برطانیہ؛ حزب اللّٰہ کا جھنڈا لہرانے پر آئرش گلوکار پر فرد جرم عائد
اشاعت کی تاریخ: 22nd, May 2025 GMT
آئرش ریپر لیام او ہانا نے مشہور زمانہ ہپ ہاپ بینڈ کے میوزیکل کنسرٹ کے دوران حزب اللہ کا پرچم لہرایا تھا۔
عالمی خبر رساں ادارے کے مطابق یہ واقعہ گزشتہ برس نومبر کو لندن کے فورم کینٹش ٹاؤن میں پیش آیا تھا۔
تاہم گزشتہ ماہ اس میوزیکل کنسرٹ کی ویڈیوز وائرل ہوئیں جس پر ریپر لیام او ہانا کیخلاف مقدمہ درج کرکے تحقیقات کا آغاز کیا گیا۔
انسداد دہشت گردی کے ادارے کا کہنا ہے کہ تحقیقات میں ثابت ہوا کہ گلوکار نے جان بوجھ کر حزب اللہ کی حمایت میں ان کا پرچم لہرایا۔
گلوکار لیام اوہانا پر حزب اللّٰہ کا جھنڈا لہرانے پر دہشت گردی کے قانون کے تحت فردِ جرم عائد کردی گئی۔
ان کو 18 جون 2025ء کو ویسٹ منسٹر مجسٹریٹس کورٹ میں پیش ہونا پڑے گا جہاں انھیں سزا بھی سنائی جا سکتی ہے۔
دوسری جانب بینڈ نے مؤقف اختیار کیا کہ انھوں نے کبھی حماس یا حزب اللّٰہ کی حمایت نہیں کی البتہ فلسطین کی حمایت اور اسرائیل کی مذمت ضرور کی ہے۔
بینڈ کے منیجر نے مزید کہا کہ یہ ویڈیوز سیاق و سباق سے ہٹ کر پھیلائی گئی ہیں تاکہ ہمیں فلسطین کی حمایت پر خاموش کروایا جا سکے۔
.
ذریعہ
ذریعہ: Express News
کلیدی لفظ: کی حمایت
پڑھیں:
سیکیورٹی خدشات: ڈرون اڑانے پر پابندی میںمزید 30 دن کی توسیع
حکومتِ پنجاب نے سیکیورٹی خدشات(security risk) کے پیشِ نظر دفعہ 144 کے تحت پنجاب بھر میں کھلی فضا میں ڈرون اڑانے پر عائد پابندی میں مزید 30 دن کی توسیع کر دی۔
اس حوالے سے جاری نوٹیفکیشن کے مطابق کھلے مقامات پر ڈرون کے استعمال پر پابندی برقرار رہے گی۔
مزید پڑھیں:واپڈا صارفین کے لیے خوشخبری، جون میں 20 پیسے فی یونٹ ریلیف برقرار
نوٹیفکیشن میں کہا گیا ہے کہ ہالز اور مارکیز کے اندر تقریبات کے دوران چھوٹے ڈرونز کے محدود استعمال کی اجازت ہو گی تاہم اندرونی تقریبات میں ڈرون کے محفوظ استعمال کی ذمے داری منتظمین پر عائد ہو گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ