غزہ؛ حماس کیساتھ جھڑپوں میں 2 اسرائیلی فوجی ہلاک اور 6 زخمی
اشاعت کی تاریخ: 9th, May 2025 GMT
اسرائیلی فوج کے ترجمان نے تصدیق کی ہے کہ غزہ کے جنوبی علاقے میں برّی آپریشن کے دوران مختلف جھڑپوں میں 2 فوجی ہلاک اور 6 زخمی ہوگئے۔
عالمی خبر رساں ادارے کے مطابق حماس کے ساتھ جھڑپ کا پہلا واقعہ رفح کے جنینہ محلے میں پیش آیا۔
جہاں حماس کے جنگجوؤں نے ایک عمارت پر میزائل حملہ کیا جس سے عمارت کا ایک حصہ گرگیا جس میں ایک فوجی ہلاک اور دو زخمی ہوگئے۔
اس حملے کے محض دو گھنٹے بعد حماس کے جنگجوؤں نے ایک بکتر بند گاڑی کو دھماکا خیز مواد سے نشانہ بنایا۔
حماس کے اس حملے میں بکتر بند گاڑی میں موجود ایک فوجی ہلاک اور دیگر 4 زخمی ہوگئے۔ زخمیوں میں سے دو افسران کی حالت نازک ہے۔
ترجمان اسرائیلی فوج نے ہلاک ہونے والے فوجیوں کی شناخت سارجنٹ 20 سالہ یشائی الیاکیم ارباخ اور اسٹاف سارجنٹ 21 سالہ یام فرید کے ناموں سے ظاہر کی ہے۔
ان ہلاکتوں کے بعد اسرائیلی فوج کی زمینی کارروائیوں اور سرحد پر ہونے والی جھڑپوں میں ہلاک ہونے والے اہلکاروں کی تعداد 418 ہوگئی۔
یاد رہے کہ 7 اکتوبر 2023 کو حماس نے اسرائیل پر حملہ کیا جس میں 1500 کے قریب اسرائیلی مارے گئے تھے جب کہ 251 کو یرغمال بناکر غزہ لایا گیا تھا۔
حماس کی قید میں ان 251 یرغمالیوں میں سے کچھ کو جنگ بندی معاہدے کے ذریعے رہائی ملی تھی تاہم اب بھی 58 یرغمالی حماس کے پاس ہیں جن میں 35 کی ہلاکت کا خدشہ بھی ہے۔
اسرائیل نے 8 اکتوبر 2023 سے غزہ پر بمباری کا سلسلہ جاری کیا جو تاحال جاری ہے اور اس میں اب تک 52 ہزار سے زائد فلسطینی شہید ہوچکے ہیں جب کہ زخمیوں کی تعداد ایک لاکھ سے زائد ہے۔
.
ذریعہ: Express News
پڑھیں:
غزہ میں ٹیلی فون سروس ہیک کرلی، حماس کے فونز پر نیتن یاہو کی تقریر نشر ہو رہی ہے، اسرائیل کا دعویٰ
اسرائیلی وزیراعظم بنیامین نیتن یاہو نے اعلان کیا ہے کہ اسرائیلی فوج (آئی ڈی ایف) نے غزہ کے رہائشیوں اور حماس کے ارکان کے ٹیلی فونز کا کنٹرول سنبھال لیا ہے اور اقوام متحدہ سے کیا جانے والا ان کا خطاب انہی ٹیلی فونز کے ذریعے براہِ راست نشر کیا جا رہا ہے۔
اسرائیلی وزیراعظم نے غزہ کے عوام سے اپیل کرتے ہوئے کہا کہ اگر یرغمالیوں کو واپس کر دیا جائے، حماس کو غیر مسلح کر دیا جائے اور غزہ کی پٹی کو عسکریت پسدوں سے خالی کیا جائے تو جنگ فوری طور پر ختم ہوسکتی ہے۔
یہ بھی پڑھیے: اقوام متحدہ میں نیتن یاہو کی تقریر کے دوران مسلم ممالک کے ارکان کا واک آؤٹ، ہال خالی ہوگیا
نیتن یاہو نے واضح کیا کہ جو اس پر عمل کرے گا وہ زندہ رہے گا، اور جو نہ کرے گا اس کا پیچھا کیا جائے گا۔
ان کا خطاب غزہ سٹی میں لاؤڈ اسپیکرز کے ذریعے بھی نشر کیا گیا۔
In an unprecedented action, Prime Minister Benjamin Netanyahu, in a live broadcast from the UN building in New York, has announced that the IDF took control of the telephones of Gaza residents and Hamas members, and that his speech is now being broadcast live via the telephones.
— Prime Minister of Israel (@IsraeliPM) September 26, 2025
اسرائیلی وزیراعظم نے اقوام متحدہ میں خطاب کے دوران یہ عزم بھی دہرایا کہ حماس کے خاتمے کا کام مکمل کیا جائے گا۔ ان کے خطاب کے دوران بڑی تعداد میں مندوبین، خصوصاً عرب اور مسلم ممالک کے نمائندے، اجلاس سے واک آؤٹ کر گئے۔
دوسری جانب الجزیرہ نے طبی ذرائع کے حوالے سے بتایا ہے کہ جمعہ کے روز محصور اور بمباری سے متاثرہ فلسطینی علاقے میں 60 افراد جاں بحق ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ٹیلی فون حماس غزہ نیتن یاہو ہیک
کراچی میں نامعلوم افراد کی فائرنگ سے پی پی کارکن جاں بحق، مقتول قتل کیس کا گواہ تھا