ٹرانسپورٹرز ہڑتال، کراچی چیمبر کا وزیراعظم سے فوری مداخلت کا مطالبہ
اشاعت کی تاریخ: 18th, April 2025 GMT
کراچی:
کراچی چیمبر آف کامرس اینڈ انڈسٹری نے ٹرانسپورٹرز کی ہڑتال پر فوری مداخلت کا مطالبہ کرتے ہوئے وزیراعظم کو خط ارسال کردیا۔
کراچی چیمبر کے صدر جاوید بلوانی کے مطابق ٹرانسپورٹرز کی ہڑتال چوتھے روز میں داخل ہو چکی ہے جس کے باعث ملکی تجارت مکمل طور پر مفلوج ہو کر رہ گئی۔
انہوں نے کہا کہ برآمدی سامان فیکٹریوں میں پھنس گیا ہے کیونکہ ٹرانسپورٹ دستیاب نہیں، جبکہ درآمدی کنسائمنٹس بندرگاہوں پر رکی ہوئی ہیں اور نقل و حمل بند ہے۔ انہوں نے خبردار کیا کہ جاری ہڑتال سے قابلِ تلف پھلوں اور سبزیوں کی برآمد خطرے میں پڑ جائے گی، اور سندھ میں پیاز کے کاشتکاروں کو بھی شدید نقصانات اٹھانے پڑیں گے۔
جاوید بلوانی نے کہا کہ ہڑتال سے معیشت کو شدید نقصان ہوگا اور تجارتی اعتماد کو دھچکا لگے گا، جس سے پاکستان کا ایک قابلِ بھروسہ تجارتی شراکت دار ہونے کا تاثر بھی متاثر ہوگا۔
ان کا مزید کہنا تھا کہ صنعتوں کو خام مال نہ ملنے کی وجہ سے پیداوار میں کمی ہوگی جبکہ کاروبار پر ڈیمرج اور ڈیٹینشن چارجز کا اضافی بوجھ بھی پڑے گا، جو کہ ڈالرز میں لگنے والے چارجز کی صورت میں زرمبادلہ کے ذخائر پر دباؤ ڈالے گا۔
انہوں نے کہا کہ دنیا امریکی ٹیرف کے اعلان کے بعد سے ٹریڈ وار میں مصروف ہے، اور پاکستان ہڑتال کے باعث یرغمال بن چکا ہے۔ حکومت کی خاموشی اور بے عملی پر کاروباری طبقہ شدید مایوسی کا شکار ہے۔ جاوید بلوانی نے خبردار کیا کہ ہڑتال کے نتیجے میں کاروبار کی بندش، بیروزگاری اور سرمایہ کاری کا نقصان ہوگا۔
کراچی چیمبر نے وفاقی اور صوبائی حکومت سے فوری مذاکرات اور مسئلے کے فوری حل کا مطالبہ کیا ہے۔ صدر کراچی چیمبر کے مطابق بندرگاہوں پر پھنسے کنسائمنٹس کی ہنگامی بنیادوں پر کلیئرنس ضروری ہے۔ انہوں نے کہا کہ اگر ہڑتال جاری رہی تو تجارتی نقصان ناقابلِ تلافی ہوگا، وزیراعظم سے فوری اور فیصلہ کن کارروائی کی اپیل کرتے ہیں۔
.ذریعہ: Express News
کلیدی لفظ: کراچی چیمبر نے کہا کہ انہوں نے
پڑھیں:
گراچی میں موسم شدید گرم بارش کب ہوگی؟ محکمہ موسمیات نے خوشخبری سنا دی
کراچی میں صبح سے کچھ مقامات پر درجہ حرات 56 ڈگری سینٹی گریڈ تک محسوس کیا جا رہا ہے، سمندری ہوائیں بند ہونے کے باعث گرمی کی شدت زیادہ محسوس کی جارہی ہے، تاہم اس صورتحال میں پوشیدہ اچھی خبر یہ ہے کہ کراچی کے مختلف علاقوں میں ہلکی سے معتدل شدت کی بارش بھی متوقع ہے۔
محکمہ موسمیات کے مطابق چند گھنٹوں کے دوران شہر کے مضافات میں گرج چمک کے بادلوں کی تشکیل متوقع ہے، دوپہر شام کے دوران ان کے اثرات سے شہر کے مضافاتی علاقوں میں گرج چمک تیز ہواؤں کے ساتھ کہیں کہیں بارش متوقع ہے۔
محکمہ موسمیات کا کہنا ہے کہ کراچی میں آج بارش کے واضح امکانات موجود ہیں، دن میں تین بجے کے بعد شہر میں بادل بننے کا سلسلہ شروع ہوگا۔
یہ بھی پڑھیں:
کراچی میں بحریہ ٹاؤن، گڈاپ، معمار، حدید، سرجانی اور اطراف کے علاقوں میں بارش کے زیادہ تر امکانات ہیں جبکہ شہر کے دیگر علاقوں میں تیز گرد آلود ہوائیں چلنے اور ہلکی بارش کے امکانات ہیں۔
کراچی کے مختلف علاقوں میں ہلکی سے معتدل شدت کی بارش متوقع ہے جبکہ کل شہر کے مضافات میں گرج چمک کے ساتھ بارش کے امکانات ہیں۔
موسمیاتی تجزیہ کار اویس حیدر کے مطابق جنوبی بھارتی ریاست گجرات کے جنوب مشرق میں اس وقت ہوا کا ایک کم دباؤ موجود ہے، جس کے باعث سندھ کے جنوبی اور جنوب مشرقی علاقوں پر اس کا اثر پڑ رہا ہے۔
مزید پڑھیں:
’اس سسٹم کے زیر اثر آج کراچی کے دور دراز علاقوں میں بھی بادل بنیں گے، جو کہیں کہیں گرج چمک اور تیز ہواؤں کے ساتھ کچھ علاقوں خصوصاً مشرقی اور شمالی علاقوں بارش کا سبب بن سکتے ہیں۔‘
دوسری جانب بدین، ٹھٹھہ، میرپور خاص، عمرکوٹ اور خاص طور پر تھرپارکر کے مختلف علاقوں میں مطلع جزوی طور پر ابر آلود رہنے کے ساتھ ساتھ کہیں کہیں گرج چمک اور تیز ہواؤں کے ساتھ بارش کے امکانات ہیں۔
مقامی سطح پر گرد آلود ہوائیں بھی چل سکتی ہیں، شہریوں کو احتیاط برتنے اور اپڈیٹس سے باخبر رہنے کی ہدایت کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اویس حیدر بارش بحریہ ٹاؤن بھارتی ریاست تجزیہ کار حدید سرجانی ٹاؤن سمندری ہوائیں سندھ کراچی گجرات گڈاپ گرج چمک گرد آلود ہوائیں محکمہ موسمیات معمار
ریٹائرڈ سرکاری ملازمین کی پنشن میں صرف 7 فیصد اضافے کا فیصلہ