’ان کی شادی کروا دو‘، مایا علی اور بلال اشرف کے شوٹ پر صارفین کے تبصرے
اشاعت کی تاریخ: 14th, May 2025 GMT
مایا علی اور بلال اشرف دو مشہور پاکستانی اداکار ہیں جو اپنی شاندار اداکاری اور ہٹ پراجیکٹس کی وجہ سے جانے جاتے ہیں۔ مایا علی نے شہرت مشہور ڈراموں جیسے ’دیارِ دل‘، ’عون زارا‘، ’شناخت‘، ’من مائل‘ اور ’میرا نام یوسف ہے‘ سے حاصل کی۔ جبکہ بلال اشرف نے فلم ’جانان‘ سے مقبولیت حاصل کی، جس کے بعد انہوں نے ’سپر اسٹار‘، ’یوں ہی‘، ’ایک ہے نگار‘ اور ’یلغار‘ جیسے منصوبوں میں کام کیا۔
مایا علی اور بلال اشرف اپنی خوبصورت دوستی اور مضبوط تعلق کی وجہ سے خبروں میں رہتے ہیں۔ بہت سے ڈیجیٹل میڈیا صحافی اکثر یہ رپورٹ کرتے ہیں کہ یہ دونوں اداکار ممکنہ طور پر مستقبل میں شادی کے منصوبے رکھتے ہیں۔ تاہم، مایا علی اور بلال اشرف نے اپنے رشتے کے بارے میں خاموشی اختیار کی ہوئی ہے، اگرچہ وہ اکثر ایک ساتھ دیکھے جاتے ہیں۔ چند دن پہلے، انہیں لاہور میں کوئٹہ گلیڈی ایٹرز کا میچ دیکھتے ہوئے بھی دیکھا گیا تھا۔
حال ہی میں، مایا علی نے بلال اشرف کے ساتھ راشد ٹیکسٹائل کے نئے ایمبرائڈری والے پریمیم لان کلیکشن کے لیے ایک خوبصورت فوٹو شوٹ شیئر کیا۔ جس میں دونوں اداکار ایک ساتھ نہایت شاندار لگ رہے تھے، اور مداحوں نے ان کی دلکش کیمسٹری کو بے حد سراہا۔
View this post on Instagram
A post shared by Maya Ali (@official_mayaali)
جہاں شوبز ستارے دونوں کے فوٹو شوٹ کو سراہتے نظر آئے وہیں مداحوں نے دونوں اداکاروں کو ایک ساتھ دیکھ کر کہا کہ انہیں جلد شادی کر لینی چاہیے۔ ایک صارف نے لکھا کہ یہ دونوں ساتھ میں بہت پیارے لگتے ہیں جبکہ آمنہ نامی صارف کا کہنا تھا کہ کوئی ان دونوں کی شادی کروا دو۔
صارفین کا کہنا تھا کہ ان کی جوڑی بے حد خوبصورت لگتی ہے اور یہ ساتھ میں بہت اچھے لگتے ہیں جبکہ سحر سہیل لکھتی ہیں کہ شادی کر لو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلال اشرف پاکستانی ڈرامے مایا علی مایا علی شادی.ذریعہ: WE News
کلیدی لفظ: بلال اشرف پاکستانی ڈرامے مایا علی مایا علی شادی
پڑھیں:
چوہدری بلال فاروق تارڑ ضمنی انتخاب میں بلا مقابلہ رکن قومی اسمبلی منتخب، سعودی عرب میں مقیم پاکستانیوں کی جانب سے مبارکبادوں کا سلسلہ
چوہدری بلال فاروق تارڑ ضمنی انتخاب میں بلا مقابلہ رکن قومی اسمبلی منتخب، سعودی عرب میں مقیم پاکستانیوں کی جانب سے مبارکبادوں کا سلسلہ WhatsAppFacebookTwitter 0 10 November, 2025 سب نیوز
جدہ (خالد نواز چیمہ سے) — ضلع گوجرانوالہ کے حلقہ این اے-66 وزیرآباد سے وفاقی وزیر اطلاعات و نشریات چوہدری عطا اللہ تارڑ کے بھائی اور پاکستان مسلم لیگ (ن) کے نامزد امیدوار چوہدری بلال فاروق تارڑ بلا مقابلہ رکن قومی اسمبلی منتخب ہو گئے ہیں۔ ان کی کامیابی پر سعودی عرب میں مقیم پاکستانی کمیونٹی کی جانب سے مبارکبادوں کا تانتا بندھ گیا ہے۔
سعودی عرب میں مقیم ممتاز اوورسیز پاکستانی رہنماؤں، بزنس کمیونٹی اور مسلم لیگ (ن) کے عہدیداران نے ٹیلی فون کے ذریعے چوہدری بلال فاروق تارڑ سے رابطہ کر کے انہیں بلا مقابلہ کامیابی پر دل کی گہرائیوں سے مبارکباد پیش کی۔
مبارکباد پیش کرنے والوں میں اوورسیز پاکستانیز گلوبل فاؤنڈیشن سعودی عرب کے صدر خالد نواز چیمہ جٹ، جٹ انٹرنیشنل کے نوید چیمہ، پاکستان بزنس فورم سعودی عرب کے چیئرمین چوہدری محمد افضل جٹ، اور مسلم لیگ (ن) سعودی عرب کے چیئرمین چوہدری محمد اکرم گجر کے علاوہ دیگر درجنوں سماجی و کاروباری شخصیات شامل تھیں۔
مبارک باد پیش کرنے والوں نے چوہدری بلال فاروق تارڑ کو ایک نوجوان، تعلیم یافتہ اور وژن رکھنے والا سیاسی رہنما قرار دیتے ہوئے کہا کہ ان کی کامیابی ضلع وزیرآباد کے عوام کے لیے نیک شگون ثابت ہوگی۔ انہوں نے امید ظاہر کی کہ چوہدری بلال فاروق تارڑ عوامی مسائل کے حل، ترقیاتی منصوبوں کے آغاز اور علاقے کے تعلیمی و معاشی استحکام کے لیے بھرپور کردار ادا کریں گے۔
خالد نواز چیمہ نے کہا کہ مسلم لیگ (ن) کی قیادت نوجوانوں کو سیاسی قیادت میں آگے لا رہی ہے، اور چوہدری بلال فاروق تارڑ اسی وژن کی ایک روشن مثال ہیں۔ انہوں نے کہا کہ ہمیں یقین ہے کہ وہ قومی اسمبلی میں اوورسیز پاکستانیوں کے مسائل اور ان کے حقوق کے تحفظ کے لیے مؤثر آواز اٹھائیں گے۔
چوہدری محمد افضل جٹ نے اپنے پیغام میں کہا کہ بلال فاروق تارڑ کی کامیابی وزیرآباد کے عوام کے اعتماد کی علامت ہے، جبکہ چوہدری محمد اکرم گجر نے کہا کہ ان کی کامیابی مسلم لیگ (ن) کی عوامی مقبولیت کا ثبوت ہے۔
نوید چیمہ نے اس موقع پر کہا کہ بلال فاروق تارڑ جیسے متحرک رہنما ملک کے سیاسی و ترقیاتی منظرنامے میں مثبت تبدیلی لانے کی صلاحیت رکھتے ہیں۔
سعودی عرب میں مقیم پاکستانی کمیونٹی نے متفقہ طور پر اس امید کا اظہار کیا کہ چوہدری بلال فاروق تارڑ وزیرآباد کو ایک مثالی ضلع بنائیں گے اور علاقے کی ترقی کے لیے عملی اقدامات اٹھائیں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد ہائی کورٹ میں آئینی عدالت کی ممکنہ تشکیل کے لیے تیاریاں تیز کیش لیس معیشت سے گورننس میں بہتری اور کرپشن میں کمی آئے گی، وزیراعظم نمبرز پورے ہوگئے ہیں، اب ایمل ولی کیا کریں گے؟خاتون صحافی کے سوال پر اعظم نذیر تارڑ نے کیا جواب دیا؟ بین الپارلیمانی سپیکرز کانفرنس میں شرکت کیلئے غیر ملکی وفود اسلام آباد پہنچ گئے ستائیسویں آئینی ترمیم پر سینیئرز وکلا اور ریٹائرڈ ججز کا چیف جسٹس پاکستان کو خط، اہم مطالبہ کر دیا ’ہم تو ویسے بھی بیچارے ایسے ہی ہیں یہاں‘، آئینی عدالت سے متعلق جسٹس منصور علی شاہ کے دلچسپ ریمارکس ستائیسویں ترمیم پاس ہوگئی، 28 ویں ترمیم کی تیاری کریں، فیصل واوڈاCopyright © 2025, All Rights Reserved
رابطہ کریں ہماری ٹیم
صدر یونائٹیڈ بزنس گروپ (یو بی جی) زبیر طفیل کی جانب سے یو بی جی کے سرپرست اعلیٰ ایم تنویر کے اعزاز میں دیے گئے ظہرانے میں خالد تواب، عبدالمہمین خان، میاں زاہد حسین، شکیل احمد ڈھینگڑا، اکرام راجپوت اور زبیر چھایا کا گروپ فوٹو