اسلام آباد میں خاتون اوربیٹی پر تشدد کی ویڈیو وائرل ہونے پر مقدمہ درج، ملزم گرفتار
اشاعت کی تاریخ: 10th, March 2025 GMT
اسلام آباد ( اُردو پوائنٹ اخبارتازہ ترین۔ 10 مارچ 2025ء ) اسلام آباد پولیس نے ایف نائن پارک میں ایک فاسٹ فوڈ چین کے ایک آؤٹ لیٹ کے قریب ہاجرہ نامی خاتون اور اس کی بیٹیوں پر وحشیانہ حملہ کرنے پر اس کے اور اس کے ساتھیوں کے خلاف فرسٹ انفارمیشن رپورٹ (ایف آئی آر) درج ہونے کے بعد ایک شخص کو گرفتار کرلیا، واقعے کا مقدمہ مارگلہ پولیس سٹیشن میں مقدمہ درج کیا گیا تھا۔
ایف آئی آر کی تفصیلات کے مطابق یہ واقعہ 23 فروری 2025ء کو پیش آیا اور درخواست گزار پر رات 8 بجے کے قریب حملہ کیا گیا، ہاجرہ نامی خاتون اپنی بیٹیوں کے ساتھ ایف نائن پارک اسلام آباد کی مشہور فوڈ چین کے قریب موجود تھیں جب ایک سفید مرسڈیز (رجسٹریشن نمبر BGC-521) نے ان کا راستہ روکا، جمال نامی شخص مسلح تھا، متاثرہ کی گاڑی کے قریب آیا اور ہاجرہ کی بیٹی سے کار چھیننے کی کوشش کی جو ڈرائیونگ سیٹ پر تھی۔(جاری ہے)
ایف آئی آر میں خاتون کا کہنا ہے کہ میں (ہاجرہ) باہر نکلی اور اس سے بحث کرنے کی کوشش کی لیکن جمال اور اس کے دوستوں نے ہم پر وحشیانہ حملہ کیا، انہوں نے مجھے اور میری بیٹیوں کو بالوں سے پکڑ کر گھسیٹا اور ہمیں شدید تشدد کا نشانہ بنایا، اس نے ہمیں پستول دکھا کر ہمارا بیگ چھین لیا جس میں 20 لاکھ روپے نقد اور 10 تولے سونا تھا، اس نے گاڑی میں فرار ہونے سے پہلے ہمیں جان سے مارنے کی دھمکی بھی دی۔ بتایا گیا ہے کہ جمال اور اس کے ساتھیوں کے خلاف پاکستان پینل کوڈ (PPC) کی دفعہ 392، 341، 506-II، 354 اور 34 کے تحت مقدمہ درج کیا گیا، جس کے بعد ملزم کے خلاف قانونی کارروائی شروع کر دی گئی اور پولیس نے کارروائی کرتے ہوئے ملزم کو گرفتار کرلیا، تین روزہ جسمانی ریمانڈ حاصل کرنے کے بعد پولیس نے ملزم سے مسروقہ سامان برآمد کرکے چارج شیٹ مجاز عدالت میں پیش کردی جب کہ ملزم کو جوڈیشل ریمانڈ پر جیل بھیج دیا گیا۔.ذریعہ: UrduPoint
کلیدی لفظ: تلاش کیجئے کے قریب اور اس
پڑھیں:
شوہر کے بدترین جنسی تشدد کا شکار ہونے والی بیوی زندگی کی بازی ہار گئی
کراچی کے علاقے لیاری میں شوہر کے مبینہ بدترین جنسی تشدد کے بعد کوما میں جانے والی لڑکی شانتی انتقال کر گئی، پولیس سرجن ڈاکٹر سمیہ سید کے مطابق شوہر کے بہیمانہ جنسی تشدد کا نشانہ بننے والی 19 سالہ شانتی آج صبح 11 بجے کے قریب سول اسپتال کے ٹراما سینٹر میں دم توڑ گئی۔
ڈاکٹر سمیہ سید کا مزید کہنا ہے کہ متاثرہ لڑکی کو ایک اور ہسپتال میں آپریشن کے بعد تشویشناک حالت میں سول ہسپتال منتقل کیا گیا تھا، ابتدائی میڈیکل معائنے میں جنسی تشدد کے شواہد ملے تھے۔
یہ بھی پڑھیے: ایبٹ آباد: خاتون کا دارالامان کے عملے پر جنسی و جسمانی تشدد کا الزام، پولیس نے انکوائری شروع کردی
لیاری کے علاقے بغدادی تھانے کے ایس ایچ او مجید علی نے لڑکی کی موت کی تصدیق کرتے ہوئے کہا ہے کہ شانتی کی شادی 15 جون کو اشوک نامی شخص سے ہوئی تھی اور 2 دن بعد شوہر نے ان پر غیر فطری انداز میں جنسی تشدد کیا، جس سے ان کی طبیعت بگڑ گئی تھی۔
اس واقعہ کا مقدمہ تھانہ بغدادی میں 5 جولائی کو درج ہوا تھا۔ دائرِ مقدمہ سیّوں چانگو نے موقف اپنایا کہ وہ لیاری کے علاقے شاہ بیگ لین کا رہائشی ہے، اس کی چھوٹی بہن شانتی جس کی عمر 19 سال ہے، کی شادی 15 جون 2025 کو اشوک موہن سے ہوئی تھی۔
یہ بھی پڑھیے: ایبٹ آباد: خاتون کا دارالامان کے عملے پر جنسی و جسمانی تشدد کا الزام، پولیس نے انکوائری شروع کردی
مدعی کے مطابق 30 جون کو بہن کی طبیعت بگڑنے پر وہ اسے واپس گھر لے آئے جہاں اس نے والدین کو بتایا کہ 17 جولائی کو اس کے شوہر نے اس کے ساتھ غیر فطری جنسی عمل کیا، ملزم شوہر نے مبینہ طور پر اس کے نازک اعضا میں آہنی پائپ ڈال دیا جس کی وجہ سے اس کی طبیعت خراب ہوئی۔
ایس ایچ او کے مطابق متاثرہ لڑکی کو 7 جولائی کو کوما کی حالت میں ٹراما سینٹر لایا گیا تھا جہاں 2 ہفتوں تک ان کا علاج چلتا رہا تاہم وہ 23 جولائی کو انتقال کر گئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنسی تشدد خاتون خواتین مقدمہ
کاروباری دنیا میں مفت کچھ نہیں