پاکستان سے جنگی شکست کا غصہ بھارت میں مٹھائیوں پر اترنے لگا
اشاعت کی تاریخ: 23rd, May 2025 GMT
ہندوستان اور پاکستان کے درمیان حالیہ کشیدگی کے بعد بھارتی ہزیمت کے اثرات اب مقامی سطح پر مایوسی کے اظہار کی صورت میں نمودار ہونا شروع ہوگئے ہیں، ایک ایسے وقت میں کہ جب اپوزیشن رہنماؤں کی جانب سے مودی سرکار کو سخت تنقید کا نشانہ بنایا جارہا ہے وہیں مایوسی کی عالم میں ان اشیا کو ہدف بنایا جارہا ہے جن کا نام پاکستان سے جڑا ہے۔
پہلے حیدرآباد دکن میں واقع معروف کراچی بیکری پر توڑ پھوڑ کی گئی اور اس کے مالک سے دکان کا نام تبدیل کرنے کا مطالبہ کیا گیا، لیکن وزیر اعظم نریندر مودی کے انڈیا میں بات اب مٹھائیوں تک پہنچ گئی ہے جہاں ریاست راجستھان میں حلوائیوں نے لفظ ’پاک‘ والی مٹھائیوں کے اپنے تئیں ہندو نام رکھنا شروع کردیے ہیں۔
یہ بھی پڑھیں: کراچی فتح نہ کرسکے تو بھارتی انتہا پسند حیدرآباد کی کراچی بیکری پر چڑھ دوڑے
میڈیا رپورٹس کے مطابق راجستھان کے مشہور شہر جے پور میں دکانوں نے مختلف مٹھائیوں کے نام تبدیل کر دیے ہیں، جن میں مشہور ‘میسور پاک’ بھی شامل ہے، ایک دکاندار نے بتایا کہ انہوں نے اپنی تمام مٹھائیوں کے ناموں سے لفظ ‘پاک’ ہٹا کر اس کی جگہ ‘شری’ لگا دیا ہے۔
’ہم نے اپنی مٹھائیوں کے ناموں سے لفظ ‘پاک’ ہٹا دیا ہے، ہم نے موتی پاک کا نام موتی شری، گونڈ پاک کا گونڈ شری اور میسور پاک کا نام میسور شری رکھ دیا ہے۔‘
مزید پڑھیں: کراچی میں بھارتی شہروں کے نام پر کون کون سے کاروبار چل رہے ہیں اور ان پر پاکستانیوں کا کیا کہنا ہے؟
واضح رہے کہ ان مٹھائیوں کے نام میں لفظ ‘پاک’ تاریخی حوالوں سے کسی طرح بھی پاکستان کا حوالہ نہیں رکھتا کیونکہ کنڑ زبان میں اس کا مطلب میٹھا ہے۔
یہ اقدام جموں و کشمیر کے پہلگام میں گزشتہ ماہ ہوئے دہشت گرد حملے کے بعد بھارت اور پاکستان کے درمیان بڑھتے ہوئے تناؤ کے پس منظر میں کیا گیا ہے، جس میں 10 مئی کو جوہری ہتھیاروں سے لیس دونوں ممالک کے درمیان جنگ بندی پر اتفاق کرلیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت پاکستان راجستھان کشیدگی گونڈ پاک مٹھائی موتی پاک میسور پاک.
ذریعہ
ذریعہ: WE News
کلیدی لفظ: بھارت پاکستان راجستھان کشیدگی گونڈ پاک مٹھائی موتی پاک میسور پاک کا نام
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
تحریکِ تحفظِ آئینِ پاکستان کا پارلیمنٹ ہائوس سے دھرنا ختم