سری دیوی کی پُراسرار موت پر مجھ سے دبئی میں سخت تفتیش ہوئی؛ بونی کپور
اشاعت کی تاریخ: 7th, April 2025 GMT
سری دیوی کو بھارتی فلم انڈسٹری کی پہلی خاتون سپر اسٹار ہونے کا اعزاز حاصل تھا اپنے وقت کی مقبول ترین ہیروئن 7 سال قبل ایک افسوسناک واقعے میں پُراسرار طور پر ہلاک ہوگئی تھیں۔
24 فروری 2018 کا دن سری دیوی کے اہل خانہ اور مداحوں سمیت پوری فلم انڈسٹری کے لیے ایک دکھ بھرا دن تھا جب ایک غیر متوقع خبر نے سب کے ہوش اُڑا دیئے تھے۔
خبر یہ تھی کہ دبئی کے ایک ہوٹل میں اپنے کمرے کے واش روم میں سری دیوی مردہ حالت میں پائی گئی تھیں۔
لیجنڈری اداکارہ سری دیوی کی لاش باتھ ٹب میں ڈوبی ہوئی تھی۔ ہوٹل کے اس کمرے میں سری دیوی کے ساتھ ان کے شوہر ہدایتکار بونی کپور بھی تھے۔
ایک حالیہ انٹرویو میں فلم ساز بونی کپور نے اُن دنوں کی پریشانی کو یاد کرتے ہوئے ہوشربا انکشافات کیے ہیں۔
بونی کپور نے بتایا کہ ہمارے لیے یہ سب ناقابل یقین تھا۔ ہم سب حیران اور پریشان تھے۔ سوچنے سمجھنے کی صلاحیت بند ہوگئی تھی۔
ہدایتکار بونی کپور نے مزید بتایا کہ ہم غمزدہ تھے اور کچھ سمجھ نہیں آرہا تھا کہ یہ سب کیا اور کیسے ہوگیا اور اس عالم میں پولیس نے مجھ سے سخت قسم کی تفتیش بھی کی۔
بونی کپور نے بتایا کہ پولیس میری بات پر یقین کرنے کو تیار نہیں تھی یہاں تک کہ میرا جھوٹ پکڑنے والا ٹیسٹ بھی کرایا گیا۔
فلم ساز اور ہدایتکار بونی کپور نے مزید کہا کہ جھوٹ پکڑنے والے ٹیسٹ میں مجھے پاس کردیا گیا اور پھر مجھے تفتیش میں کلین چٹ دی گئی۔
بونی کپور نے یہ بھی بتایا کہ سری دیوی شدید قسم کی کریش ڈائیٹ کر رہی تھیں جس سے ہمارے فیملی ڈاکٹرز بھی پریشان تھے۔
سری دیوی سے متعلق بات کرتے ہوئے ان کے شوہر اور فلم ساز بونی کپور آبدیدہ بھی ہوگئے۔
.
ذریعہ: Express News
کلیدی لفظ: بونی کپور نے سری دیوی بتایا کہ
پڑھیں:
پاک بھارت کشیدگی؛ جنگ ہوئی تو کسی کا کچھ نہیں بچے گا، خواجہ سعد رفیق
لاہور:پاک بھارت کشیدگی پر مسلم لیگ نے کے سینیئر رہنما خواجہ سعد رفیق نے کہا ہے کہ دو ایٹمی طاقتیں تناؤ کی حالت میں آمنے سامنے کھڑی ہیں، چنانچہ جنگ ہوئی تو کسی کا کچھ نہیں بچے گا۔
سوشل میڈیا پلیٹ فارمز پر بھارتی فالس فلیگ آپریشن کے پاکستانی ردعمل پر اظہار خیال کرتے ہوئے سعد رفیق نے کہا کہ پہلگام حملے پر بغیر ثبوت و تحقیق پاکستان پر الزام تراشی انتہا پسند مودی حکومت کا غیر دانشمندانہ عمل ہے۔
انہوں نے کہا کہ انڈس واٹر سسٹم ٹریٹی کی غیر قانونی منسوخی سمیت پاکستان مخالف بھارتی اقدامات نے علاقے میں ٹینشن بڑھا دی ہے جبکہ پاکستانی اقدامات جوابی کارروائی ہیں۔
سعد رفیق نے کہا کہ ہم پہل نہیں کریں گے لیکن حملہ ہوا تو پوری قوت سے جواب دیا جائے گا، بھارت بامعنی مذاکرات جاری رکھتا تو بہت سے متنازعہ مسائل ہو سکتے تھے۔
انہوں نے کہا کہ ہمارے بیچ سب سے بڑا تاریخی تنازعہ کشمیر ہے، اگر کشمیریوں کو اقوام متحدہ کی قراردادوں کے مطابق استصواب رائے کا حق مل جائے تو پائیدار امن کی جانب بڑھا جا سکتا ہے۔
سعد رفیق کا کہنا تھا کہ پانی، سیاچن، سر کریک سمیت تمام مسائل پر بات ہو سکتی ہے لیکن بھارتی حکومتیں ہمیشہ مذاکرات سے فرار ہو جاتی ہیں۔ مان لیں کہ ہم ایک دوسرے کو ختم نہیں کر سکتے اور جنگ کبھی مسائل کا حل نہیں ہوا کرتی۔
ن لیگ کے سینیئر رہنما نے کہا کہ ہر مسئلے پر بات چیت کریں، راستے بنائیں اور امن سے رہنا سیکھیں۔ پائیدار امن خطے میں خوشحالی اور استحکام لا سکتا ہے۔
عینا آصف نے شادی سے متعلق اپنا مؤقف واضح کر دیا