حیدرآباد: فائرنگ سے بیٹا، باپ، نانا زخمی، والدہ جاں بحق
اشاعت کی تاریخ: 10th, May 2025 GMT
---فائل فوٹو
حیدر آباد میں کار پر مسلح افراد کی فائرنگ سے ایک شخص، اس کا دس سالہ بیٹا اور سسر زخمی ہو گئے جبکہ بچے کی ماں جاں بحق ہو گئی۔
پولیس کے مطابق علاقے ہالہ ناکہ علی آباد کے قریب مسلح افراد نے جوئے کے اڈے کی ویڈیو بنا کر وائرل کرنے والے شخص یونس راجڑ کی کار پر فائرنگ کی جس کے نتیجے میں یونس راجڑ کی بیوی موقع پر ہی جاں بحق ہو گئی جبکہ اس کا دس سالہ بیٹا اور اس کا والد زخمی ہوگیا۔
پولیس کے مطابق یونس راجڑ جوئے کے اڈوں کی ویڈیو بنا کر سوشل میڈیا پر وائرل کر کے مبینہ طور پر بلیک میل کرتا تھا۔
پولیس واقعے کی مزید تفتیش کر رہی ہے۔
.ذریعہ: Jang News
پڑھیں:
’’پاکستانی تو سکون میں ہیں‘‘، شمالی علاقے میں موجود امریکی ولاگر کی ویڈیو وائرل
سکردو(نیوز ڈیسک)پاک بھارت کشیدگی کے دوران پاکستان کے شمالی علاقے میں موجود مشہور امریکی وی لاگر نے بھارتی میڈیا کی منفی رپورٹنگ کا بھانڈا پھوڑ دیا۔
صرف مودی سرکار ہی نہیں بلکہ بھارت کا گودی میڈیا بھی جنگی جنون میں مبتلا ہے۔ بھارت کے رات کی تاریکی میں پاکستان پر حملے کے فوری بعد پاک فوج کی جانب سے کرارا جواب ملنے پر بھارتی میڈیا اپنی ہزیمت مٹانے کے لیے منفی پروپیگنڈے پر اتر آیا ہے اور ایسی رپورٹنگ کر رہا ہے کہ جیسے پاکستان کے شہری شدید خوفزدہ ہیں۔
بھارتی میڈیا کے منفی پروپیگنڈے کا جہاں خود بھارت میں مذاق اڑایا جا رہا ہے۔ وہیں پاکستان کے شمالی علاقے میں موجود مشہور امریکی وی لاگر نے بھی ایک ویڈیو سوشل میڈیا پر پوسٹ کر کے بتا دیا کہ پاکستانی مطمئن اور خوش جب کہ وہ خود کو بھی پاکستان میں محفوظ تصور کر رہا ہے۔
سوشل میڈیا پلیٹ فارم انسٹا گرام پر معروف امریکی وی لاگر ڈریو بنسکی نے ایک ویڈیو پوسٹ کی ہے جس میں وہ بتا رہے ہیں کہ وہ پاکستان میں ہیں اور اس وقت کشمیر کے قریب شمالی علاقوں میں گھوم رہے ہیں۔
ویڈیو میں دیکھا جا سکتا ہے کہ بنسکی سڑکوں پر بے خوف گھوم رہے ہیں اور سڑکوں پر نکالے جانے والی پاکستان کے حق میں ریلیاں بھی دکھا رہے ہیں۔
اس موقع پر وہ مقامی لوگوں سے گھل مل رہے ہیں جب کہ دکھا رہے کہ بازار اور سڑکوں پر معمولات زندگی برقرار اور شہری بے خوف ہیں۔
بنسکی نے اپنی اس ویڈیو میں کہا کہ ’مجھے بہت سے لوگوں نے میسجز کر کے حال چال پوچھا، میں بتانا چاہتا ہوں کہ میں محفوظ ہوں اور یہاں لوگوں سے مل جل رہا ہوں‘۔
امریکی وی لاگر نے کہا کہ ’یہاں کے لوگ سکون سے بے پرواہ طریقے سے زندگی جی رہے ہیں، جیسا خبروں میں دکھایا جاتا ہے ویسا کچھ نہیں ہے‘۔
View this post on InstagramA post shared by Drew Binsky (@drewbinsky)
واضح رہے کہ منفی پروپیگنڈا دنیا بھر میں بے نقاب ہونے کے بعد اب بھارتی میڈیا خود اپنی پروپیگنڈا رپورٹنگ پر معافی مانگنے پر اتر آیا ہے۔
بھارتی ٹی وی چینل ’آج تک‘ نے معافی مانگی ہے، جس کی ویڈیو سوشل میڈیا پر بھی زیر گردش ہے۔ اس ویڈیو میں خاتون اینکر کا کہنا ہے کہ پچھلے 24 گھنٹوں میں کچھ ادھوری رپورٹس دکھائی گئی جس کے لیے معافی چاہتے ہیں۔
مزیدپڑھیں:پی سی بی کا پی ایس ایل کے باقی میچز ملتوی کرنے کا اعلان
وزیر خارجہ اسحاق ڈار کا ملائیشین ہم منصب سے رابطہ، بھارتی اقدامات یکسر مسترد کر دیئے