برطانیہ، غیر قانونی اسلحہ رکھنے والے نوجوانوں کیلئے ایمنسٹی وین چلے گی
اشاعت کی تاریخ: 22nd, May 2025 GMT
غیر قانونی اسلحہ رکھنے والے نوجوانوں کیلئے ملک بھر میں ایمنسٹی وین چلے گی جس میں وہ ننجا تلواروں سے متعلق نئی پابندیوں سے قبل بغیر کسی پوچھ گچھ کے ہتھیار جمع کراسکیں گے۔
غیر قانونی اسلحہ کے خلاف مہم چلانے والے فارون پال حکومتی اسکیم کے تحت جولائی میں وین پر لندن، ویسٹ مڈلینڈز اور گریٹر مانچسٹر کا دورہ کریں گے۔
ہوم آفس چیرٹی ورڈ فار ویپنز کے ذریعے بنائے گئے 37 سرینڈر بن کیلئے فنڈنگ بھی فراہم کرے گا جو انگلینڈ اور ویلز کی ایسی جگہ رکھے جائیں گے جہاں چاقو کے جرائم کی شرح 45 فیصد تک ہے، ننجا تلواروں پر پابندی کےلئے مقتول نوجوان رونن کانڈا کے خاندان والوں نے مہم چلائی، نئے قواعد یکم اگست سے نافذ ہونگے۔
رونن کے نام سے متعارف اقدامات کے تحت ہتھیار رکھنا، فروخت کرنا، بنانا یا درآمد کرنا غیر قانونی ہوگا، رونن کی والدہ پوچا کانڈا نے اپنے 16 سالہ بیٹے کے قتل کی بعد اس ضمن میں مہم چلائی، رونن کو 2022 میں اپنے گھر کے قریب وولور ہیمپٹن میں ننجا تلوار کے وار سے قتل کیا گیا تھا۔
مہم کے دوران ننجا تلوار حوالے کرنے والا مخصوص پولیس اسٹیشن سے پانچ پاؤنڈ بھی حاصل کرسکتا ہے، نئے ایمنسٹی بن لندن میں 33 ویسٹ مڈلینڈز میں دو اور گریٹر مانچسٹر میں بھی دو رکھے جائیں گے۔
مسٹر پال کی وین بھی خصوصا ًاسی مقصد کیلئے بنائی گئی ہے جسے پولیس افسران کی سپورٹ حاصل ہوگی۔
یکم اگست کے بعد ننجا تلوار رکھنے والے شخص کو چھ ماہ قید کی سزا ہوسکتی ہے جسے کرائم اینڈ پولیسنگ بل کی منظوری کے بعد بڑھ کر دو برس کردیا جائے گا۔
Post Views: 4.
ذریعہ
ذریعہ: Daily Mumtaz
پڑھیں:
ایران نے فوجی اڈوں کے استعمال پر برطانیہ کو سخت وارننگ دے دی
ایرانی وزارت خارجہ کے بیان میں کہا گیا کہ برطانوی حکومت جارحیت کی مذمت کرنے کے بجائے حملہ آوروں کا ساتھ دے رہی ہے، جبکہ حملوں میں کسی بھی قسم کی معاونت جارحیت اور جنگی جرائم میں شراکت داری کے مترادف ہے۔ اسلام ٹائمز۔ ایران کی وزارت خارجہ نے کہا ہے کہ ایران پر حملوں کے لیے برطانوی فوجی اڈوں کا استعمال بین الاقوامی قانون اور اقوام متحدہ کے چارٹر کی کھلی خلاف ورزی ہے۔ ایرانی وزارت خارجہ کے بیان میں کہا گیا کہ برطانوی حکومت جارحیت کی مذمت کرنے کے بجائے حملہ آوروں کا ساتھ دے رہی ہے، جبکہ حملوں میں کسی بھی قسم کی معاونت جارحیت اور جنگی جرائم میں شراکت داری کے مترادف ہے۔
بیان میں مزید کہا گیا کہ ایسے اقدامات ایران کے خلاف براہِ راست جارحیت میں شرکت تصور کیے جا سکتے ہیں، جس کے سنگین نتائج برآمد ہوں گے۔ ایرانی وزارت خارجہ نے واضح کیا کہ ایران اپنی خودمختاری، سلامتی اور علاقائی سالمیت کے دفاع کا حق محفوظ رکھتا ہے۔ وزارت خارجہ نے خبردار کیا کہ جو بھی ملک ایران پر حملوں میں مدد فراہم کرے گا، اسے اپنے اقدامات کے نتائج بھگتنا ہوں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار