گلگت میں گرینڈ قومی جرگے سے قبل کریک ڈاؤن، کئی رہنما گرفتار
اشاعت کی تاریخ: 15th, May 2025 GMT
عوامی ایکشن کمیٹی کے چیئرمین احسان علی ایڈووکیٹ کو گلگت سے پولیس نے گرفتار کر لیا جبکہ ساتھ ہی عوامی ایکشن کمیٹی کے جنرل سیکرٹری مسعود الرحمن اور محبوب ولی کو بھی پولیس نے اٹھا لیا۔ ادھر کھرمنگ میں قوم پرست رہنما شبیر مایار کو بھی پولیس نے گرفتار کر لیا ہے۔ اسلام ٹائمز۔ گرینڈ قومی جرگے سے قبل گلگت بلتستان میں کریک ڈاؤن شروع ہو گیا۔ عوامی ایکشن کمیٹی گلگت بلتستان کے صدر سمیت کئی رہنماؤں کو گرفتار کر لیا گیا۔ تفصیلات کے مطابق عوامی ایکشن کمیٹی کے چیئرمین احسان علی ایڈووکیٹ کو گلگت سے پولیس نے گرفتار کر لیا جبکہ ساتھ ہی عوامی ایکشن کمیٹی کے جنرل سیکرٹری مسعود الرحمن اور محبوب ولی کو بھی پولیس نے اٹھا لیا۔ ادھر کھرمنگ میں قوم پرست رہنما شبیر مایار کو بھی پولیس نے گرفتار کر لیا ہے۔ خیال رہے کہ عوامی ایکشن کمیٹی نے رواں ماہ کی 24 اور 25 تاریخ کو گلگت میں گرینڈ قومی جرگہ بلانے کا اعلان کر رکھا ہے۔ اے اے سی کے قائدین اس جرگے کی تیاریوں کو حتمی شکل دے رہے تھے۔ جی بی کے تمام طبقات کو جرگے میں شرکت کی دعوت دی گئی تھی۔ اے اے سی کے چیئرمین احسان علی ایڈووکیٹ گرینڈ قومی جرگے کے حوالے سے عوام اور سیاسی و مذہبی قائدین سے مشاورت کا سلسلہ شروع کر رکھا تھا۔ گرینڈ قومی جرگہ بلانے کا مقصد گلگت بلتستان کے دیرینہ مسائل کے حل کیلئے ایک متفقہ لائحہ عمل مرتب کرنا بتایا گیا تھا۔ تاہم اس سے قبل ہی حکومت نے کریک ڈاؤن شروع کر دیا اور عوامی ایکشن کمیٹی جی بی کے قائدین کو گرفتار کر لیا گیا۔ ادھر گلگت کی عدالت نے احسان علی ایڈووکیٹ کو 28 مئی تک جسمانی ریمانڈ پر پولیس کے حوالے کر دیا۔
.
ذریعہ
ذریعہ: Islam Times
کلیدی لفظ: پولیس نے گرفتار کر لیا عوامی ایکشن کمیٹی کے احسان علی ایڈووکیٹ کو بھی پولیس نے
پڑھیں:
نیشنل کانفرنس کی حکومت ہر محاذ پر ناکام ہو چکی ہے، غلام علی کھٹانہ
بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائیگا۔ اسلام ٹائمز۔ بھارت میں برسراقتدار مخلوط حکومت کی اتحادی جماعت بی جے پی کے لیڈر اور راجیہ سبھا کے رکنِ پارلیمان انجینیئر غلام علی کھٹانہ نے الزام عائد کیا کہ جموں و کشمیر میں نیشنل کانفرنس کی قیادت والی حکومت عوامی مسائل کے حل میں ہر محاذ پر ناکام ثابت ہوئی ہے، جس کے باعث عوام میں بے چینی اور ناراضگی بڑھ رہی ہے۔ ضلع رامبن کے سب ڈویژن بنیہال میں منعقدہ ایک عوامی دربار سے خطاب کرتے ہوئے جس میں مقامی باشندوں اور سرکاری افسران نے شرکت کی، غلام علی کھٹانہ نے دعویٰ کیا کہ گزشتہ دو برسوں کے دوران تعلیم، صحت، پینے کے صاف پانی اور بجلی کے شعبوں کی حالت مزید خراب ہوئی ہے۔ انہوں نے وزیرِ اعلیٰ عمر عبداللہ کی قیادت والی حکومت پر عوام سے دور ہونے کا الزام عائد کرتے ہوئے زیادہ جوابدہی کا مطالبہ کیا۔
بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائے گا۔ انہوں نے مرکز کے زیرِ انتظام جموں و کشمیر کی انتظامیہ کی کارکردگی پر وائٹ پیپر جاری کرنے کا مطالبہ بھی کیا اور گوجر-بکروال برادریوں اور بے گھر کشمیری پنڈتوں کے لئے مزید حفاظتی اقدامات کی ضرورت پر زور دیا۔ عوامی ملاقات کے دوران مختلف عوامی مسائل اور ترقیاتی امور پر بھی تبادلۂ خیال کیا گیا، جس میں مقامی حکام، بی جے پی رہنماؤں اور علاقے کے باشندوں نے شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ