متنازع کینالز،نیشنل ہائی وے پر مظاہرین اور پولیس میں جھڑپیں
اشاعت کی تاریخ: 28th, April 2025 GMT
وکلا اور قوم پرست جماعتوں کا گزشتہ چھ روزسے قائم احتجاجی کیمپ پولیس نے اکھاڑ پھینکا
مظاہرین نے ایک مرتبہ پھر قومی شاہراہ لنک روڈ کو ٹریفک کے لیے بند کردیا، موبائل نذر آتش
اسٹیل ٹاؤن تھانے کے علاقے نیشنل ہائی وے لنک روڈ پر قائم وکلا اور قوم پرست جماعتوں کی جانب سے گزشتہ 6 روزسے قائم احتجاجی کیمپ کو پولیس نے اکھاڑ پھینکا۔پولیس نے احتجاجی کیمپ میں موجود قوم پرست جماعتوں کے کارکنان کو منتشر کردیا۔ اس دوران پولیس اور قوم پرست جماعتوں کے کارکنوں کے درمیان ہاتھا پائی بھی ہوئی جس میں ملیر بار کے ممبرایم ایم سی ایڈووکیٹ ذیشان اجمل آرائیں بھی زخمی ہوئے جنہیں پولیس نے حراست میں لینے کے بعد نامعلوم مقام پرمنتقل کردیا۔پولیس نے کئی احتجاج مظاہرین کو حراست میں لیا اور 22 اپریل سے جاری احتجاج کے باعث کراچی سے ٹھٹھہ جانے اورآنے والی بند قومی شاہراہ پرٹریفک بحال کردی۔ پولیس ایکشن اوراحتجاجی مظاہرین کو حراست لیے جانے کے خلاف وکلا برادری اورقوم پرست جماعت کے کارکنان بڑی تعداد میں دوبارہ جمع ہو گئے ، مظاہرین کی جانب سے پولیس کے خلاف احتجاج اورنعرے بازی شروع کردی گئی اور احتجاجی مظاہرین نے ایک مرتبہ پھر قومی شاہراہ لنک روڈ کو ٹریفک کے لیے بند کردیا۔اس دوران ایس ایس پی ملیرکاشف عباسی اور آر آرایف سمیت پولیس کی بھاری نفری موقع پر پہنچ گئی، پولیس نے مظاہرین کومنتشر کرنے کے لیے واٹرکینن کا استعمال اور آنسو گیس کی شیلنگ شروع کی تو مظاہرین کی جانب سے پولیس پر ڈنڈوں اور پتھراؤ سے حملہ کردیا گیا۔ احتجاجی مظاہرین اور پولیس کے درمیان وقفے وقفے سے جھڑیں جاری ہیں اورعلاقہ میدان جنگ کا منظر پیش کر رہا ہے ، احتجاجی مظاہرین کی جانب سے پتھراؤ جبکہ احتجاجی مظاہرین کو منتشر کرنے کے لیے پولیس کی جانب سے آنسو گیس کی شیلنگ اور لاٹھی چارج کیا گیا، مشتعل مظاہرین نے ایک پولیس موبائل پربھی حملہ کردیا اور توڑ پھوڑ کے بعد پولیس موبائل کو آگ لگادی۔ مشتعل مظاہرین کی جانب سے واٹر کینن سمیت متعدد گاڑیوں پر پتھراؤبھی کیا گیا، احتجاجی مظاہرین اور پولیس کے درمیان جھڑپوں میں کئی افراد زخمی بھی ہوئے ہیں احتجاجی مظاہرین کی جانب سے احتجاجی کیمپ ہٹانے اوراحتجاجی مظاہرین پر پولیس کی جانب سے تشدد کرنے کا مقدمہ درج کرنے اورایس ایس پی اورایس ایچ اوز کو ہٹانے مطالبہ بھی کیا جا رہا ہے ۔ احتجاجی وکلا کا کہنا ہے کہ وکلا کوطاقت کے ذریعے ڈرانا چاہتے ہیں جو کبھی بھی نہیں ہونے دیاجائے گا، آخری اطلاعات تک احتجاجی مظاہرین کی جانب سے ایک مرتبہ پھر لنک روڈ پراحتجاجی دھرنا دے دیا گیا اور احتجاج جاری ہے جبکہ پولیس کی بھاری نفری دوسرے مقام پر موجود ہے ۔
.ذریعہ: Juraat
کلیدی لفظ: مظاہرین کی جانب سے قوم پرست جماعتوں احتجاجی مظاہرین احتجاجی کیمپ مظاہرین کو پولیس کی پولیس نے لنک روڈ کے لیے
پڑھیں:
’کالا باغ ڈیم کو بے نظیر جبکہ متنازع نہروں کے منصوبے کو بلاول نے دفن کردیا‘
پاکستان پیپلز پارٹی کے رہنما=ں نے کہا ہے کہ کالا باغ منصوبے کو شہید محترمہ بینظیر بھٹو نے دفن کیا اور کینالز منصوبے کو چیئرمین بلاول بھٹو زرداری نے دفن کروادیا ہے۔
ان خیالات کا اظہار پاکستان پیپلز پارٹی سندھ کے صدر نثار احمد کھوڑو، جنرل سیکرٹری و وزیر اعلٰی سندھ کے معاون خصوصی سید وقار مہدی، وزیر بلدیات سندھ و صدر پاکستان پیپلز پارٹی کراچی ڈویژن سعید غنی و دیگر نے اتوار کے روز ڈسٹرکٹ کورنگی کے تحت مقامی ہال میں مسلم ن لیگ سندھ کے سنئیر نائب صدر رانا احسان، رانا طارق (سابقہ ناظم ماڈل کالونی)، رانا علی، اسد اللہ، رضوان شفیق سمیت دیگر نے پیپلز پارٹی میں شمولیت اختیار کے حوالے سے منعقدہ جلسہ عام سے خطاب کرتے ہوئے کیا۔
جلسے میں رانا احسان، حاجی چن زیب و دیگر نے اپنے سینکڑوں ذمہ داران و کارکنان اور ایم کیو ایم پاکستان سمیت دیگر سیاسی جماعتوں کے عہدیداران و کارکنان کی پیپلزپارٹی میں شمولیت کا اعلان کیا۔
جلسہ سے ڈسٹرکٹ کورنگی کے صدر جانی میمن، شرجیل رضوانی، رانا احسان، چن زیب و دیگر نے بھی خطاب کیا۔ جلسہ سے خطاب کرتے ہوئے نثار احمد کھوڑو نے کہا کہ شہید ذوالفقار علی بھٹو نے تین سو لوگوں کے ساتھ پارٹی بنائی تھی آج کروڑوں لوگ اسکے ساتھ ہیں۔
انہوں نے کہا کہ جب نواز شریف وزیر اعظم تھے تو انہوں نے کالاباغ ڈیم کے سنگ بنیاد رکھنے کا اعلان کیا تھا۔ اس وقت شہید محترمہ بینظیر بھٹو کے ساتھ ہم سڑکوں پر نکلے اور تو نواز شریف نے اعلان کیا کے جب تک صوبے راضی نہیں ہوتے ڈیم نہیں بنے گا، آج شہباز شریف نے بھی کہہ دیا کے صوبے جب تک راضی نہیں جب تک کنال منصوبہ نہیں بنے گا۔
انہوں نے کہا کہ سندھ پہلے پانی کے ایک بوند کا سودا کرنے پر راضی تھا اور نہ کبھی راضی ہوگا۔ نثار کھوڑو نے کہا کہ میں آپ کو مبارکباد دے رہا ہوں کنال منصوبہ ختم ہوگیا ہے۔ انہوں نے کہا کہ وزیر اعظم شہباز شریف سے ملاقات میں چیئرمین بلاول بھٹو نے کہا کے کے پی کے میں حالات خراب ہیں بلوچستان جل رہا ہے کیا میں پنجاب اور سندھ کو بھی لڑوادوں۔
انہوں نے کہا کہ آج اگر بلاول بھٹو حکومت کا ساتھ دے رہا ہے تو وہ صرف اور صرف پاکستان کی خاطر ہے۔ بلاول بھٹو نے مودی کو کہا سندھو دریا بہے گا ورنہ مودی کا خون بہے گا۔
جلسے سے خطاب کرتے ہوئے صوبائی وزیر و صدر پیپلز پارٹی کراچی ڈویژن سعید غنی نے کہا کہ آج مسلم لیگ نون سندھ کے سنئیر نائب صدر رانا احسان کا شکریہ ادا کرتا ہوں کہ انہوں نے اپنے ساتھیوں سمیت پیپلز پارٹی میں شمولیت اختیار کی ہے اور میں انہیں پیپلز پارٹی کراچی کے صدر کی حیثیت سے سب کو خوش آمدید کہتا ہوں۔
انہوں نے کہا کہ ان تمام کی شمولیت سے پیپلز پارٹی مضبوط ہوگی۔ انہوں نے کہا کہ پیپلز پارٹی میں دیگر پارٹی کے عہدیداران و کارکنان کی شمولیت سے ایک وقت میں پیپلز پارٹی کے لئے جو علاقے نو گو ایریا ہوتے تھے آج وہاں سے پیپلز پارٹی جیت بھی رہی ہے۔
سعید غنی نے کہا کہ آج میئر کراچی ہو مئیر حیدر آباد سب پیپلز پارٹی کے ہیں۔ پیپلز پارٹی کے شہر کراچی کے 25 ٹائون میں سے 13 ٹائونز ہیں، ایسا کبھی ماضی میں نہیں تھا، انہوں نے کہا کہ ہم اپنی نشستوں میں مزید اضافہ کرینگے، مزید ایم این اے، ایم پی اے بنائیں گے۔
سعید غنی نے کہا کہ میں اپنے تمام پرانے کارکنان سے کہتا ہوں کے ہمیں کھلے دل سے نئے ساتھیوں کو لے کر چلنا ہے، پرانے کارکنان کی قربانیاں ہے اور اسکا مقصد پیپلز پارٹی کو الیکشن جتوانا اور طاقتور بنانا۔ ہمارا مقصد کراچی الیکشن جیت کر بلاول کو وزیر اعظم بنانا ہے۔
انہوں نے کہا کہ کینالز کے مسئلے پر پیپلز پارٹی نے منظوری دی ہے، جو تاریخ کا سب سے بڑا جھوٹ ہے۔ انہوں نے کہا کہ ارسا نے نگراں حکومت نے ایک سرٹفکیٹ جاری کیا اور کہا کے اضافی پانی موجود ہے کینال بناسکتے ہیں اس وقت بھی سندھ کے ممبر نے اسکی مخالفت کی تھی۔ یہ اپوزیشن جس میٹنگ میں صدر زرداری کی منظوری دینے کی بات کررہی ہے اس سے سات ماہ پہلے کی بات ہے۔ سعید غنی نے کہا کہ پیپلز پارٹی نے ہر فورم پر اس کنیال کی مخالفت کی ہے۔
پی پی رہنماؤں نے کہا کہ بے نطیر بھٹو نے کالا باغ ڈیم کو دفن کیا تھا جبکہ بلاول نے اب متنازع کینال منصوبے کو دفن کردیا، اس معاملے پر سیاست کرنے والوں کو چاہیے کہ وہ اب اس مردہ منصوبے پر سیاست کی بجائے سڑکیں کھول دیں اور عوام کو مزید تکلیف میں مبتلا نہ کریں۔
رہنماؤں نے کہا کہ بلاول بھٹو زرداری کا بھارت کے لئے بھی واضح موقف ہے کہ جہاں ملک کا پانی بند ہوا وہاں مودی تمھارا خون بہے گا۔
انہوں نے کہا کہ پاکستان پیپلز پارٹی میں مختلف سیاسی جماعتوں کے عہدیداران اور کارکنان کی بھرپور شمولیت بلاول بھٹو زرداری کے وژن اور پیپلز پارٹی کے منشور پر اعتماد کی دلیل ہے۔
بھارتی کے اسٹار کرکٹر پر 12 لاکھ روپے جرمانہ عائد