پاکستان میں بجلی کی خریدوفروخت کیلئےنیا نظام لاگو کر دیا گیا
اشاعت کی تاریخ: 2nd, May 2025 GMT
اسلا م آباد (نیوز ڈیسک )ملک میں بجلی کی خریدوفروخت کیلئے آزاد مارکیٹ کا نیا نظام لاگو کر دیا گیا۔
میڈیا رپورٹ کے مطابق نیشنل الیکٹرک پاور ریگولیٹری اتھارٹی(نیپرا) نے انڈیپنڈنٹ سسٹم اینڈ مارکیٹ آپریٹر کو لائسنس جاری کر دیا ہے۔ سینٹرل پاور پرچیزنگ ایجنسی کا لائسنس آزاد مارکیٹ آپریٹر کو منتقل کر دیا گیا۔نیا نظام صارفین کو مختلف سپلائرز سے براہ راست بجلی خریدنے کے قابل بنائے گا۔ آزاد مارکیٹ آپریٹر بجلی صارفین کو روایتی ڈسٹری بیوشن کمپنیوں کا متبادل پیش کرے گا۔نیا نظام آہستہ آہستہ بجلی کے واحد خریدار کے طور پر حکومت کے کردار کو ختم کرے گا۔ نئے نظام کے تحت بجلی کی موثر اور شفاف مسابقت کے لیے مارکیٹ میسر آئے گی۔
آزادمارکیٹ آپریٹر ابتدائی طور پر 3ڈائریکٹرز پر مشتمل ہو گا جس کے بعد تعداد 11 سے زیادہ ہو گی۔ایڈیشنل سیکریٹری پاور ڈویژن سید زکریا علی شاہ آزاد مارکیٹ آپریٹر کیسی ای او تعینات کیے گئے ہیں جب کہ ڈائریکٹرز میں سیکریٹری پاور محمد فخرعالم، جوائنٹ سیکرٹری خزانہ سجاد حیدر شامل ہیں۔وفاقی کابینہ نے نیشنل ٹرانس میشن اینڈ ڈسپیچ کمپنی کو 3اداروں میں تقسیم کرنیکی منظوری دی تھی۔ 3 میں سے ایک ادارہ آزاد سسٹم اینڈ مارکیٹ آپریٹرکے نام سے قائم کیا گیا ہے۔
مزیدپڑھیں:پاکستان سے بھارت جانے والی خاتون سیما حیدر کے پاکستانی شوہر نے حکومت سے اپیل کر دی
ذریعہ: Daily Ausaf
کلیدی لفظ: مارکیٹ آپریٹر آزاد مارکیٹ کر دیا
پڑھیں:
زونگ کی جانب سے چین۔پاکستان انٹرنیشنل جوائنٹ انوویشن لیبارٹری کے قیام کا اعلان
پاکستان کی معروف انفارمیشن سروسز اور ٹیکنالوجی انوویشن کمپنی زونگ فورجی نے پاک چین لو کاربن انٹیلی جنٹ مینوفیکچرنگ انٹرنیشنل جوائنٹ انوویشن لیبارٹری کے قیام کے لیے ایک معاہدے پر دستخط کیے ہیں۔ یہ لیبارٹری فاسٹ،نیشنل یونیورسٹی آف کمپیوٹر اینڈ ایمرجنگ سائنسز اسلام آباد میں قائم کی جائے گی، جو چین اور پاکستان کے درمیان سائنسی اور تکنیکی تعاون کے ایک نئے سنگ میل کی حیثیت رکھتی ہے۔
یہ لیبارٹری زونگ فورجی، سوزو یونیورسٹی آف سائنس اینڈ ٹیکنالوجی (USTS)، گوانگ ژو انسٹیٹیوٹ آف سافٹ ویئر اپلیکیشن ٹیکنالوجی (GZIS) اورفاسٹ ،نیشنل یونیورسٹی آف کمپیوٹر اینڈ ایمرجنگ سائنسز کے باہمی اشتراک سے قائم کی جارہی ہے جو ایک ریسرچ اینڈ ڈویلپمنٹ پلیٹ فارم کے طور پر کام کرے گی۔ اس اقدام کا مقصد سائنسی تحقیق کو مضبوط بنانا، علمی تبادلے کو فروغ دینا اور جدید ٹیکنالوجی کے ذریعے کم کاربن انوویشن کو آگے بڑھانا ہے۔
اس اشتراک کے تحت ابتدائی تحقیق چار بنیادی شعبوں پر مرکوز ہوگی جن میں کلاؤڈ اور ڈیجیٹل ٹیکنالوجیز کے استعمال کے ذریعے کم کاربن اور ماحولیاتی تحفظ،مصنوعی ذہانت اور 5G کنیکٹیویٹی کے ذریعے انٹیلی جنٹ کنسٹرکشن اینڈ مینوفیکچرنگ،بگ ڈیٹا اور اسمارٹ انرجی مینجمنٹ کے ذریعے قابل تجدید توانائی کے نظام اور ڈیجیٹل اور انٹیلی جنٹ ایپلیکیشنز جوآئی او ٹی ،اے آئی اور ایڈوانسڈ اینالیٹکس کو یکجا کرتی ہیں۔یہ تمام شعبے ایک اسٹریٹجک روڈمیپ کی نمائندگی کرتے ہیں جو اس مستقبل کی جانب رہنمائی کرتا ہے جہاں تکنیکی انوویشن پائیدار ترقی کے اہداف کے ساتھ ہم آہنگ ہو۔
چین ۔پاک انٹرنیشنل جوائنٹ انوویشن لیبارٹری ایک کثیر الشعبہ پلیٹ فارم کے طور پر کام کرے گی جو تعلیمی و صنعتی دنیا کے درمیان پل کا کردار ادا کرے گی اور سائنسی کامیابیوں کو مارکیٹ میں استعمال کے قابل سالوشنز میں تبدیل کرے گی۔ اس کے علاوہ، یہ کم کاربن سسٹم اور ڈیجیٹل ٹیکنالوجیز کے شعبوں میں نوجوان ریسرچرز اور انجینئرز کے لیے ٹیلنٹ ڈویلپمنٹ کے مواقع بھی فراہم کرے گی تاکہ وہ چین۔پاکستان اکنامک کاریڈور (سی پیک) کے فریم ورک کے مطابق عملی تحقیق اور پائلٹ منصوبوں میں حصہ لے سکیں۔زونگ صنعتی سہولت کار کے طور پر کردار ادا کرے گا، جو تعلیمی تحقیق کو عملی کاروباری ایپلیکیشنز سے جوڑے گا جبکہ شراکت دار یونیورسٹیاں اور تحقیقی ادارے اپنے خصوصی مہارت اور استعداد کار کے ذریعے مشترکہ تحقیقی نتائج کو فروغ دیں گے۔
زونگ کے چیف ٹیکنیکل آفیسر ڈاکٹر ماؤ وی لیانگ نے کہا کہ ،”اس انٹرنیشنل جوائنٹ انوویشن لیبارٹری کا قیام ایک نئے ایسے ایکو سسٹم کی تشکیل کی جانب فیصلہ کن قدم ہے جہاں تحقیق حقیقی دنیا پر اثر ڈالتی ہے۔ چین اور پاکستان کے نمایاں تعلیمی اور تحقیقی اداروں کو یکجا کر کے ہم انٹیلی جنٹ مینوفیکچرنگ، ڈیجیٹل انوویشن، بشمول 5G، مصنوعی ذہانت، بگ ڈیٹا، کلاؤڈ کمپیوٹنگ اور دیگر ابھرتی ہوئی ٹیکنالوجیز میں پائیدار صنعتی ترقی کے لیے ایک مضبوط بنیاد رکھ رہے ہیں۔”
فاسٹ ،نیشنل یونیورسٹی آف کمپیوٹر اینڈ ایمرجنگ سائنسزکے ریکٹر ڈاکٹر آفتاب معروف نے کہا کہ ،”یہ تعاون اکیڈمیہ اور انڈسٹری کے مابین مضبوط تعلقات کی عکاسی کرتا ہے اور اس امر کو اجاگر کرتا ہے کہ یونیورسٹیاں پاکستان کے انوویشن ایکو سسٹم کو تشکیل دینے میں کس طرح اہم کردار ادا کر سکتی ہیں۔ اپنے طلبہ اورریسرچرز کواے آئی( AI)،انٹرنیٹ آف تھنگز( IoT)، کلاؤڈ اور لو کاربن سسٹمز پر مبنی عملی تحقیق میں شامل کر کے ہم ایسے حل فراہم کر رہے ہیں جو قومی و بین الاقوامی سطح پر پائیدار صنعتی ترقی میں مددگار ثابت ہوں گے۔”
چین۔پاکستان لو کاربن انٹیلی جنٹ مینوفیکچرنگ انٹرنیشنل جوائنٹ انوویشن لیبارٹری کا قیام بیلٹ اینڈ روڈ فریم ورک کے تحت سائنسی و تکنیکی ترقی کے مشترکہ عزم کی نمائندگی کرتا ہے، جو انڈسٹری ،ریسرچ اور پائیداری کے درمیان روابط مستحکم کرنے میں زونگ کے تکنیکی سفر کو تقویت دیتا ہے۔
اشتہار
پاکستان میں آئندہ حج سستا ہونے کا امکان، سعودی کمپنی نے اخراجات میں کمی کر دی