہے، جو کہ پیدائش کے وقت کئی صحت کے مسائل پیدا کر سکتا ہے۔ ڈاکٹروں کا کہنا تھا کہ اس بچے کی پیدائش کے بعد پیچیدگیاں پیدا ہو سکتی تھیں۔خاتون کی حالت دیکھتے ہوئے ڈاکٹروں نے اسے مزید علاج کے لیے چھترپتی سمبھاجی نگر منتقل کرنے کا فیصلہ کیا۔تاہم، خاتون کی زچگی بلڈھانہ کے سرکاری اسپتال میں ہوئی، جہاں ڈاکٹروں کی ایک ماہر ٹیم نے انتہائی احتیاط سے آپریشن کیا اور خاتون کے پیٹ سے بچے کو بحفاظت نکالا۔ آپریشن کے بعد بچے کو فوری طور پر علاج کے لیے امراوتی منتقل کیا گیا۔
بالی ووڈ اداکار سونوسود کے وارنٹ گرفتاری جاری
.ذریعہ: Daily Ausaf
کلیدی لفظ: کے پیٹ میں میں ایک بچے کے
پڑھیں:
کراچی میں چوری شدہ موٹرسائیکل کا ای چالان، شہری حیران و پریشان
کراچی میں 4 سال قبل چوری ہونے والی موٹر سائیکل کا ای چالان اس کے اصل مالک کو موصول ہوگیا، جس پرشہری حیران و پریشان رہ گیا۔
متاثرہ شہری کے مطابق، اس کی موٹر سائیکل 4 سال قبل ٹیپو سلطان روڈ سے چوری ہوئی تھی، جس کی ایف آئی آر ٹیپو سلطان تھانے میں درج کروائی گئی تھی۔
تاہم 27 اکتوبر کو موٹر سائیکل نمبر پر ہیلمٹ نہ پہننے کے جرم میں 5 ہزار روپے کا ای چالان موصول ہوا۔
شہری نے حیرت کا اظہار کرتے ہوئے کہا کہ موٹر سائیکل تو 4 سال سے اس کے پاس نہیں، پھر بھی جرمانے کا نوٹس اس کے نام پر بھیجا گیا ہے۔
دوسری جانب، ڈی آئی جی ٹریفک کراچی پیر محمد شاہ کا کہنا ہے کہ شہر میں فیس لیس ای ٹکٹنگ سسٹم کے نفاذ کے بعد ہاتھ سے چالان کرنے کا عمل مکمل طور پر ختم کردیا گیا ہے۔
ڈی آئی جی ٹریفک کے مطابق، 27 اکتوبر سے فیس لیس ای ٹکٹنگ کے باقاعدہ آغاز کےصرف 6 گھنٹوں میں کراچی کے نئے ای چالان سسٹم نے 26 سو سے زائد چالان جاری کیے۔
میڈیا رپورٹس کے مطابق 2662 خلاف ورزیوں پر 1 کروڑ 20 لاکھ روپے مالیت کے جرمانے عائد کیے گئے ہیں۔
ٹریفک قوانین کی خلاف ورزیوں میں اوور اسپیڈنگ، ہیلمٹ نہ پہننا، سیٹ بیلٹ نہ لگانا اور ریڈ سگنل توڑنے جیسی خلاف ضابطہ اقدامات شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوور اسپیڈنگ ای ٹکٹنگ سسٹم ای چالان پیر محمد شاہ ٹریفک قوانین چوری شدہ ڈی آئی جی ٹریفک ریڈ سگنل سیٹ بیلٹ فیس لیس کراچی موٹر سائیکل ہیلمٹ
وفاقی محتسب نے اردو یونیورسٹی کے وائس چانسلر کے بیانات کو صنفی امتیاز قرار دے دیا