آئس فیکٹری مالکان کی من مانیاں عروج پر پہنچ گئیں ،برف کا بلاک مہنگا کر دیا
اشاعت کی تاریخ: 26th, May 2025 GMT
رائے ونڈ (اُردو پوائنٹ اخبارتازہ ترین - این این آئی۔ 26 مئی2025ء)رائے ونڈ آئس فیکٹری مالکان کی من مانیاں عروج پر پہنچ گئیں ،برف کا بلاک مہنگا ہونے سے غریب آدمی ٹھنڈا پانی پینے سے قاصر ہے ۔
(جاری ہے)
تفصیلات کے مطابق گرمی کی شدت بڑھتے ہی آئس فیکٹری مالکان نے ناجائز منافع خوری شروع کردی ،5سو روپے میں فروخت ہونیوالا برف کا بلاک 8سو روپے تک فروخت ہونے لگا ہے آئس ڈیلرز بھی ناجائز منافع خوری میں کسی سے پیچھے نہیں ہیں عام آدمی ٹھنڈا پانی پینے سے بھی قاصر نظر آرہا ہے ،بیس اور پچاس روپے میں برف خرید کر گزارا کرنے والے گاہک اب 100روپے سے کم برف خریدنے سے قاصر ہیں برف کی اچانک بڑھتی ہوئی قیمتوں پر شہری پریشان ہیں ،ادھر رائے ونڈ شہر کے درجنوں مقامات پر برف فروخت کرنیوالے افراد کا کہنا ہے کہ برف کارخانوں سے مہنگی برف ملنے پر لوگ ان کیساتھ جھگڑا کرتے ہیں ،آئس فیکٹری مالکان اپنی من مرضی کے ریٹ پر برف فروخت کرتے ہیں انکو ضلعی انتظامیہ سمیت کوئی پوچھنے والا نہیں ہے شہریوں نے ضلعی انتظامیہ سے مطالبہ کیا ہے کہ برف کے مقرر کردہ نرخوں پر عمل درآمد یقینی بنایا جائے ۔
.ذریعہ: UrduPoint
کلیدی لفظ: تلاش کیجئے برف کا
پڑھیں:
پیٹرول اور ڈیزل مہنگا، حکومت نے نئی قیمتوں کا اعلان کردیا
حکومتِ پاکستان نے پیٹرولیم مصنوعات کی قیمتوں میں ردوبدل کرتے ہوئے پیٹرول اور ہائی اسپیڈ ڈیزل کی قیمتیں بڑھا دی ہیں، جبکہ عوام کو کچھ ریلیف ایل پی جی کی قیمت میں کمی کی صورت میں ملا ہے۔
وزارتِ خزانہ کی جانب سے جاری نوٹیفکیشن کے مطابق پیٹرول کی قیمت میں 2 روپے 43 پیسے فی لیٹر اضافہ کیا گیا ہے، جس کے بعد پیٹرول کی نئی قیمت 265 روپے 45 پیسے فی لیٹر مقرر کردی گئی ہے۔ اسی طرح ہائی اسپیڈ ڈیزل 3 روپے 2 پیسے فی لیٹر مہنگا ہوکر اب 278 روپے 44 پیسے فی لیٹر میں دستیاب ہوگا۔
دوسری جانب اوگرا (آئل اینڈ گیس ریگولیٹری اتھارٹی) نے ایل پی جی (لیکویفائیڈ پیٹرولیم گیس) کی قیمت میں کمی کردی ہے۔ اوگرا کے نوٹیفکیشن کے مطابق ایل پی جی کی فی کلو قیمت میں 5 روپے 89 پیسے کمی کی گئی ہے۔ اب ایل پی جی کی نئی فی کلو قیمت 201 روپے 60 پیسے مقرر کی گئی ہے۔
اسی طرح 11.8 کلوگرام کے گھریلو ایل پی جی سلنڈر کی قیمت میں بھی 69 روپے 44 پیسے کی کمی ہوئی ہے، جس کے بعد گھریلو سلنڈر کی نئی قیمت 2 ہزار 378 روپے 89 پیسے ہوگئی ہے۔ نئی قیمتوں کا اطلاق آج سے ہی ہوگیا ہے۔
ایمازون 14 ہزار ملازمین کو فارغ کرنے کا اعلان، AI اثرات کا ذکر