کل کے اجلاس میں شہباز شریف کا ایسا استقبال کرینگے کہ وہ یاد رکھیں گے: عمر ایوب
اشاعت کی تاریخ: 6th, May 2025 GMT
—فائل فوٹوز
قومی اسمبلی میں اپوزیشن لیڈر اور پی ٹی آئی رہنما عمر ایوب خان کا کہنا ہے کہ کل کے اجلاس میں ہم شہباز شریف کا ایسا استقبال کریں گے کہ وہ یاد رکھیں گے۔
پی ٹی آئی کے چیئرمین بیرسٹر گوہر اور اسد قیصر کے ہمراہ میڈیا سے گفتگو کرتے ہوئے انہوں نے کہا کہ ہمیں ہمارے لیڈر سے ملاقات کرنے کی اجازت نہیں دی جا رہی۔
عمر ایوب نے کہا کہ اپوزیشن کا مؤقف کل قومی اسمبلی میں سب دیکھیں گے، اگر اے پی سی ہوتی ہے تو اس میں بانیٔ پی ٹی آئی کو شامل کرنا ہو گا، بانیٔ کے بغیر کوئی اے پی سی نہیں ہو پائے گی۔
اس موقع پر سابق اسپیکر قومی اسمبلی اسد قیصر نے کہا کہ ہم نے اسپیکر قومی اسمبلی سے قومی یک جہتی کے لیے ملاقات کی، ان سے درخواست کی کہ بانیٔ پی ٹی آئی سے ملاقات میں رکاوٹ نہ ڈالی جائے، یہ دوسری بار پارلیمان کے ارکان کی بے توقیری ہو رہی ہے۔
اپوزیشن لیڈر قومی اسمبلی عمر ایوب اور ایس پی نبیل کھوکھر کے درمیان تلخ جملوں کا تبادلہ ہوگیا۔
انہوں نے کہا کہ ہم نے پولیس والوں کے خلاف مقدمہ درج کروانے کا فیصلہ کیا ہے، ہم نے سب بھول کر قومی یک جہتی کے لیے قرارداد منظور کروائی۔
چیئرمین پی ٹی آئی بیرسٹر گوہر نے کہا کہ تحریکِ انصاف کی پیر کے روز میٹنگ ہوئی، جس میں 3 اہم فیصلے کیے، ہم نے حکومت کی طرف سے آنے والی قرارداد کو بغیر اعتراض کے قبول کرنے کا ارادہ کیا۔
ان کا کہنا ہے کہ ہم نے ملک کی خاطر اس قرارداد کو بغیر تبدیلی کے قبول کیا، ہم نے باہر دشمنوں کو ہمارے اتحاد کا پیغام دینے کا فیصلہ کیا۔
بیرسٹر گوہر نے یہ بھی کہا کہ ہم آج اجلاس میں حکومت کے ارکان سے زیادہ تعداد میں بیٹھے رہے، ہم نے بھارت کے خلاف اکٹھا ہونے کا ارادہ کیا، اس کے باوجود ہمارے ساتھ یہ رویہ اختیار کیا گیا۔
.ذریعہ: Jang News
کلیدی لفظ: قومی اسمبلی پی ٹی ا ئی کہا کہ ہم نے کہا کہ عمر ایوب
پڑھیں:
سعودی فضائی حدود میں داخل ہوتے ہی وزیر اعظم شہباز شریف کے جہاز کا شاہانہ استقبال
data-id="863a0a8" data-element_type="widget" data-widget_type="theme-post-content.default">
وزیر اعظم شہباز شریف کے سعودی عرب پہنچنے پر سعودی ایئر فورس نے شاندار استقبال کیا۔ جیسے ہی وزیر اعظم کا طیارہ سعودی فضائی حدود میں داخل ہوا، ایف-15 لڑاکا طیاروں نے انہیں حصار میں لے کر ایئر اسپیس میں خوش آمدید کہا۔
وزیر اعظم شہباز شریف، سعودی ولی عہد شہزادہ محمد بن سلمان کی دعوت پر سعودی عرب پہنچے، جہاں انہوں نے سعودی لڑاکا طیاروں کو سلامی دی اور کاک پٹ میں جا کر مائیک کے ذریعے ولی عہد کا شکریہ بھی ادا کیا۔
وزیر دفاع خواجہ آصف نے بتایا کہ سعودی ایئر فورس کے اس اقدام سے سعودی حکومت کی برادرانہ محبت اور احترام جھلکتا ہے۔ انہوں نے کہا کہ یہ عالم اسلام میں پاکستان کے مقام، شہباز شریف کی سفارتی مہارت اور پاکستانی افواج کی کامیابیوں کا نتیجہ ہے۔
واضح رہے کہ وزیر اعظم شہباز شریف سعودی عرب کے بعد کل برطانیہ روانہ ہوں گے، جہاں دو روزہ قیام کے بعد وہ امریکا جائیں گے۔ دورہ امریکا کے دوران وزیر اعظم اقوام متحدہ کی جنرل اسمبلی سے خطاب کریں گے جبکہ ذرائع کے مطابق ان کی امریکی صدر ڈونلڈ ٹرمپ سے ملاقات کا بھی امکان ہے۔
ٹرمپ کے ساتھی چارلی کرک کا قتل: ایف بی آئی نے قاتل کی ویڈیو جاری کردی