پی ٹی آئی والے ہمارے بھائی ہیں کل نہیں آئے لیکن آنا چاہیے تھا: عطا اللہ تارڑ
اشاعت کی تاریخ: 5th, May 2025 GMT
وفاقی وزیر اطلاعات عطا تارڑ نے کہا ہے کہ پی ٹی آئی والے بھی ہمارے بھائی ہیں، پاک انڈیا کشیدگی کی اس صورتحال میں ہمارے ساتھ کھڑے ہیں۔
لائن آف کنٹرول کے قریبی علاقوں کے دورے کے دوران وی نیوز کو خصوصی انٹرویو میں ان کا کہنا تھا کہ انکے اور ڈی جی آئی ایس پی آر کی طرف سے سیاستدانوں کو اچھی بریفنگ دی گئی ہے تاکہ ہمارے سیاستدان اچھا کردار ادا کرسکیں تاہم اس میں پی ٹی آئی نہیں آئی ان کا آنا چاہیے تھا۔
انڈین یوٹیوب چینلز پر پاکستانی فوج کے ترانے چلانے کے حوالے سے ان کا کہنا تھا کہ بھارت نے ہمارے یوٹیوب چینلز بلاک کیے تو ہم سوچ رہے تھے کہ ہم کیا کریں ، پھر ہم نے ٹیکنالوجی کے ذریعے اپنا بیانیہ ان تک پہنچا دیا اور پاک فوج کا نغمہ ان کی یوٹیوب پر دکھا دیا۔
ان کا کہنا تھا کہ انڈیا نے دعوی کیا تھا کہ آزاد کشمیر میں ایل او سی کے قریبی علاقوں پیر چناسی اور بیلا نور میں دھشت گردی کے کیمپس ہیں اس لیے ہم نے عالمی اور مقامی میڈیا کو یہ علاقہ دکھانے کا فیصلہ کیا تاکہ وہ خود جان سکیں کہ ایسا کچھ نہیں ہے، کشمیر ایک پر امن علاقہ ہے، یہاں سب روٹین کے مطابق چل رہا ہے۔
وفاقی وزیر اطلاعات کا کہنا تھا کہ انڈین متوقع حملے کے حوالے سے ان کی پریس کانفرنس کے بعد ہی انکے فون پر بھارت کی جانب سے سائبر حملے شروع ہوگئے جس کا مطلب یہ ہے کہ بھارت کو تکلیف تو ضرور پہنچی ہے۔
“بھارت ایک مکار اور بدنیت دشمن ہے، وہ ابھی بھی تاک میں بیٹھا ہے، ان کی کوشش ہے کہ کوئی نہ کوئی مس ایڈونچر کیا جائے، اگر وہ کچھ کریں گے تو منہ کی کھائیں گے۔ “
انہوں نے کہا کہ پاکستان کی امن کی خواہش کو کمزروی نہ سمجھا جائے، اگر بھارت نے اس بار کوئی مس ایڈونچر کرنے کی کوشش کی تو ایسا منہ توڑ جواب دیں گے کہ ان کی نسلیں یاد رکھیں گی۔
انہوں نے مزید کہا کہ پاکستان دہشت گردی کے خلاف ایک فرنٹ لائن اسٹیٹ ہے۔ ہمارے پاس انڈین دخل اندازی کے ثبوت ہیں۔ جعفر ایکسپریس کا واقعہ ہوا تو دہشت گردوں سے ویڈیوز منگوا کر بھارت نے اپنے چینلز پر چلائیں۔
مقامی آبادی کی وی نیوز سے گفتگو
دورے کے دوران وی نیوز سے گفتگو میں مقامی افراد کا کہنا تھا کہ آزادکشمیر کے حوالے سے بھارتی میڈیا جھوٹا پروپیگینڈا کر رہا ہے۔ جس جگہ پر کیمپوں کی بات کی جا رہے وہاں بچوں کےسکولز اور تفریحی مقامات ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: کا کہنا تھا کہ
پڑھیں:
پاکستان واپس ترقی کے سفر پر چل رہا ہے، نواز شریف
لندن میں میڈیا سے گفتگو کرتے ہوئے قائد مسلم لیگ نون کا کہنا تھا کہ صحت اور تعلیم کے شعبوں میں خاص توجہ مرکوز ہے، اللہ تعالیٰ جب حالات بہتر کرتا ہے تو اللہ پاک کی رحمتیں برستی ہیں۔ اسلام ٹائمز۔ سابق وزیراعظم اور قائد مسلم لیگ نون محمد نواز شریف نے کہا ہے کہ پاکستان واپس ترقی کے سفر پر چل رہا ہے۔ لندن میں میڈیا سے گفتگو کرتے ہوئے نواز شریف کا کہنا تھا کہ صحت اور تعلیم کے شعبوں میں خاص توجہ مرکوز ہے، اللہ تعالیٰ جب حالات بہتر کرتا ہے تو اللہ پاک کی رحمتیں برستی ہیں۔ انہوں نے کہا کہ وزیراعظم شہباز شریف اور مریم نواز بہترین کام کر رہی ہیں، عوام کی مشکلات کم ہو رہی ہیں ، پاکستان واپس ترقی کے سفر پر چل رہا ہے۔ نواز شریف کا مزید کہنا تھا کہ شہباز شریف نے بنیاد رکھی، مریم آگے لے کر چل رہی ہے، ہم نے کینسر اور دل کے امراض کے ہسپتال قائم کئے۔
اسرائیل، فلسطین اور ایران کا تنازعہ بڑھتا نظر آ رہا ہے: ملک محمد احمد خان