سونے کی سلاخوں اور اینٹوں کی اسمگلنگ و غیر قانونی کاروبار میں ملوث 5 ملزمان گرفتار
اشاعت کی تاریخ: 23rd, May 2025 GMT
کراچی (اُردو پوائنٹ اخبارتازہ ترین - این این آئی۔ 23 مئی2025ء)سونے کی سلاخوں اور اینٹوں کی اسمگلنگ کے علاوہ غیر قانونی کاروبار میں ملوث 5 ملزمان کو گرفتار کرلیا گیا۔ترجمان کے مطابق ایف آئی اے اینٹی کرپشن سرکل نے کراچی میں صدر کے علاقے میں کارروائی کرتے ہوئے سونے کی سلاخوں کی اسمگلنگ اور غیر قانونی فروخت و خریداری میں ملوث 5 ملزمان کو گرفتار کیا۔
ملزمان بیرون ملک حوالہ ہنڈی نیٹ ورک کے ذریعے ادائیگیاں کرنے میں ملوث تھے ۔(جاری ہے)
ملزمان کی تحویل سے 11,58,62,000روپے اور سونے کی 10 تولہ وزنی سونے کی 17اینٹیں برآمدکرلی گئیں۔چھاپا مار کارروائی کے دوران سونے کے اندراج سے متعلق رجسٹر اور پیڈز بھی قبضے میں لیے گئے ہیں۔ گرفتار ملزمان میں ناصر کھتری، رفیق کھانانی، نوید اسلم، سعید اللہ اور عرفان رحمت اللہ شامل ہیں ۔ملزمان کے خلاف کارروائی فارن ایکسچینج ریگولیشن (RA) 2 کے تحت کی گئی ہے، جس کا مقدمہ نمبر 19/2025 کسٹمز ایکٹ 1969 اور ایف ای آر (ترمیمی) ایکٹ 2020 کی دفعات کے تحت 07 افراد کے خلاف درج کیا گیا ہے۔حکام کے مطابق 2 مفرور ملزمان سلیم اور باسط اکبانی کی گرفتاری کے لیے چھاپے مارے جارہے ہیں۔
.ذریعہ: UrduPoint
کلیدی لفظ: تلاش کیجئے میں ملوث سونے کی
پڑھیں:
لیاری حادثہ کے ذمہ دا ر مستعفی ہوں،غیر قانونی بلڈر کو گرفتار کرائیں گے. نبیل گبول
کراچی (اردوپوائنٹ اخبارتازہ ترین-انٹرنیشنل پریس ایجنسی۔07 جولائی ۔2025 )پاکستان پیپلز پارٹی کے رکن قومی اسمبلی نبیل گبول نے لیاری کے علاقے بغدادی میں رہائشی عمارت گرنے کے واقعے کے ذمہ داروں سے مستعفی ہونے کا مطالبہ کردیا،ان کا کہنا تھا کہ متاثرہ عمارت بنانے والے بلڈر کے خلاف صرف مقدمہ ہی نہیں بلکہ اسے گرفتار بھی کرائیں گے.(جاری ہے)
رکن قومی اسمبلی نبیل گبول نے زمین بوس ہونے والی عمارت کا دورہ کیا اس موقع پر گفتگو کرتے ہوئے انہوں نے کہا کہ سندھ بلڈنگ کنٹرول اتھارٹی (ایس بی سی اے)بدعنوان ادارہ ہے، ڈی جی ایس بی سی اے ان کا فون تک نہیں اٹھاتے نبیل گبول نے کہا کہ کیا سعید غنی سے بھی استعفے کا مطالبہ کریں کہا جاتا ہے ایس بی سی اے کا ڈی جی ڈان ہے اس کو کچھ کہیں گے تو اوپر سے فون آجائے گا.
انہوں نے کہا کہ واقعے میں ملوث غیر قانونی بلڈر کے خلاف صرف مقدمہ درج نہیں ہوگا بلکہ اسے گرفتار بھی کرایا جائے گا. نبیل گبول نے اعلان کیا کہ غیر قانونی تعمیرات کے خلاف آپریشن جلد شروع کیا جائے گا اور اس حوالے سے 120 خطرناک عمارتوں کو خالی کرایا جائے گا تاکہ مزید قیمتی جانوں کا نقصان نہ ہو انہوں نے کہا میں ہمیشہ غیر قانونی تعمیرات کے خلاف ایکشن لیتا رہا ہوں. سندھ بلڈنگ کنٹرول اتھارٹی کے کرپٹ افسران نے غیر قانونی تعمیرات کا سلسلہ جاری رکھا، ان کے خلاف محض نوٹس نہیں بلکہ عملی کارروائی کی جائے گی اعلی سطحی اجلاس میں اس معاملے پر اہم فیصلے کیے جائیں گے عوام کو چاہیے کہ وہ غیر قانونی عمارتوں میں خرید و فروخت سے گریز کریں اور شعور پیدا کریں تاکہ ایسی صورتحال دوبارہ نہ پیدا ہو. نبیل گبول نے واضح کیا کہ شہر میں بے قابو بلڈنگ مافیا اور انہیں تحفظ دینے والے سرکاری عناصر کے خلاف حکومت سنجیدہ ہے اور آنے والے دنوں میں بڑے پیمانے پر کارروائیاں دیکھنے کو ملیں گی نبیل گبول کا کہنا تھا کہ جب سے ایم این اے بنا ہوں کئی عمارتیں گروائیں، 3 ماہ بعد دوبارہ تعمیر ہوجاتی ہیں، دو چار افسران کو میں نے ٹرانسفر بھی کرایا، وہ بلڈر سے پیسے لیتے ہیں. انہوں نے کہا کہ لوگ غیر قانونی تعمیرات کی طرف کیوں جاتے ہیں،لوگوں کو شعور دینا ہے، 122 عمارتوں کے خلاف کیسے آپریشن کریں گے، لوگوں کو گھروں سے نکالنا مذاق نہیں، بہت بڑا آپریشن ہے.
11 کروڑ کے بسکٹ کھانے کا الزام، علی امین گنڈا پور کا ردعمل سامنے آگیا