خونی ٹریفک حادثات، کراچی میں نئے ٹریفک اور روڈ سیفٹی قوانین پر سختی سے عملدرآمد کا فیصلہ
اشاعت کی تاریخ: 30th, March 2025 GMT
کسی بھی ٹریفک قانون کی خلاف ورزی دوبارہ کرنے پر 2,500 روپے کا اضافی جرمانہ عائد کیا جائے گا، جو کہ موجودہ خلاف ورزی کے جرمانے کے ساتھ وصول کیا جائے گا۔ اسلام ٹائمز۔ شہر قائد میں بڑھتے ٹریفک حادثات اور ان میں قیمتی انسانی جانوں کے ضیاع کے پیش نظر شہر قائد میں نئے ٹریفک اور روڈ سیفٹی قوانین کا نفاذ کر دیا گیا، جن پر سختی سے عمل درآمد کرانے کا فیصلہ کیا گیا ہے۔ ٹفصیلات کے مطابق ترجمان کراچی ٹریفک پولیس کی جانب سے جاری بیان میں کہا گیا کہ یہ فیصلہ ایک اعلیٰ سطح کے اجلاس میں کیا گیا، جس کی صدارت آئی جی سندھ پولیس نے کی۔ اجلاس میں ایڈیشنل آئی جی کراچی، کمشنر کراچی، سیکریٹری ٹرانسپورٹ، تمام زونل ڈی آئی جیز، ڈی آئی جی آئی ٹی، ڈی آئی جی ڈرائیونگ لائسنس، ڈی آئی جی ٹریفک، اور تمام فیلڈ و ٹریفک ایس ایس پیز نے شرکت کی۔ ترجمان کراچی ٹریفک پولیس کے مطابق شہرقائد میں ٹریفک کی روانی کو بہتر بنانے اور سڑکوں کو محفوظ بنانے کیلئے حکام نے سخت اقدامات متعارف کروائے گئے ہیں، جو ٹرانسپورٹرز، موٹر سائیکل سواروں اورچنگچی رکشہ جات پر لاگو ہوں گے۔ اجلاس میں فیصلہ کیا گیا کہ حکومت ٹریفک قوانین پر سختی سے عمل درآمد کروائے گی، تاکہ سڑکوں کی حفاظت اور شہریوں کی سہولت کو یقینی بنایا جا سکے۔
تمام بھاری گاڑیوں میں سائیڈ ریلنگز اور انڈررنز کی تنصیب لازمی ہوگی، تاکہ چھوٹی گاڑیاں اور موٹرسائیکلیں کسی بھی حادثے کی صورت میں ان کے ٹائروں میں پھنسنے سے بچ سکیں، جی پی ایس ٹریکر، ڈیش کیم، ریئرویوکیم اور کیبن کیم نصب کرنا لازمی ہوگا، تاکہ حادثات کی صورت میں شواہد محفوظ کیے جا سکیں اور ڈرائیور کے رویئے کی نگرانی ممکن ہو، آئل ٹینکرز میں بفر پلیٹس لگانے کی ہدایت دی گئی ہے، تاکہ مائع کے دباؤ کو کنٹرول کیا جا سکے اور گاڑی کو استحکام فراہم کیا جا سکے۔ ترجمان کے مطابق ڈرگ اورفٹیک ٹیسٹ متعارف کرائے جا رہے ہیں، تاکہ نشے کی حالت میں یا غیر معمولی طویل ڈرائیونگ سے شدید تھکاوٹ ہو چکی ہو، ایسے ڈرائیوروں کی نشاندہی کی جا سکے۔ سڑکوں پر پانی گرانے والے واٹر ٹینکرز کے خلاف سخت کارروائی کی جائے گی، کیونکہ پانی کی پھسلن موٹر سائیکل سواروں کیلئے جان لیوا ثابت ہو سکتی ہے۔
موٹر سائیکل سواروں کو ہیلمٹ پہننا لازمی ہوگا، خلاف ورزی کرنے والوں کے خلاف بغیر کسی رعایت سخت کریک ڈاؤن کیا جائے گا، موٹر سائیکل سواروں کیلئے چین اسپاکٹ پر چین کور نصب کرنا لازمی ہوگا۔ ہیڈ لائٹ، ٹیل لائٹ، ہیزرڈ لائٹ اور انڈیکیٹرز درست حالت میں ہونی چاہئیے۔ رجسٹریشن پلیٹس دونوں طرف نمایاں ہونی چاہئیں، ریئرویو مررز کا استعمال لازمی ہوگا۔ ڈرائیونگ لائسنس ہمیشہ ساتھ رکھنا ضروری ہوگا، موٹر سائیکل سواروں کیلئے سڑک کے بائیں طرف چلنا لازمی ہوگا، جو سوار درمیانی یا دائیں طرف چلتے پائے گئے، انہیں روکا جائے گا اور جرمانہ کیا جائے گا۔ ترجمان کے مطابق اے این پی آر یعنی 'آٹومیٹک نمبر پلیٹ ریکگنیشن' کیمرے نصب کیے جا رہے ہیں، جو ریڈ سگنل توڑنے پر یا اسٹاپ لائن سے آگے رکنے والے موٹر سائیکل سواروں اور گاڑیوں کی نشاندہی کریں گے۔ رفتار کی حد پر عملدرآمد کروانے کیلئے اسپیڈ کیمرے نصب کیے جا رہے ہیں۔ لین مانیٹرنگ کیمرے ایسے ڈرائیورز کی نشاندہی کریں گے، جو غلط لین میں گاڑی چلا رہے ہوں گے، تاکہ سڑک پر نظم و ضبط قائم رکھا جا سکے۔
کسی بھی ٹریفک قانون کی خلاف ورزی دوبارہ کرنے پر 2,500 روپے کا اضافی جرمانہ عائد کیا جائے گا، جو کہ موجودہ خلاف ورزی کے جرمانے کے ساتھ وصول کیا جائے گا۔ ترجمان کے مطابق ابتدائی طور پر پانچ بڑی شاہراہوں کو چنگچی رکشہ جات (اضافی سیٹ والے) کیلئے ممنوع قرار دیا گیا ہے، جن میں آئی آئی چندریگر روڈ شاہین کمپلیکس سے ٹاور، شاہراہِ فیصل آواری سے اسٹار گیٹ، خلیق الزمان روڈ للی سگنل سے سب میرین انڈر پاس، سر شاہ سلیمان روڈ لیاقت آباد 10 نمبر، غریب آباد سے اسٹیڈیم اور راشد منہاس روڈ ڈرگ روڈ سے سہراب گوٹھ شامل ہیں۔ شہر میں ٹریفک کی روانی کو بہتر بنانے اور حادثات میں کمی کیلئے مزید سخت پابندیاں بتدریج نافذ کی جائیں گی، یہ اقدامات ذمہ دارانہ ڈرائیونگ کو یقینی بنانے، حادثات کی روک تھام اور شہریوں کیلئے محفوظ سڑکوں کی فراہمی کیلئے کیے جا رہے ہیں۔ ان قوانین کی سختی سے نگرانی کی جائے گی اور خلاف ورزی کرنے والوں کے خلاف سخت کارروائی کی جائے گی۔
ذریعہ: Islam Times
کلیدی لفظ: موٹر سائیکل سواروں کیا جائے گا لازمی ہوگا جا رہے ہیں خلاف ورزی ڈی آئی جی کے مطابق سختی سے جا سکے کیا جا کیے جا
پڑھیں:
زیر التوا اپیل کی بنیاد پر عدالتی فیصلہ پر عملدرآمد روکنا توہین کے مترادف ہے: سپریم کورٹ
اسلام آباد(ڈیلی پاکستان آن لائن) سپریم کورٹ نے قرار دیا ہے کہ کسی اپیل، نظرثانی یا آئینی درخواست کے زیر التوا ہونے کے سبب ازخود چیلنج شدہ فیصلے پر عمل درآمد رک نہیں جاتا، زیر التوا اپیل کی بنیاد پر فیصلہ پر عملدرآمد روکنا توہین کے مترادف ہے۔
نجی ٹی وی چینل دنیا نیوز کے مطابق چیف جسٹس یحییٰ خان آفریدی کا تحریر کردہ 4 صفحات پر مشتمل فیصلہ جاری کر دیا گیا، چیف جسٹس یحییٰ آفریدی کی سربراہی میں تین رکنی بنچ نے کیس کی سماعت کی تھی۔
فیصلہ کے مطابق معاملہ 2010 میں بہاولپور کی زمین سے متعلق تنازع پر شروع ہوا، لاہور ہائیکورٹ بہاولپور بنچ نے 2015 میں معاملہ ریونیو حکام کو ریمانڈ کیا، ہائیکورٹ نے ریونیو حکام کو ہدایت کی تھی کہ قانون کے مطابق دوبارہ فیصلہ کریں۔
26ویں ترمیم معاہدہ: حکومت وعدے پر قائم نہیں رہتی تو ہمیں عدالت جانا ہوگا، مولانا فضل الرحمان
جاری کردہ فیصلہ میں بتایا گیا کہ ایک دہائی گزرنے کے باوجود ڈپٹی لینڈ کمشنر بہاولپور نے فیصلہ نہیں کیا، ہائیکورٹ کے ریمانڈ آرڈر پر عملدرآمد میں 10 سال تاخیر ہوئی، ریونیو حکام نے ہائیکورٹ کے احکامات پر عمل نہیں کیا، ایڈووکیٹ جنرل پنجاب نے اعتراف کیا ہے کہ کسی عدالت کا سٹے آرڈر نہیں تھا جو فیصلہ پر عمل درآمد سے روکتا۔
چیف جسٹس نے قرار دیا کہ ریمانڈ آرڈرز کو اختیاری سمجھنا غیر آئینی طرز عمل ہے، اپیل یا نظرثانی کی زیر التوا درخواست فیصلے پر عملدرآمد نہیں روکتی، یہ عمل عدالتی احکامات کی توہین کے مترادف ہے، محض زیر التوا مقدمے کی بنیاد پر عملدرآمد روکنا قابل قبول نہیں۔
نیوزی لینڈ نے ایف آئی ایچ پروہاکی لیگ سے دستبرداری کا باضابطہ اعلان کردیا
فیصلہ کے مطابق عدالت نے چیف لینڈ کمشنر کو پالیسی گائیڈ لائنز جاری کرنے کی ہدایت کر دی، چیف لینڈ کمشنر نے عدالت میں تمام ریمانڈ کیسز کی مانیٹرنگ کا وعدہ کیا جس پر عدالت نے تمام پٹیشنز غیر موثر ہونے پر نمٹا دی۔
عدالت عظمیٰ نے فیصلہ دیا ہے کہ تین ماہ میں ریمانڈ کیسز کی تفصیلی رپورٹ رجسٹرار کو جمع کرائی جائے، تمام متعلقہ اتھارٹیز کو ریمانڈ آرڈرز پر فوری عملدرآمد کا حکم دیتے ہوئے کہا ہے کہ آئندہ تاخیر یا غفلت ناقابل قبول ہوگی۔
وقت ختم ، اب کسی سے کوئی مذاکرات نہیں ہوں گے،عمران خان