کوہستان اسکینڈل، 1 ارب 59 کروڑ روپے کی کرنسی اور سونا برآمد
اشاعت کی تاریخ: 14th, May 2025 GMT
پشاور (نیوز ڈیسک) خیبر پختونخوا کے علاقے کوہستان میں 40ارب روپے کی مالی بدعنوانی کے اسکینڈل میں بڑی اور سنسنی خیز پیشرفت ہوئی ہے، تحقیقات کے دوران اہم ملزمان کے گھروں پر چھاپوں کے دوران پاکستانی کرنسی، امریکی ڈالرز اور سونا سمیت مجموعی طور پر 1 ارب 59 کروڑ روپے کی خطیر رقم برآمد کی گئی ہے۔ ملزمان میں اعلیٰ سرکاری افسران اور ٹھیکیدار شامل ہیں، جبکہ تحقیقات کا دائرہ مزید وسیع کر دیا گیا ہے۔کوہستان اسکینڈل کی خبر روزنامہ جنگ اور دی نیوز نے 30 اپریل کو شائع کی تھی، جس کے باعث ملک بھر میں ہلچل مچ گئی تھی۔ آڈٹ نے بھی کرپشن کی تصدیق کی تھی، جبکہ پبلک اکاؤنٹس کمیٹی بھی اسکینڈل پر کارروائی کر رہی ہے۔ذرائع کے مطابق، پاکستان کی تاریخ کے سب سے بڑے مالیاتی اسکینڈلز میں شامل 12 ملزمان کے گھروں پر چھاپے مارے گئے ہیں تین افراد کے گھروں سے تین کلو سونا ،12کے گھروں سے ڈیڑھ ارب روپے برآمد ، جن کے نام فی الحال خفیہ رکھے جا رہے ہیں تاکہ تحقیقات اور ریکوری میں رکاوٹ پیدا نہ ہو۔
Post Views: 4.ذریعہ: Daily Mumtaz
کلیدی لفظ: کے گھروں
پڑھیں:
سٹاک مارکیٹ دوسرے روز بھی تیز، سونا 3700 روپے تولہ مہنگا
کراچی (کامرس رپورٹر) پاک بھارت جنگ بندی معاہدہ اور آئی ایم ایف ڈیل کے بعد پاکستان سٹاک مارکیٹ میں منگل کے روز بھی تیزی کا رجحان رہا۔. پاکستان اسٹاک مارکیٹ میں گزشتہ روز کے ایس ای 100انڈکس 1278پوائنٹس کے اضافے سے118,575پوائنٹس پر بند ہوا اسی طرح 462پوائنٹس بڑھ کر کے ایس ای 30انڈیکس36ہزار 301پوائنٹس اور کے ایس ای آل شیئرز انڈکس 72ہزار 310پوائنٹس سے بڑھ کر 73ہزار307پوائنٹس ہو گیا۔ 188ارب 62کروڑ 73لاکھ 48ہزار 173روپے کے اضافے سے سرمائے کا مجموعی حجم 14205 ارب 14 کروڑ 39 لاکھ 15 ہزار 344روپے ہو گیا۔ فاریکس ایسوسی ایشن آف پاکستان کی رپورٹ کے مطابق منگل کو انٹربنک میں 10پیسے بڑھ کر ڈالر 281.90 روپے کا ہو گیا۔ اسی طرح 19پیسے کے اضافے سے اوپن مارکیٹ میں ڈالر کی قدر283.69روپے پر جا پہنچی۔ رپورٹ کے مطابق یورو کی قدرمیں 2.89روپے کی کمی واقع ہوئی جس کے بعد یورو316.09روپے کا ہو گیا اسی طرح 2.21روپے گھٹ کر برطانوی پونڈ کی قدر375.40روپے پر آ گئی۔ آل پاکستان جیمز اینڈ جیولرز ایسوسی ایشن کی رپورٹ کے مطابق منگل کو ایک تولہ سونے کی قیمت میں 3700روپے کا اضافہ ہوا جس کے بعد سونے کی فی تولہ قیمت 3لاکھ44ہزار200روپے ہو گئی۔ اسی طرح دس گرام سونا 3173روپے مہنگا ہو گیااور10گرام سونے کی قیمت 2لاکھ95ہزار96روپے پر جا پہنچی جبکہ عالمی مارکیٹ میں 37ڈالراضافے سے فی اونس سونا 3258ڈالرہوگیا۔
پاکستانیوں کیلیے بیلاروس میں روزگار کے مواقع؛ حکومت کی بڑی پیش رفت