شہری سوشل میڈیا فراڈ اور ہنی ٹریپ سے کیسے بچیں؟
اشاعت کی تاریخ: 1st, March 2025 GMT
لاہور:
شہری سوشل میڈیا فراڈ، ہنی ٹریپ اور خواتین آن لائن ہراسگی سے کیسے بچیں، اس حوالے سے پنجاب حکومت نے باضابطہ مہم شروع کردی ہے۔
ترجمان محکمہ داخلہ پنجاب کے مطابق وزیراعلیٰ مریم نواز کی ہدایت پر محکمہ داخلہ نے عوامی فلاح کے لیے احسن اقدام کرتے ہوئے شہریوں کو دھوکے باز عناصر سے خبردار کرنے کے لیے آگاہی مہم شروع کردی۔
سوشل میڈیا کے ذریعے ہونے والے فراڈ سے بچاؤ کے لیے محکمہ داخلہ نے اہم ہدایات جاری کی ہیں، جس میں کہا گیا ہے کہ شہری سوشل میڈیا اور تمام ڈیجیٹل پلیٹ فارمز ذمے داری سے استعمال کریں ۔
ہدایات میں بتایا گیا ہے کہ واٹس ایپ سمیت دیگر سوشل میڈیا پلیٹ فارمز پر انجان لوگوں سے معلومات ہرگز شیئر نہ کریں۔ انجان نمبرز سے آنے والی کالز اور میسجز پر کوئی رقم یا کوڈ نہ بھجوائیں۔ اسی طرح نان کسٹم پیڈ اشیا کی خریداری کے لیے کوڈ اور اکاؤنٹ نمبر بھی کسی سے شئیر نہ کریں ۔
شہری کسی عزیز کے اغوا کی جھوٹی کال پر کوئی رقم نہ بھیجیں اور خواتین کی جانب سے دوستی کی کالز سے محتاط رہیں، آپ ہنی ٹریپ کا شکار ہوسکتے ہیں ۔ کسی انجان شخص کو اپنی دفتری، ذاتی یا خاندانی معلومات ہرگز نہ دیں۔
ہدایات میں کہا گیا ہے کہ شہری انٹرنیٹ پر کوئی بھی مشکوک یا انجان لنک کھولنے سے گریز کریں ۔ کسی بھی مشکوک سرگرمی یا فراڈ کی اطلاع فوری طور پر ایمرجنسی 15 پر دیں ۔
.ذریعہ: Express News
کلیدی لفظ: سوشل میڈیا کے لیے
پڑھیں:
‘دیوالی پر صرف 10 ہزار، شرم کی بات ہے‘، ملازم کی ویڈیو سامنے آنے پر امیتابھ تنقید کی زد میں
بالی وڈ شہنشاہ امیتابھ بچن دیوالی کے موقع پر ملازمین کو صرف 10 ہزار بھارتی روپے کیش دینے پر تنقید کی زد میں آگئے۔
حال ہی میں بھارت سمیت دنیا بھر کے مختلف ممالک میں ہندو برادری نے دیوالی کا تہوار منایا، اس موقع پر امیتابھ بچن کے گھر کے باہر کی ایک ویڈیو سامنے آنے کے بعد سوشل میڈیا صارفین نے بالی وڈ بگ بی کو نشانے پر رکھ لیا۔
View this post on Instagram
A post shared by Sagarthakurvlog (@sagar.thakur84)
سوشل میڈیا پر سامنے آئی ویڈیو میں ایک شخص کو چہرہ ظاہر کیے بغیر دیوالی کے موقع پر امیتابھ بچن کے گھر کے باہر کیا گیا چراغاں اور ان کے ملازم سے گفتگو کرتے دیکھا جاسکتا ہے۔
ویڈیو میں بگ بی کے گھر سے باہر گزرتا ملازم دیوالی پر امیتابھ بچن کی طرف سے ملنے والی مٹھائی کا ڈبہ اور پیسوں کا لفافہ بھی دکھا رہا ہے۔
پوچھنے پر امیتابھ بچن کے ملازم نے بتایا کہ اس لفافے میں ملازموں کو 10 ہزار کیش انعام دیا گیا ہے، شیئر کیے جانے کے بعد ویڈیو تیزی سے سوشل میڈیا پر وائرل ہوگئی۔
سوشل میڈیا صارفین کا ردعمل
‘دیوالی پر صرف 10 ہزار، شرم کی بات ہے‘، ملازم کی ویڈیو سامنے آنے پر امیتابھ تنقید کی زد میں
وائرل ویڈیو پر سوشل میڈیا صارفین امیتابھ بچن پر تنقید کرتے نظر آرہے ہیں ۔
دیویش نامی صارف نے ویڈیو پر حیرانگی کا اظہار کرتے ہوئے لکھا کہ صرف 10 ہزار؟
ایک صارف نے امیتابھ بچن کے دیے گئے کیش کا مذاق اڑاتے ہوئے بتایا کہ ’میری ملازمہ کی تنخواہ 13 ہزار ہے تو وہ دیوالی کا بونس بھی 13 ہزار لے کر گئی ہے ‘۔
گورو نامی صارف کا کہنا تھا کہ صرف 10 ہزار ، شرم آنی چاہیے، جبکہ ایک نے لکھا کہ 10 ہزار سے کیا ہوگا؟
ایک صارف نے تنقید کرتے ہوئے بتایا کہ ’دیوالی پر سب لوگ دگنی تنخواہ دیتے ہیں جبکہ کچھ 20 سے 25 ہزار کا بونس بھی دیتے ہیں‘۔
ایک صارف نے لکھا کہ افسوس کی بات ہے، جس طرح سے یہ اسٹار کام کرتے ہیں انھیں 24 گھنٹے اپنے لیے کام کرنے والے ملازموں کو زیادہ پیسے دینے چاہئیں، کیوں کہ ان کا کام آسان نہیں ہے‘۔
کچھ خالص ہے؟؟!!!