واہگہ بارڈر پر پرچم کشائی، ”پاکستان زندہ باد“ کے نعرے گونجتے رہے
اشاعت کی تاریخ: 3rd, May 2025 GMT
لاہور:واہگہ بارڈر پر پرچم اتارنے کی ولولہ انگیز تقریب میں عوام کی بڑی تعداد نے شرکت کی۔ تقریب کا آغاز قومی ترانے سے ہوا، جبکہ شرکاء ہاتھوں میں قومی پرچم تھامے فلک شگاف نعرے لگاتے رہے۔ پنجاب رینجرز کی پریڈ، بالخصوص خواتین اہلکاروں کی شرکت نے شرکاء کے جذبے کو دوچند کر دیا۔ فضا ”پاکستان زندہ باد“ اور ”پاک فوج زندہ باد“ کے نعروں سے گونجتی رہی۔
واہگہ بارڈر پر پرچم اتارنے کی روایتی تقریب میں وطن سے محبت اور افواجِ پاکستان سے یکجہتی کا فقیدالمثال مظاہرہ دیکھنے میں آیا۔ ہزاروں افراد پر مشتمل عوام کی بڑی تعداد نے شرکت کر کے دشمن کو واضح پیغام دیا کہ قوم متحد ہے اور پاک فوج کے شانہ بشانہ کھڑی ہے۔
تقریب کا آغاز قومی ترانے سے ہوا جس کے ساتھ ہی فضا میں ملی نغمے گونجنے لگے۔ شرکاء نے ہاتھوں میں قومی پرچم تھامے ”نعرۂ تکبیر“، ”پاکستان زندہ باد“ اور ”پاک فوج زندہ باد“ کے فلک شگاف نعرے لگا کر ماحول کو وطن پرستی سے بھر دیا۔
پنجاب رینجرز کے ولولہ انگیز مارچ پاسٹ نے شرکاء کا لہو گرما دیا، خاص طور پر رینجرز کی خواتین اہلکاروں کی شرکت نے تقریب کو مزید پرجوش بنا دیا۔ عوام، خصوصاً نوجوانوں، بچوں، بزرگوں اور خواتین نے اپنی افواج کے حوصلے بلند کرنے کے لیے مسلسل تالیاں اور نعرے لگائے۔
حالیہ دنوں میں پہلگام فالس فلیگ اور بھارت کی جھوٹی ”سرجیکل اسٹرائیک“ کے دعوؤں کے پس منظر میں یہ عوامی اجتماع نہ صرف حب الوطنی کا اظہار تھا بلکہ دشمن کو یہ دوٹوک پیغام بھی دیا گیا کہ پاکستانی قوم ہر محاذ پر اپنی افواج کے ساتھ کھڑی ہے۔
Post Views: 1.
ذریعہ
ذریعہ: Daily Mumtaz
پڑھیں:
پاکستان کے خلاف ٹیسٹ سیریز: ویسٹ انڈیز نے 15 رکنی اسکواڈ کا اعلان کر دیا
پاکستان کے خلاف دو ٹیسٹ میچوں کی سیریز کے لیے ویسٹ انڈیز نے 15 رکنی اسکواڈ کا اعلان کر دیا۔
ویسٹ انڈیز کی قیادت روسٹن چیز کریں گے جبکہ جومیل واریکن کو نائب کپتان مقرر کیا گیا ہے۔
اسکواڈ میں جوشوا بیشپ، تیج نارائن چندرپال، جوشوا ڈی سلوا، جسٹن گریوز، کیوم بوج، شے ہوپ، عامر جینگو، شیمار جوزف، برینڈن کنگ، کرک میک کینزی، گڈاکیش موتی، کیمو پال، کیمار روچ، جیڈن سیلز اور جومیل واریکن شامل ہیں۔
واضح رہے کہ پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 25 جولائی سے ہوگا۔
View this post on Instagramقومی ٹیم نے آخری مرتبہ 2023 میں سری لنکا کو اس کی سرزمین پر 2-0 سے ٹیسٹ سیریز میں شکست دی تھی، تاہم اس کے بعد پاکستان مسلسل سات بیرونِ ملک ٹیسٹ میچ ہار چکا ہے۔
اس سیریز میں پاکستان کی قیادت دوبارہ بابر اعظم کر رہے ہیں جنہیں شان مسعود کی جگہ ٹیسٹ ٹیم کا کپتان مقرر کیا گیا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی