حکومت اپوزیشن کے ساتھ بیٹھ کر ان کی ڈیمانڈ پوری کرنے کی کوشش کر رہی ہے، رانا ثنا اللہ
اشاعت کی تاریخ: 24th, May 2025 GMT
اسلام آباد (آئی این پی )وزیر اعظم کے مشیر برائے سیاسی امور رانا ثنا اللہ نے کہا ہے کہ حکومت اپوزیشن کے ساتھ بیٹھ کر انکی ڈیمانڈ پوری کرنے کی کوشش کررہی ہے،پی ٹی آئی اندرونی طور پر تقسیم ، عمران خان حکومت سے مذاکرات نہیں چاہتے ، وزیراعلی خیبرپختونخوا کو قومی مفاد پر ذاتی مفاد کو ترجیح نہیں دینی چاہیے۔اپنے ایک بیان میں رانا ثنا اللہ نے ایک بیان میں کہا کہ پارٹی کے عہدیداران جو فیصلہ کرتے ہیں پھر اسی پر عمل ہوتا ہے۔ پی ٹی آئی اندرونی طور پر تقسیم ہے ، وزیراعلی خیبر پختونخوا علی امین بانی پی ٹی آئی سے ملاقات کیلئے عدالت سے رجوع کریں۔انہوں نے کہا کہ بانی پی ٹی آئی عمران خان سے حکومت سے بات کرنیوالی بات ہو ہی نہیں پاتی لیکن پھر بھی حکومت اپوزیشن کے ساتھ بیٹھ کر انکی ڈیمانڈ پوری کرنے کی کوشش کررہی ہے۔رانا ثنا اللہ کا کہنا تھا کہ حکومت عوام کو خوش کرنے کیلئے ریلیف دینے کی کوشش کررہی ہے، تاجر نمائندوں، وزیراعلی سندھ سمیت دیگر سے ملاقات ہوئی ہے وزیراعلی سندھ، تاجر نمائندوں کی تجاویز اچھی تھیں، انہیں زیر غور لایا جارہا ہے۔وزیر اعظم کے مشیر برائے سیاسی امور نے مزید کہا کہ ملاقاتوں اور تجاویز سے متعلق رپورٹ وزیراعظم کو پیش کی گئی ہے، حکومت ایسا بجٹ پیش کریگی کہ عوام ریلیف محسوس کریں۔ حکومت ایسا بجٹ پیش کریگی کہ عوام خوش ہوجائیں گے۔
.ذریعہ: Nawaiwaqt
کلیدی لفظ: رانا ثنا اللہ پی ٹی ا ئی کرنے کی کوشش کر
پڑھیں:
نون لیگ کی پوری وفاقی کابینہ بھی گلگت بلتستان آئے، تب بھی عوام ووٹ نہیں دینگے، پروین جاوید
پیپلزپارٹی گلگت بلتستان کی جنرل سیکرٹری نے ایک بیان میں کہا کہ وفاقی وزیرِ احسن اقبال اور حفیظ الرحمن نے جھوٹے اعلانات کیے اور عوام کو بیوقوف بنانے کی ناکام کوشش کی۔ اسلام ٹائمز۔ پیپلز پارٹی خواتین ونگ گلگت بلتستان کی جنرل سیکرٹری پروین جاوید نے کہا کہ نون لیگ کی پوری وفاقی کابینہ بھی گلگت بلتستان آئے گی تو جی بی کے عوام ووٹ نہیں دینگے۔ ایک بیان میں انہوں نے کہا کہ نون لیگ گلگت بلتستان میں اب بند گلی میں بند ہو چکی ہے، اس لیے سو فٹ کے دائرے میں جلسہ کیا۔ انہوں نے کہا کہ وفاقی وزیرِ احسن اقبال اور حفیظ الرحمن نے جھوٹے اعلانات کیے اور عوام کو بیوقوف بنانے کی ناکام کوشش کی۔ وفاق میں مسلم لیگ کی حکومت اب تین سال پورا کرنے والی ہے، اس وقت وفاق میں جی بی کے اہم پراجیکٹ احسن اقبال کی وزارت میں روک دیئے گئے ہیں۔ موصوف گلگت بلتستان آکر جھوٹی تقریر کرنے سے پہلے اپنی وزارت میں پھنسے جی بی کے پراجیکٹس کی منظوری دیں۔ انہوں نے کہا حفیظ الرحمن کی سیاست جھوٹ کے اردگرد گھوم رہی ہے اور حفیظ الرحمن کو اپنی ہار اب سے نظر آنے لگی ہے۔
ایس ای سی پی نےپی ایس ایکس ریگولیشنز میں ترامیم کی منظوری دیدی