پاک بھارت کشیدگی:انڈین پریمیئر لیگ کے وینیوز میں ردوبدل
اشاعت کی تاریخ: 8th, May 2025 GMT
ممبئی اور پنجاب کے درمیان اتوار کو ہونے والا انڈین پریمیئر لیگ کرکٹ میچ گجرات منتقل کر دیا گیا۔
یہ بھی پڑھیں: روہت شرما ٹیسٹ فارمیٹ سے ریٹائر، اگلا کپتان کون ہوگا؟
بھارتی میڈیا کے مطابق ممبئی انڈینز اور پنجاب کنگز کے درمیان میچ ہماچل پردیش میں واقع دھرم شالہ کرکٹ اسٹیڈیم میں ہونا تھا جہاں بھارت اور پاکستان کے درمیان کشیدگی کے پیش نظر ایئرپورٹ بند کر دیا گیا ہے۔
پنجاب کنگز اور دہلی کیپٹلز کے درمیان جمعرات کی شام دھرم شالہ میں ہونے والا میچ بھی آگے بڑھا دیا جائے گا۔
مزید پڑھیے: پشاور زلمی کا کھلاڑی آئی پی ایل کی ٹیم میں شامل
کرکٹ ایسوسی ایشن کے سیکریٹری انیل پٹیل نے جمعرات کو پریس ٹرسٹ آف انڈیا نیوز ایجنسی کو بتایا کہ اتوار کا میچ اب مغربی ریاست گجرات کے شہر احمد آباد میں کھیلا جائے گا۔
بھارت کی جانب سے پاکستان پر حملوں کے بعد شمالی ہندوستان کے کئی ہوائی اڈے بند کر دیے گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی پی ایل آئی پی ایل میچز وینیو دھرم شالہ کرکٹ اسٹیڈیم.ذریعہ: WE News
کلیدی لفظ: ا ئی پی ایل ا ئی پی ایل میچز وینیو کے درمیان
پڑھیں:
منشیات کی لت نے شان ولیمز کا کیریئر ختم کر دیا
زمبابوے کے سابق کپتان شان ولیمز کا بین الاقوامی کیریئر اختتام پذیر ہو گیا ہے، جب انہوں نے منشیات کے استعمال کے علاج کے لیے بحالی پروگرام (ری ہیبیلیٹیشن) میں شمولیت اختیار کی۔
زمبابوے کرکٹ بورڈ نے تصدیق کی ہے کہ وہ اب دوبارہ قومی ٹیم کے لیے منتخب نہیں کیے جائیں گے۔
یہ بھی پڑھیں:آسٹریلوی کرکٹر اسٹورٹ میک گل کوکین ڈرگ کیس میں قصور وار ثابت
39 سالہ آل راؤنڈر شان ولیمز نے اپنے ملک کے لیے تینوں فارمیٹس میں تقریباً 9 ہزار رنز بنائے اور 150 سے زائد وکٹیں حاصل کیں۔
ستمبر میں ہرارے میں ہونے والے ورلڈ کپ افریقہ کوالیفائر سے قبل وہ ٹی ٹوئنٹی اسکواڈ سے دستبردار ہو گئے تھے۔ داخلی تفتیش کے دوران انہوں نے اعتراف کیا کہ وہ منشیات کے عادی ہو چکے ہیں اور اپنی مرضی سے بحالی مرکز میں داخل ہوئے ہیں۔
زمبابوے کرکٹ کے مطابق تفصیلی غور کے بعد فیصلہ کیا گیا ہے کہ شان ولیمز کو آئندہ قومی انتخاب کے لیے زیرِ غور نہیں لایا جائے گا۔
بیان میں مزید کہا گیا کہ زمبابوے کرکٹ اپنے تمام کنٹریکٹ یافتہ کھلاڑیوں سے اعلیٰ ترین پیشہ ورانہ معیار، نظم و ضبط اور ٹیم پروٹوکولز کے ساتھ اینٹی ڈوپنگ ضوابط کی مکمل پاسداری کی توقع رکھتی ہے۔
کرکٹ بورڈ کے مطابق شان ولیمز کے ریکارڈ سے ظاہر ہوتا ہے کہ وہ ماضی میں بھی نظم و ضبط کے مسائل اور بار بار عدم دستیابی کے باعث ٹیم کی تیاریوں اور کارکردگی کو متاثر کرتے رہے ہیں۔
یہ بھی پڑھیں:پاک بحریہ نے بحیرہ عرب میں قریباً ایک ارب ڈالر مالیت کی منشیات ضبط کرلیں
بیان میں کہا گیا اگرچہ بورڈ انہیں بحالی کی راہ اختیار کرنے پر سراہتا ہے، تاہم ممکنہ ٹیسٹنگ سے قبل ٹیم سے علیحدگی نے پیشہ ورانہ اور اخلاقی معیار کے حوالے سے سنگین خدشات کو جنم دیا ہے۔
زمبابوے کرکٹ نے اعلان کیا کہ ان کا موجودہ قومی معاہدہ 31 دسمبر کو ختم ہونے کے بعد تجدید نہیں کیا جائے گا۔
بیان میں مزید کہا گیا کہ اس کے باوجود زمبابوے کرکٹ ان کی 2 دہائیوں پر محیط شاندار خدمات کا اعتراف کرتی ہے۔ وہ ٹیم کے حالیہ دور کے کئی تاریخی لمحات میں مرکزی کردار ادا کرتے رہے ہیں۔
آخر میں بورڈ نے کہا کہ ہم شان ولیمز کے لیے صحتیابی کے عمل میں قوت اور مستقبل کے لیے کامیابی کی دعا کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنوبی افریقہ ڈرگز شان ولیمز کرکٹ بورڈ منشیات کا الزام
نان فائلرز سے اے ٹی ایم یا بینک سے رقم نکلوانے پر ڈبل ٹیکس کی تیاری