فرانسیسی صدر کو خاتونِ اول سے مبینہ تھپڑ پڑنے کی ویڈیو وائرل
اشاعت کی تاریخ: 26th, May 2025 GMT
پیرس(انٹرنیشنل ڈیسک)فرانسیسی صدر ایمانوئل میکرون کو جہاز سے اترتے ہوئے اپنی بیگم سے مبینہ طور پر تھپڑ پڑنے کی ویڈیو وائرل ہوئی ہے۔
فرانسیسی صدر سرکاری دورے پر ویتنام پہنچے تو ایئرپورٹ پر حکام اور رپورٹرز کی بڑی تعداد ان کے جہاز سے اترنے کی منتظر تھی۔
اس دوران بین الاقوامی خبررساں ایجنسی اے پی کے کیمرہ مین نے چند سیکنڈز کا جو منظر ریکارڈ کیا اس نے جلد ہی بین الاقوامی توجہ حاصل کی۔
ویڈیو کلپ میں صدر میکرون کو جہاز کے گیٹ پر نمودار ہوتے اور ان کی بیگم بریگِٹ میکرون کو دونوں ہاتھوں سے اس کے چہرے کو پرے دھکیلتے دیکھا جاسکتا ہے۔
❗️ Macron's wife viciously SMACKS him in face pic.
— RT (@RT_com) May 26, 2025
خاتون اول کی طرف سے اس حرکت کے بعد صدر میکرون کچھ پریشان نظر آئے تاہم ان کی نظریں نیچے ایئرپورٹ پر موجود رپورٹرز پر پڑتے ہی انہوں نے چہرے پر مسکراہٹ سجائے ہاتھ ہلاکر انہیں سلام کیا۔
اس کے بعد جہاز سے اترتے ہوئے صدر میکرون نے خاتون اول کا ہاتھ پکڑنا چاہا لیکن بریگٹ میکرون نے ہاتھ پکڑنے کے بجائے سیڑھیوں کے جنگلے کو پکڑ کر اترنے کو ترجیح دی۔
ویڈیو وائرل ہونے کے بعد صدارتی آفس نے ابتدائی طور پر ویڈیو کو یکسر مسترد کردیا تاہم بعد میں صدارتی محل کے ذرائع نے سی این این کو بتایا کہ اس وقت صدر میکرون مذاق مین ایک دوسرے کو چھیڑ رہے تھے۔
صدارتی آفس نے الزام عائد کیا کہ اس ویڈیو کو روس نواز ٹرولز نے صدر میکرون کو بدنام کرنے کے لیے استعمال کیا۔
72 سالہ فرانسیسی خاتون اول صدر میکرون سے 24 بڑی ہیں۔ صدر میکرون کی ان سے پہلی ملاقات بطور طالب علم ہائی اسکول میں ہوئی جب میکرون کی عمر 15 سال جبکہ بریگٹ کی عمر 39 سال تھی اور وہ اسکول میں ادب پڑھاتی تھیں۔ بعدازاں، دونوں نے 2007 میں شادی کی۔
مزیدپڑھیں:نیلم منیر سے متعلق 9 سال قبل کی گئی پیش گوئی جو سچ ثابت ہوئی
ذریعہ
ذریعہ: Daily Ausaf
کلیدی لفظ: صدر میکرون میکرون کو
پڑھیں:
نرس نے نومولود بچی کے ہاتھ کا انگوٹھا کاٹ دیا، والد نے پولیس میں درخواست دے دی
راولپنڈی:ہولی فیملی ہسپتال راولپنڈی کی گائنی وارڈ کی نرسری میں زیرِ علاج 23 روزہ نومولود بچی کے دائیں ہاتھ کا انگوٹھا پراسرار طور پر کٹ جانے کا انکشاف سامنے آیا ہے، جبکہ متاثرہ بچی کے والد نے واقعے پر پولیس کو درخواست دے دی ہے۔
متاثرہ بچی کے والد قیصر محمود نے بتایا کہ وہ ضلع اٹک کے رہائشی اور پیشے کے لحاظ سے کارپینٹر ہیں۔ ان کے مطابق ان کی بیٹی کی پیدائش ہولی فیملی ہسپتال میں ہوئی تھی اور پیدائش کے بعد سے بچی کو نرسری میں رکھا گیا ہے۔
والد کا کہنا ہے کہ جب وہ آج اپنی 23 روزہ بیٹی سے ملنے ہسپتال پہنچے تو دیکھا کہ اس کے دائیں ہاتھ کا انگوٹھا کٹا ہوا تھا۔ انہوں نے فوری طور پر ڈاکٹروں سے اس بارے میں استفسار کیا۔
قیصر محمود کے مطابق ڈاکٹرز نے انہیں بتایا کہ انگوٹھا نرس سے غلطی سے کٹ گیا۔ تاہم ان کے بقول ہسپتال انتظامیہ نے صرف انکوائری کی یقین دہانی کرائی نہ واقعے کی وجہ واضح کی گئی اور نہ ہی اب تک کسی ذمہ دار کے خلاف کارروائی کی گئی۔
متاثرہ والد نے انصاف کے لیے پولیس کو درخواست دے دی ہے۔ پولیس کا کہنا ہے کہ درخواست موصول ہونے کے بعد ابتدائی چھان بین مکمل کر لی گئی ہے اور قانون کے مطابق کارروائی کا آغاز کر دیا گیا ہے۔
دوسری جانب اس سنگین واقعے پر ہولی فیملی ہسپتال کی انتظامیہ کی جانب سے تاحال کوئی باضابطہ مؤقف سامنے نہیں آیا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم