مشہور یوٹیوبر ڈکی بھائی نے اپنی آمدنی بتانا کیوں چھوڑ دی؟
اشاعت کی تاریخ: 18th, March 2025 GMT
پاکستانی یوٹیوبر سعد الرحمٰن جو ڈکی بھائی کے نام سے مشہور ہیں ایک معروف پاکستانی ڈیجیٹل انفلوئنسر ہیں، جن کے 8 ملین کے قریب یوٹیوب سبسکرائبرز ہیں۔ ڈکی بھائی کے ولاگز کے بچے اور بڑے سبھی دیوانے ہیں، یہی وجہ ہے کہ ان کی یوٹیوب پر پوسٹ ہونے والی ہر ویڈیو کو لاکھوں کی تعداد میں ویوز حاصل ہوتے ہیں۔
ڈکی پاکستان کے سب سے زیادہ فالو کیے جانے والے ڈیجیٹل تخلیق کار ہیں اور ان کی آمدنی بھی لاکھوں ڈالرز میں ہے، تاہم اب وہ اپنے مداحوں کے ساتھ اپنی آمدنی کی تفصیلات شیئر نہیں کرتے۔
ڈکی نے حال ہی میں نادر علی کے پوڈکاسٹ میں شرکت کی، جہاں میزبان نے ان سے ان کی ماہانہ آمدنی کے بارے میں سوال پوچھا لیکن انہوں نے اس کا جواب دینے سے گریز کیا۔
نادر کے سوال کے جواب میں ڈکی نے کہا، آپ کا مطلب ہے کہ میں کتنے آلٹوز کماتا ہوں کیونکہ آلٹو اب پوڈکاسٹس کی دنیا میں ایک کرنسی بن چکا ہے۔ مجھے لگتا ہے کہ معاذ صفدر نے کہا تھا کہ وہ اتنی آمدنی کماتے ہیں جتنی ایک آلٹو کی قیمت ہوتی ہے۔ انہوں نے یہ آپ کے پوڈکاسٹ میں کہا تھا۔
ڈکی بھائی کا کہنا تھا کہ ’پہلے میں اپنی آمدنی کی تفصیلات شیئر کرتا تھا، لیکن پھر مجھے لگا کہ میں بری نظر کا شکار ہو رہا ہوں۔ میں اچھی آمدنی کماتا ہوں، لیکن اب میں اس کے بارے میں نہیں بتاتا۔ لیکن میری آمدنی اتنی ہے کہ میں پرائیوٹ جیٹ نہیں خرید سکتا لیکن کوئی بھی گاڑی خرید سکتا ہوں، جو چاہوں خرید سکتا ہوں اور جہاں جانا چاہوں جا سکتا ہوں‘۔
یہ بھی پڑھیں: یوٹیوبر ڈکی بھائی یوٹیوب سے ماہانہ کتنے لاکھ ڈالر کما رہے ہیں؟
یوٹیوبر نے بتایا کہ آمدنی کے متعدد ذرائع ہیں۔ ہمیں برانڈز سے پیسے ملتے ہیں اور ایڈ ریونیو بھی ہماری آمدنی میں شامل ہوتا ہے۔ جو لوگ ٹک ٹاک لائیو اسٹریمز کرتے ہیں وہ زیادہ کماتے ہیں، اور تمام ڈیجیٹل تخلیق کار ایک جیسی آمدنی کماتے ہیں۔
واضح رہے اس سے قبل ایک انٹرویو میں ڈکی بھائی سے سوال کیا گیا تھا کہ وہ یوٹیوب سے ماہانہ کتنی آمدن حاصل کرتے ہیں۔ ڈکی بھائی نے جواب دیا تھا کہ وہ یوٹیوب سے اندازاً ایک سے ڈیڑھ لاکھ ڈالر (تقریباً 3 کروڑ پاکستانی روپے) ماہانہ کما لیتے ہیں۔
ڈکی بھائی کا کہنا تھا کہ یوٹیوب پر صرف ویڈیوز ہی نہیں بلکہ اسپانسرشپ کے ذریعے بھی پیسے کمائے جاتے ہیں اور پاکستان میں صرف 5 ایسے یوٹیوبرز ہیں جن کی ویڈیوز پر لاکھوں کی تعداد میں ویوز آتے ہیں اور ان کی ماہانہ آمدن لاکھوں ڈالرز میں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈکی بھائی ڈکی بھائی آمدن یو ٹیوبر.ذریعہ: WE News
کلیدی لفظ: ڈکی بھائی ڈکی بھائی ا مدن یو ٹیوبر ڈکی بھائی ہیں اور تھا کہ
پڑھیں:
خاتون سے شوہر کے سامنے زیادتی کے ملزم کی مقابلے میں ہلاکت کا خدشہ ہے: بھائی کی درخواست
لاہور ہائی کورٹ—فائل فوٹولاہور ہا ئی کورٹ میں حافظ آباد میں خاتون کو شوہر کے سامنے زیادتی کا نشانہ بنانے والے ملزم کے بھائی نے درخواست دائر کی ہے۔
درخواست گزار نے مؤقف اختیار کیا ہے کہ پولیس نے ملزم اکرام کو خاتون سے زیادتی کے مقدمے میں گرفتار کیا ہے۔
پنجاب پولیس نے دعویٰ کیا ہے کہ حافظ آباد میں شوہر کے سامنے خاتون سے اجتماعی زیادتی کرنے والا ایک ملزم پولیس مقابلے میں اپنے ہی ساتھیوں کی فائرنگ سے مارا گیا۔
درخواست میں مؤقف اپنایا گیا ہے کہ ملزم اکرام کی پولیس مقابلے میں ہلاکت کا خدشہ ہے۔
درخواست گزار کا مؤقف ہے کہ خاتون سے زیادتی کرنے والے ملزمان خاور منصب، خاور فیاض اور لئیق پولیس مقابلے میں مارے جا چکے ہیں۔
درخواست میں استدعا کی گئی ہے کہ عدالت پولیس کو ملزم اکرام کو پیش کرنے کا حکم دے۔
میر واعظ کی طرف سے کشمیری سرکاری ملازمین کی جبری برطرفی کی مذمت