بلوچستان کے عوام فوج کے شانہ بشانہ، دشمن کی اینٹ سے اینٹ بجانے کا عزم
اشاعت کی تاریخ: 5th, May 2025 GMT
مقبوضہ کشمیر کے علاقے پہلگام میں دہشتگردوں کے حملے کے بعد ہندوستان کی جانب سے واقعے کا ذمے دار پاکستان کو قرار دیا جارہا ہے جس کے بعد اس نے اپنے تئیں سندھ طاس معاہدہ بھی معطل کردیا ہے جس پر پاکستان کے دیگر شہریوں کی طرح بلوچستان کے عوام بھی برہم ہیں اور دشمن کی کسی بھی مہم جوئی سے نپٹنے کے لیے فوج کے شانہ بشانہ کھڑے ہیں۔
یہ بھی پڑھیں: بلوچستان کابینہ کی پاکستان کیخلاف بھارتی الزامات اور جارحیت کی شدید مذمت
بھارت کی جانب سے پاکستان پر لگائے جانے والے الزامات اور سندھ طاس معاہدے کی خلاف ورزی پر کوئٹہ کے باسیوں نے بھی بھارت کو سخت پیغام دے دیا ہے۔
وی نیوز سے گفتگو کرتے ہوئے کوئٹہ کے شہری سید علی نے کہا کہ ہم ایک ایٹمی قوت ہیں اور بھارت کے بس کی بات نہیں کہ وہ ہمیں للکارے۔ انہوں نے مزید کہا کہ جہاں تک بات ہے سندھ طاس معاہدے کو معطل کرنے کی تو بھارت ایسا کر ہی نہیں سکتا البتہ اگر ایسا کچھ ہوا بھی تو ہم سب پاک فوج کے شانہ بشانہ کھڑے ہیں۔
مزید پڑھیے: بلوچستان ہمارے دل کے قریب، عوام کی فلاح و بہبود کے لیے اقدامات جاری رہیں گے، صدر مملکت آصف زرداری
ایک اور شہری شاہد کا کہنا تھا کہ معاہدہ کوئی کھیل نہیں کہ جب دل میں آیا ختم کر دیا۔ ان کا مزید کہنا تھا کہ مودی اپنی من مانیاں کر رہا ہے لیکن بلوچستان کے عوام اپنے وطن کی سالمیت کے لیے ہر قربانی دینے کو تیار ہیں۔
وی نیوز سے گفتگو کرتے ہوئے ایک اور شہری مقبول نے کہا کہ اگر بھارت نے ہمارا پانی بند کرنے کی کوشش کی تو ہم اس کی اینٹ سے اینٹ بجا دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان کے عوام بلوچستان کے عوام فوج کے شانہ بشانہ پاک بھارت کشیدگی.ذریعہ: WE News
کلیدی لفظ: بلوچستان کے عوام بلوچستان کے عوام فوج کے شانہ بشانہ پاک بھارت کشیدگی فوج کے شانہ بشانہ بلوچستان کے عوام کے لیے
پڑھیں:
فتنہ الہندوستان کے مٹھی بھر دہشت گرد بلوچستان کو نقصان نہیں پہنچا سکتے، ڈی جی آئی ایس پی آر
ڈی جی آئی ایس پی آر لیفٹیننٹ جنرل احمد شریف نے کہا ہے کہ کوئی شک نہیں کہ کشمیر پاکستان کی شہ رگ ہے، بلوچستان کی عوام پاکستان کے ساتھ مذہب ،ثقافت اور روایات کے رشتوں میں بندھی ہے ۔
جناح یونیورسٹی برائے خواتین کراچی کے دورہ پر ڈی جی آئی ایس پی آرلیفٹیننٹ جنرل احمد شریف نےطالبات کو “آپریشن بنیان مرصوص” میں دشمن کے ناپاک ارادوں کو نیست و نابود کرنے پر پاک افواج کی حکمتِ عملی، قربانیوں سے آگاہ کیا۔ڈی جی آئی ایس پی آر نے اس موقع پر خطاب کرتے ہوئے کہا کہ “آپریشن بنیان مرصوص”میں پاکستانی عوام بالخصوص طلباء و طالبات نے کلیدی کردار ادا کیا اور بھارتی اسٹریٹجک مفروضوں کو ہمیشہ کے لئے زمین بوس کر دیا ۔
انہوں نے کہا کہ فتنہ الہندوستان کے مٹھی بھر دہشت گرد بلوچستان کے ساتھ رشتوں کو نقصان نہیں پہنچا سکتے،یونیورسٹی انتظامیہ اور طالبات کی جانب سے پاک فوج کو جنگ میں کامیابی پر خراج تحسین پیش کرتے ہیں۔
اس موقع پر طالبات نے خطاب کرتے ہوئے کہا کہ ہم پاک افواج سے ہیں اور پاک افواج عوام سے ہیں، عوام اور افواج کا رشتہ ہمیشہ سے انتہائی مضبوط تھا، ہے اور ہمیشہ رہے گا۔ اس موقع پر طالبات نے بھرپور جوش و جذبے کا مظاہرہ کیا اور اس طرح کے مزید سیشنز منعقد کرنے کی خواہش ظاہر کی۔
گورنر خیبرپختونخوا کا بجٹ اجلاس بلانےکیلئے سمری پر دستخط کرنے سے انکار