ماورا حسین کو شادی پر ’صنم تیری قسم‘ کے ہیرو کا منفرد تحفہ
اشاعت کی تاریخ: 13th, February 2025 GMT
پاکستانی اداکارہ ماورا حسین کی شادی کے بعد جہاں مداحوں نے انہیں مبارکباد دی، وہیں ان کے بالی وڈ فلم "صنم تیری قسم" کے ہیرو ہرشوردھن رانے نے بھی ایک خاص انداز میں انہیں نیک تمنائیں پیش کیں۔
ماورا حسین اور امیر گیلانی 5 فروری 2025 کو رشتہ ازدواج میں منسلک ہوئے، اور اسی خوشی کے موقع پر 7 فروری کو ان کی 2016 کی فلم ’صنم تیری قسم‘ دوبارہ بھارتی سینماؤں میں ریلیز کی گئی۔ حیران کن طور پر فلم نے پہلی بار سے زیادہ بزنس کیا، جو ماورا کے لیے ایک بڑا سرپرائز ثابت ہوا۔
ایک حالیہ انٹرویو میں ہرشوردھن رانے سے پوچھا گیا کہ انہوں نے ماورا حسین کی شادی پر کیا تحفہ دیا؟ تو انہوں نے فلم کی دوبارہ کامیابی کو ہی سب سے بڑا تحفہ قرار دیا۔
اداکار کا کہنا تھا کہ "میں فلم کے نمبرز کے ذریعے ماورا کو نیک تمنائیں دینا چاہوں گا، کیونکہ ہماری فلم کی ری ریلیز نے شاندار بزنس کیا۔"
ہرشوردھن رانے نے مزید انکشاف کیا کہ جب فلم 2016 میں ناکام ہوئی تو انہوں نے اپنے ساتھی اداکاروں، پروڈیوسر اور ہدایتکار سے رابطہ ختم کر دیا تھا۔ لیکن اب فلم کی دوبارہ ریلیز اور کامیابی نے انہیں خوش کر دیا ہے، اور وہ امید کرتے ہیں کہ یہ خوشی ماورا کے چہرے پر بھی نظر آئے گی۔
مداح اس خبر پر خوش ہیں اور ماورا حسین کی نئی زندگی کے ساتھ ساتھ ان کی پرانی فلم کی کامیابی پر بھی جشن منا رہے ہیں۔
.
ذریعہ: Express News
کلیدی لفظ: ماورا حسین فلم کی
پڑھیں:
سرد موسم میں بلا ورزش و ڈائٹنگ وزن گھٹانے کا منفرد اور مؤثر طریقہ
data-id="863a0a8" data-element_type="widget" data-widget_type="theme-post-content.default">
سردیوں میں وزن کم کرنے کے لیے لوگ عموماً سخت ورزش، ڈائٹنگ یا مہنگے فٹنس پروگراموں کا سہارا لیتے ہیں، مگر ماہرین کے مطابق قدرت نے خود ایک ایسا نظام بنا رکھا ہے جو ٹھنڈے موسم میں بغیر کسی اضافی مشقت کے جسمانی وزن گھٹانے میں مددگار ثابت ہوتا ہے۔
تحقیقات کے مطابق انسانی جسم جب کم درجہ حرارت کا سامنا کرتا ہے تو حرارت برقرار رکھنے کے لیے اپنی توانائی خرچ کرنا شروع کر دیتا ہے اور یہی عمل کیلوریز کے تیزی سے جلنے کا سبب بنتا ہے۔ اسی لیے سردی کے دوران لاحق ہونے والی کپکپی محض ایک جسمانی ردِعمل نہیں، بلکہ وزن میں کمی کا قدرتی اشارہ بھی ہو سکتی ہے۔
ماہرین کا کہنا ہے کہ جسم میں چربی دو اقسام کی ہوتی ہے—سفید اور بھوری۔ سفید چربی وہ ذخیرہ ہے جو زائد کیلوریز کے جمع ہونے سے بتدریج بڑھتا جاتا ہے اور نتیجتاً وزن میں اضافہ، ذیابیطس ٹائپ ٹو اور قلبی امراض کا خطرہ بڑھا دیتا ہے۔
اس کے برعکس بھوری چربی جسم کے لیے مفید تصور کی جاتی ہے، کیونکہ یہی چربی توانائی کو حرارت میں تبدیل کرکے جسم کے درجہ حرارت کو مستحکم رکھتی ہے اور میٹابولزم کو فعال بناتی ہے۔
دلچسپ امر یہ ہے کہ ماہرین کے مشاہدے میں آیا کہ دبلا پتلا جسم رکھنے والے افراد میں بھوری چربی کا تناسب نسبتاً زیادہ ہوتا ہے۔ مزید یہ کہ سرد ماحول اس بھوری چربی کی سرگرمی میں اضافہ کرتا ہے، جس سے کیلوریز زیادہ تیزی سے جلتی ہیں۔ 2012 میں ہونے والی ایک اہم تحقیق میں پایا گیا کہ کپکپی کے دوران بھوری چربی کے خلیے غیر معمولی حد تک متحرک ہو جاتے ہیں اور جسم حرارت پیدا کرنے کے لیے اس چربی کو استعمال کرنے لگتا ہے۔
بعدازاں 2014 میں سامنے آنے والی تحقیق نے یہ انکشاف بھی کیا کہ کپکپی کے وقت Irisin نامی ہارمون فعال ہوتا ہے، جو جسم میں موجود چربی کو گھلانے کے عمل کو تقویت دیتا ہے۔
اس تحقیق کے مطابق سرد موسم میں محض پندرہ منٹ کی کپکپی ایک گھنٹے کی ورزش جتنی کیلوریز جلا سکتی ہے، جو سردیوں میں وزن کم کرنے کا ایک حیرت انگیز اور قدرتی طریقہ پیش کرتی ہے۔
ماہرین کا کہنا ہے کہ اگر ٹھنڈ کے موسم میں کبھی ہلکی کپکپی محسوس ہو تو اسے محض ناخوشگوار کیفیت نہ سمجھیں، یہ دراصل آپ کے جسم میں میٹابولزم کے تیز ہونے اور وزن میں ممکنہ کمی کی علامت بھی ہو سکتی ہے۔
ڈی پی ورلڈ آئی ایل ٹی20 اسکولز کپ 2025 کے فائنلسٹ ٹیموں کا اعلان