آبادی کا سیلاب اورقومی وسائل پر دبائو
اشاعت کی تاریخ: 21st, February 2025 GMT
آبادی کے اعتبار سے پاکستان دنیا کا پانچواں بڑا ملک شمار ہوتا ہے حالیہ اعداد و شمار کے مطابق پاکستان کی آبادی 23.75 ملین ہو چکی ہے ۔آبادی میں ہر سال لگ بھگ 50 لاکھ کا اضافہ ریکارڈ کیا جا رہا ہے۔ ملک کی محدود مجموعی پیداواری شرح کے مقابل تیزی سے بڑھتی آبادی کا تناسب بہت زیادہ ہے۔ سیاسی اور اقتصادی عناصر کے مجموعی منفی اثرات کی بدولت گزشتہ برس پیداواری شرح 1.
پاکستان میں اس حوالے سے صورتحال بہت پیچیدہ ہے۔ ریاست کو دستیاب وسائل نوجوانوں کو بامقصد تعلیم، ہنر کاری اور پیشہ وارانہ تربیت فراہم کرنے کے لیے ناکافی ہیں۔ بہت سے بچے سکولوں سے باہر ہیں۔ تعلیم اور مفید فنون سے بے بہرہ نوجوان اوائل عمری سے ہی جرائم ،منشیات اور دیگر غیر قانونی سرگرمیوں میں ملوث ہو کر اپنا مستقبل برباد کر بیٹھتے ہیں اور معاشرے میں بھی بدامنی کا باعث بنتے ہیں۔آبادی کا بے ہنگم پھیلاو پہلے سے قلیل قومی وسائل پر ناقابل برداشت بوجھ بن چکا ہے۔ دیہی علاقوں میں بسنے والے صحت ، تعلیم ، آمد و رفت اور انصاف کی بنیادی سہولیات سے محروم ہیں ۔ یہ مسائل دیہی علاقوں کی پسماندگی تک ہی محدود نہیں بلکہ بڑے شہروں میں بھی بنیادی سہولیات کا معیار غیر تسلی بخش ہے۔ اکثر سرکاری شفا خانوں میں ایک بستر پر دو دو مریضوں کو رکھنے کی نوبت آجاتی ہے۔ پینے کے صاف پانی کی قلت کے باعث مہلک امراض پھیل رہے ہیں۔ ترقی یافتہ اقوام کی صف میں شامل ہونے کے لئے پاکستان کو موثر حکمت عملی اور غیر متزلزل قوت عمل درکار ہے۔ پائیدار استحکام اور اقتصادی ترقی کا دارومدار درست منصوبہ بندی پر ہے۔ ہر برس بتدریج بڑھتی آبادی کی شرح یہ تقاضا کر رہی ہے کہ دنیا میں آنے والے ہر نئے زی نفس کو بنیادی سہولیات فراہم کی جائیں ۔ بچے کی درست نشوونما کے لئے سب پہلی بنیادی ضرورت غذا اور علاج معالجے کا بندبست ہے۔ اس کے بعد اخلاقی تربیت اورابتدائی تعلیم کے لئے معیاری درسگاہوں کی فراہمی کا معاملہ درپیش ہوتا ہے۔ اعلی تعلیم کے لئے کالجز اور یونیورسٹیوں کے مرحلے تک پہنچنے سے پہلے ہی محدود ریاستی وسائل کا دم آبادی کے بوجھ سے گھٹنا شروع ہوجاتا ہے۔ ہماری آبادی کا کثیر حصہ نوجوانوں پر مشتمل ہے۔ انسانی وسائل کا یہ قیمتی خزانہ بنیادی سہولیات کی عدم دستیابی اور ناقص منصوبہ بندی کا شکار ہوکر معاشرے پر بوجھ بن جاتا ہے۔ وقت آگیا ہے کہ ریاستی سطح پر جاری اس مجرمانہ غفلت کا خاتمہ کر کے شہریوں کو وہ سہولیات فراہم کی جائیں جن کا ذکر بڑی صراحت کے ساتھ پاکستان کے آئین میں کیا گیا ہے۔
بدقسمتی سے قومی میڈیا نے بھی عوامی مسائل کو اجاگر کرنے کے معاملے میں شدید کوتاہی برتی ہے۔ سر شام ٹی وی چینلز کے اکھاڑوں اور سوشل میڈیا کے میدانوں میں ہیجان انگیز سیاسی موضوعات پر دنگل منعقد ہوتے ہیں ۔ سیاسی جماعتوں کے لگے بندھے ترجمان مخالفین کی پگڑیاں اچھالنے اور اپنے قائدین کے قصیدے پڑھ کر گھروں کی راہ لیتے ہیں۔ ان بے مقصد مباحث کا نہ تو معاشرے کو کوئی فائدہ پہنچتا ہے اور نہ ہی عوام کے مجموعی سوچ کو کوئی مثبت رخ ملتا ہے۔ یہ امر تعجب خیز ہے کہ اکثر سیاسی ترجمان اپنے بیانات میں تاثیر پیدا کرنے کے لئے آئین کے حوالے تو دیتے ہیں لیکن کبھی بھی ان شقوں کا ذکر نہیں کرتے جو ریاست اور حکمرانوں کو عوام کے حقوق اور فلاح کا زمہ دار ٹہراتی ہیں۔ سیاست محض کسی قائد کی اسیری ، رہائی اور مقدمات سے بریت کا نام نہیں۔ نہ ہی سیاست اپنے مخالفین کی کردار کشی کا کھیل ہے۔ دنیا بھر میں مہذب ترقی یافتہ اقوام اپنے عوام کو سیاست کا مرکز و محور بنا کر میدان عمل میں اترتی ہیں۔ قرضوں میں جکڑی معیشت اور سیاسی قائدین کے شخصی سحر میں گرفتار جماعتیں بہت سیقومی مسائل کی جڑ ہیں۔ موجودہ ناقص روش تبدیل کئے بنا کوئی چارہ نہیں۔ وفاقی اور صوبائی حکومتوں پر یہ فرض عائد ہوتا ہے پیچیدہ مسائل میں گھرے کروڑوں عوام کو اپنی اولیں ترجیح قرار دے کر بنیادی سہولیات کی فراہمی کو یقینی بنائیں۔ اگر ہوش کے ناخن نہ لئے تو آبادی کا سیلاب بچے کھچے قومی وسائل کو بھی خس و خاشاک کی طرح بہا کر لے جائے گا۔
ذریعہ: Daily Ausaf
کلیدی لفظ: بنیادی سہولیات آبادی کا کرنے کے کے لئے
پڑھیں:
سیلاب متاثرین کی بحالی کیلئے بینک الفلاح کا مزید 50 لاکھ ڈالرعطیہ کرنے کا اعلان
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر) بینک الفلاح کے چیئرمین شیخ نہیان بن مبارک آل نہیان اور بورڈ آف ڈائریکٹرز نے 2025 کے سیلاب سے متاثرین کی بحالی کے لیے اضافی 50 لاکھ امریکی ڈالر،تقریباً 1.4 ارب روپے کی منظوری دی ہے۔ اس اعلان کے بعد بینک الفلاح کی جانب سے 2022 سے اب تک کے سیلاب زرہ علاقوں اور متاثرین کی بحالی کیلئے مجموعی امداد 1 کروڑ 50 لاکھ ڈالر تک پہنچ گئی ہے، جو موسمیاتی تباہ کاریوں کے بعد مسلسل عوامی معاونت کے عزم کی عکاسی کرتی ہے۔
یہ اعلان بینک الفلاح کے صدر اور چیف ایگزیکٹو آفیسر عاطف باجوا نے کراچی میں پریس کانفرنس کے دوران کیا۔ان کا کہنا تھا کہ”بینک الفلاح کی خواہش ہے کہ ہم صرف ایک مالیاتی ادارہ نہ رہیں بلکہ ایک ایسا بینک بنیں جو لوگوں کا احساس کرے۔ ہم اپنے چیئرمین اور بورڈ کے شکر گزار ہیں جنہوں نے یہ فراخ دلانہ تعاون فراہم کیا، جو اس بات کا ثبوت ہے کہ ہم متاثرین کی بحالی اور موسمیاتی تبدیلی سے مقابلے کی صلاحیت کو مضبوط بنانے کے لیے پرعزم ہیں۔”
نئے فراہم کیے گئے فنڈز غیر سرکاری تنظیموں اور شراکت داروں کے نیٹ ورک کے ذریعے پنجاب، خیبر پختونخوا اور گلگت بلتستان میں بنیادی ڈھانچے، روزگار کی بحالی اور کمیونٹیز کی مضبوطی پر خرچ کیے جائیں گے۔ اس اقدام میں رہائش، تعلیم، صحت اور موسمیاتی لحاظ سے موزوں زراعت سمیت ترقیاتی اقدامات شامل ہوں گے۔
رواں سال 2025کے سیلاب نے پاکستان کو ایک بار پھر شدید متاثر کیا ہے، جبکہ 2022 میں 3 کروڑ 30 لاکھ افراد متاثر ہوئے تھے۔ تاہم وسیع امدادی سرگرمیوں کے باوجود 80 لاکھ سے زائد بے گھر افراد اب بھی صحت اور رہائش کے مسائل سے دوچار ہیں۔
2022کے بعد بینک الفلاح نے 1 کروڑ ڈالر کے امدادی منصوبے کا آغاز کیا تھا، جس کے دو مراحل میں سندھ اور بلوچستان میں فوری امداد اور طویل مدتی بحالی شامل تھی۔ بینک الفلاح نے اپنے 479 متاثرہ ملازمین کو بھی 50 کروڑ روپے کی براہ راست مالی مدد فراہم کی، جن کے گھر اور اثاثے سیلاب میں تباہ ہوئے تھے، جو ادارے کی ٹیم کیلئے فلاح و بہبود کی روایت کا ثبوت ہے۔
کراچی، نادرن بائی پاس پر پلاسٹک کے گودام میں آگ لگ گئی