’ہاں میں اہلیہ کو نظر انداز کرتا ہوں‘، رجب بٹ خود پر تنقید کے بعد بول پڑے
اشاعت کی تاریخ: 21st, May 2025 GMT
معروف یوٹیوبر رجب بٹ نے اہلیہ کے ساتھ بدسلوکی اور انہیں نظر انداز کرنے کے حالیہ الزامات پر ردعمل دیتے ہوئے کہا ہے کہ ان کی اہلیہ کے ساتھ رویے کو غلط انداز میں پیش کیا جا رہا ہے۔
اپنے حالیہ وی لاگ میں رجب بٹ نے کہا کہ سوشل میڈیا نے کئی گھر برباد کیے ہیں لیکن میں اپنا گھر برباد نہیں ہونے دوں گا، اگر مجھے سوشل میڈیا ڈیلیٹ کرنا پڑا تو میں کر دوں گا، اپنا تماشا کسی کو نہیں بنانے دوں گا۔
ان کا کہنا تھا کہ میری اہلیہ ایمان بہت حساس ہے اور سوشل میڈیا پر لوگ بولتے ہوئے بالکل بھی نہیں سوچتے اس وجہ سے میں نے ایمان کا آج تک کوئی بھی اکاؤنٹ نہیں بنایا کہ جب وہ عجیب عجیب ویڈیوز دیکھے گی تو ٹراما برداشت نہیں کر سکے گی۔
رجب بٹ نے کہا کہ مجھ پر الزام ہے کہ میں بیوی کو نظر انداز کرتا ہوں تو ہاں جب کیمرہ چل رہا ہوتا ہے تو میں ایمان کو نظر انداز کرتا ہوں کیونکہ وہ صرف کیمرے پر میری بیوی نہیں ہے بلکہ کیمرے کے بغیر بھی میری ہی بیوی ہے۔
یوٹیوبر کا کہنا تھا کہ ایمان کی طبیعت ٹھیک نہیں ہے اور اب وہ تب تک وی لاگ میں نہیں آئیں گی جب تک ان کی طبیعت ٹھیک نہیں ہو جاتی۔ انہوں نے کہا کہ ایمان سے اداکاری نہیں ہوتی اور وہ جیسا محسوس کرتی ہے ویسے ہی ردعمل دیتی ہے۔ جس سے دیکھنے والوں کو محسوس ہوا کہ میں نے ان کی توہین کی یا انہیں نظر انداز کیا۔
انہوں نے مزید کہا کہ وہ اپنی اہلیہ کی توہین کرنے کا سوچ بھی نہیں سکتے اور اگر انہوں نے ایسا سوچا بھی تو ان کی والدہ ان کا جبڑا توڑ دیں گی۔
یہ بھی پڑھیں: ’رجب بٹ اچھے بیٹے تو ہوسکتے ہیں مگر شوہر نہیں‘، اہلیہ سے بدسلوکی کے بعد یوٹیوبر پر شدید تنقید
خیال رہے کہ چند دن قبل رجب بٹ نے وی لاگ شیئر کیا تھا جس میں ان کو اپنی بہن غزل کو کھانے کی پیشکش کرتے ہوئے دکھایا گیا جبکہ وہ اسی لمحے اہلیہ ایمان کو مکمل طور پر نظر انداز کرتے نظر آئے جس پر شائقین نے یوٹیوبر کو آڑے ہاتھوں لیا تھا۔
اس کے علاوہ رجب بٹ نے اپنے یوٹیوب چینل پر مدرز ڈے کے حوالے سے ویلاگ اپلوڈ کیا تھا جس میں وہ اپنے خاندان اور دوستوں کے ساتھ موجود تھے۔ لیکن وی لاگ کے ایک خاص حصے نے ناظرین کو مایوس کر دیا جو کہ ان کا اپنی اہلیہ کے ساتھ توہین آمیز رویہ تھا۔ صارفین کو رجب بٹ کا یہ انداز ایک آنکھ نہ بھایا اور انہوں نے یو ٹیوبر پر تنقید شروع کر دی۔
کئی صارفین نے انہیں بطور شوہر ناکام قرار دے دیا تو کئی صارفین کا کہنا تھا کہ اسلام میں بیوی کے حقوق کو بھی اتنی ہی اہمیت دی گئی ہے جتنی ماں، بہن اور والدین کو، ان کا کہنا تھا کہ رجب ہر کسی کو ترجیح دیتے ہیں، سوائے اپنی بیوی کے اور یہ رویہ ناقابل قبول ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمان رجب بٹ رجب بٹ شادی یو ٹیوبر.ذریعہ: WE News
کلیدی لفظ: ایمان یو ٹیوبر کا کہنا تھا کہ انہوں نے کے ساتھ کہا کہ
پڑھیں:
شگفتہ اعجاز کا وزن میں کمی کے بعد نیا انداز توجہ کا مرکز
اداکارہ شگفتہ اعجاز کے وزن کم کرنے کے بعد نئے روپ نے دھوم مچادی، ساتھ ہی ان کے جذباتی کیپشن نے مداحوں کو سوچنے پر مجبور کر دیا۔
پاکستان کی سینئر اور باوقار اداکارہ شگفتہ اعجاز نے اپنے شوہر یحییٰ صدیقی کی وفات کے بعد زندگی کے ایک نئے باب کا آغاز کیا۔
معروف اداکارہ نے کینسر سے طویل جنگ لڑنے والے اپنے شوہر کے بچھڑ جانے کے بعد ناصرف جذباتی صدمہ برداشت کیا بلکہ وہ اپنی ظاہری شخصیت میں بھی نمایاں تبدیلی لائیں۔
شگفتہ اعجاز نے حالیہ دنوں میں شوٹنگ سیٹ سے نئی تصاویر شیئر کیں، جن میں وہ سرخ ساڑھی میں بےحد خوبصورت اور پُراعتماد نظر آئیں، ان تصاویر میں ان کا وزن کم ہونے کے بعد کا نیا روپ مداحوں کی توجہ کا مرکز بن گیا۔
تصاویر کے ساتھ انہوں نے ایک پراثر پیغام بھی شیئر کیا کہ اگر میرا ذہن کسی چیز کا تصور کر سکتا ہے اور دل اس پر یقین رکھتا ہے تو میں اسے حاصل بھی کر سکتی ہوں۔
یہ کیپشن ان کی اندرونی طاقت کی عکاسی کرتا ہے بلکہ اس بات کا بھی اظہار ہے کہ وہ غم کے باوجود خود کو سنبھالنے اور زندگی کی طرف واپس آنے کی کوشش کر رہی ہیں۔
مداحوں کی جانب سے ان کے نئے روپ کو خوب سراہا جا رہا ہے، ایک صارف نے لکھا آپ بہت خوبصورت لگ رہی ہیں، ایک اور نے کہا زبردست تبدیلی۔
سوشل میڈیا پر کچھ افراد نے تنقید کا رخ بھی اختیار کیا، کچھ صارفین نے ان کے وزن میں کمی پر ناپسندیدگی کا اظہار کیا اور کہا کہ وہ پہلے بھرے چہرے کے ساتھ زیادہ جواں نظر آتی تھیں، ایک صارف نے لکھا اتنی زیادہ اسمارٹنس آپ پر نہیں سجتی۔
کچھ افراد نے تو ان کے سرخ لباس پہننے پر اعتراض بھی کیا اور کہا کہ شوہر کی وفات کے بعد خواتین کو سفید لباس پہننا چاہیے، ایک تبصرے میں کہا گیا، شوہر کے انتقال کے بعد خواتین غم میں ڈوب جاتی ہیں اور یہاں اداکارائیں پروجیکٹس میں مصروف ہو جاتی ہیں۔
Post Views: 4
آل سعود کا امریکی صدر کا استقبال امت مسلمہ کے زخموں پر نمک پاشی ہے، علامہ مقصود ڈومکی