’معافی دے دیں ایک سڑک بنا دیں‘، عابد شیر علی نے کراچی کی ابتر صورتحال پر ہاتھ جوڑ لیے
اشاعت کی تاریخ: 8th, May 2025 GMT
مسلم لیگ (ن) کے رہنما عابد شیر علی نے کراچی کی ابتر صورتحال پر تبصرہ کرتے ہوئے ہاتھ جوڑ لیے۔
عابد شیر علی نے حال ہی میں نجی ٹی وی کے پروگرام میں شرکت کی جس کی میزبانی وسیم بادامی کر رہے تھے انہوں نے رہنما مسلم لیگ ن سے سوال کیا کہ آپ کتنے عرصے بعد کراچی آئے ہیں جس پر انہوں نے کہا کہ آئندہ مجھے کراچی بلانے سے پہلے ائیر پورٹ سے اسٹوڈیو تک سڑک بنا دیجیے گا، میری کمر ٹوٹ گئی ہے۔
ن لیگی رہنما نے کہا کہ مجھے معافی دے دیں اور ایک سڑک بنا دیں، ان کا کہنا تھا کہ میں سمجھا کہ شاید نیا کراچی بن گیا ہو لیکن ایسا کچھ نہیں ہوا۔
عابد شیر علی نے کہا کہ ہمارے دیہات بھی اس سے اچھے ہیں جس پر میزبان وسیم بادامی اس سے متفق نظر آئے اور انہوں نے کہا کہ اندورون پنجاب کی سڑکیں بھی کراچی کی سڑکوں سے بہتر ہیں۔
عابد شیر علی کی ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے گئے۔ ایک صارف نے انہیں مخاطب کرتے ہوئے لکھا کہ شہباز شریف کو بتائیں کہ وہ صرف پنجاب کے وزیراعظم نہیں بلکہ پورے پاکستان کے وزیراعظم ہیں۔
آصف اقبال لکھتے ہیں کہ ن لیگ سے ہزار اختلاف صحیح لیکن عابد شیر علی نے ایک بات بالکل صحیح کہی کہ پنجاب کے دیہات کے روڈ بھی کراچی کے شہر سے بہت بہتر ہیں۔
شاہد رضا نے سوال کیا کہ این ایف سی کے ذریعے اب ہر صوبے کو اپنے حصے کا پیسہ ملتا ہے تو سندھ حکومت کراچی میں کام کیوں نہیں کراتی؟ جبکہ ایک صارف کا کہنا تھا کہ پیپلز پارٹی والے صرف مال بنا رہے ہیں۔
وسیم بادامی نے مزید کہا کہ وہ ایک بار رات کو عابد شیر علی کے ساتھ فیصل آباد کی سڑکوں پر گھوم رہے تھے تو انہوں نے اپنا فون چوری کے ڈر سے جرابوں میں چھپانے کی کوشش کی جس پر رہنما مسلم لیگ ن نے کہا کہ یہ آپ کا کراچی نہیں ہے یہ محفوظ شہر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ایس ایل پیپلز پارٹی عابد شیر علی کراچی کراچی کی سڑکیں مسلم لیگ ن وسیم بادامی.ذریعہ: WE News
کلیدی لفظ: پی ایس ایل پیپلز پارٹی عابد شیر علی کراچی کراچی کی سڑکیں مسلم لیگ ن عابد شیر علی نے نے کہا کہ مسلم لیگ کراچی کی انہوں نے
پڑھیں:
قومی سلامتی کمیٹی اجلاس: صحافی کے سوال پر خواجہ آصف کی کانوں کو ہاتھ لگاکر معذرت
وزیر دفاع خواجہ آصف : فائل فوٹووزیر دفاع خواجہ آصف قومی سلامتی کمیٹی اجلاس میں شرکت کے بعد روانہ ہوئے تو صحافیوں نے اجلاس سے متعلق ان سے استفسار کیا۔
قومی سلامتی کمیٹی کے اجلاس سے متعلق صحافیوں کے استفسار پر وزیر دفاع خواجہ آصف نے کانوں کو ہاتھ لگاتے ہوئے بات کرنے سے معذرت کی۔
وزیر اعظم شہباز شریف کی زیر صدارت قومی سلامتی...
خیال رہے کہ وزیراعظم شہباز شریف کی زیر صدارت قومی سلامتی کمیٹی کا اجلاس ختم ہوا، اجلاس میں مسلح افواج کے سربراہان، وفاقی وزراء اور متعلقہ حکام نے شرکت کی۔
ذراِئع کے مطابق اجلاس میں امریکا کے ایران پر حملے سے پیدا صورتحال پر بھی غور کیا گیا، اجلاس میں اسرائیل ایران جنگ کے خطے پر پڑنے والے اثرات کا بھی جائزہ لیا گیا۔
ذرائع کا کہنا ہے کہ قومی سلامتی کمیٹی کے اجلاس میں خطے کی صورتحال سے متعلق اہم فیصلے کیے گئے ہیں۔
چشمہ نیوکلیئر پاور پلانٹ کا منصوبہ تعمیر کے مرحلے میں داخل ہوگیا