خاتون نے الیکٹرک ٹوتھ برش کی مدد سے دھوکے باز شوہر کو کیسے پکڑا؟
اشاعت کی تاریخ: 29th, May 2025 GMT
برطانیہ کی ایک خاتون نے اپنے الیکٹرک ٹوتھ برش کمپینین ایپ پر ڈیٹا چیک کرنے کے بعد اپنے شوہر پر دھوکہ دہی کا شک کرنا شروع کر دیا اور دیکھا کہ وہ دن کے مختلف اوقات میں برش کرتا ہے۔
یہ بھی پڑھیں: گھرمیں بحری جہاز گھس آیا لیکن مالک بے خبر سوتا رہا
اس بات کا انکشاف ایک دہائی سے زیادہ کا تجربہ رکھنے والے برطانوی نجی تفتیش کار پال جونز نے حال ہی میں اپنے ایک انتہائی غیر معمولی کیس کا ذکر کیا۔
کسی دھوکے باز ساتھی کو پکڑنا تو ویسے مشکل ہوتا ہی ہے لیکن ٹوتھ برش کے ذریعے ایسا کرپانا بہت ہی مشکل ترین امر ہے۔
پال جونز کے کلائنٹس میں سے ایک، 2 بچوں کی شادی شدہ ماں اسمارٹ فون ایپ کے ذریعے اپنے بچوں کے برش کرنے کی عادات کو بہتر بنانے کی کوشش کر رہی تھیں جنہوں نے دیکھا کہ برش دن کے عجیب و غریب اوقات میں استعمال کیا جا رہا تھا جو ان کے بچوں کے اسکول اور شوہر کے کام کا وقت ہوتا ہے۔
اس بات کو یقینی بنانے کے بعد کہ ان کے بچے واقعی اسکول میں ہیں انہوں نے اپنے شوہرسے پوچھ گچھ کی جس کا دعویٰ تھا کہ وہ سارا دن اپنے کام پر ہوتا ہے۔
مزید پڑھیے: چیونٹیوں کی اسمگلنگ میں اضافہ، اس کے نقصانات کیا ہیں؟
وقت گزرنے کے ساتھ خاتون نے دیکھا کہ ان کے شوہر کی برش کی ہسٹری عجیب و غریب اوقات میں لاگ ان ہو رہی ہے۔ ایسے وقت جب وہ کام پر ہوتا تھا۔
جونز نے کہا کہ خاتون نے پیٹرن چیک کرنا شروع کیا تو پتا چلا کہ الیکٹرک برش جمعے کی صبح استعمال کیا جا رہا تھا حالاں کہ اس وقت ان کے شوہر کو کام پر ہونا چاہیے تھا۔ حقیقت میں خاتون کا شوہر جمعے کی صبح کام پر کافی عرصے سے جا ہی نہیں رہا تھا اور اس کا خاندان میں ایک خاتون کے ساتھ افیئر چل رہا تھا۔
جونز نے بتایا کہ جب کوئی آلہ کہتا ہے کہ کسی نے صبح 10:48 بجے اپنے دانت صاف کیے ہیں جب کہ انہیں صبح 9 بجے کام شروع کرنا تھا تو پھر معاملہ مشکوک تو ہوہی جاتا ہے۔
مزید پڑھیں: وہ کون سا شہر ہے جہاں اونچی ہیل پہننے کے لیے پرمٹ لینا پڑتا ہے؟
جونز نے کہا کہ دھوکے باز افراد خواہ وہ کتنے ہی چالاک اور محتاط کیوں نہ ہوں وائس اسسٹنٹس اور ٹوتھ برش جیسے اسمارٹ آلات کا ڈیٹا انہیں پکڑوا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکٹرک ٹوتھ برش دھوکے باز شوہر.
ذریعہ
ذریعہ: WE News
کلیدی لفظ: دھوکے باز خاتون نے رہا تھا کام پر
پڑھیں:
معاشی سرگرمیوں میں تیزی، کے الیکٹرک صنعتی صارفین کا بجلی استعمال ریکارڈ سطح پر پہنچ گیا
کراچی: ملک میں معاشی سرگرمیوں میں بہتری کے ساتھ کے الیکٹرک صنعتی صارفین کی جانب سے بجلی کے استعمال نے نئی بلند ترین سطح حاصل کر لی۔ مالی سال 2026 کے دوران کے الیکٹرک کے صنعتی فیڈرز پر بجلی کی مجموعی کھپت 6 ارب 8 کروڑ یونٹس (6.08 ارب یونٹس) ریکارڈ کی گئی، جو ادارے کی تاریخ میں کسی بھی مالی سال کے دوران سب سے زیادہ ہے۔
کے الیکٹرک کے جاری کردہ اعلامیے کے مطابق صنعتی بجلی کی طلب میں یہ نمایاں اضافہ ایسے وقت میں سامنے آیا جب پاکستان کی مجموعی قومی پیداوار (جی ڈی پی) کی شرح نمو 3.7 فیصد رہی۔ کمپنی کا کہنا ہے کہ کراچی کی صنعتوں کو مسلسل، قابل اعتماد اور بلا تعطل بجلی کی فراہمی نے صنعتی پیداوار اور معاشی سرگرمیوں کو فروغ دینے میں اہم کردار ادا کیا۔
کے الیکٹرک کے چیف ایگزیکٹو آفیسر سید محمد طہٰ نے کہا کہ صنعتی بجلی کے استعمال میں ریکارڈ اضافہ حکومت پاکستان، اسپیشل انویسٹمنٹ فسیلیٹیشن کونسل (SIFC) اور کراچی کی صنعتی برادری کی مشترکہ کوششوں کا نتیجہ ہے۔ ان کے مطابق سرمایہ کاری کے بہتر ماحول، صنعتی سرگرمیوں میں تیزی اور کاروباری اعتماد میں اضافے نے اس کامیابی کو ممکن بنایا۔
انہوں نے کہا کہ کراچی ملک کی معاشی شہ رگ ہے اور کے الیکٹرک 2013 سے صنعتی فیڈرز کو لوڈشیڈنگ سے مستثنیٰ رکھے ہوئے ہے تاکہ صنعتوں کی پیداوار اور برآمدات متاثر نہ ہوں۔
بی تھری کیٹیگری میں سب سے زیادہ بجلی استعمال
اعلامیے کے مطابق سب سے زیادہ بجلی کا استعمال بی تھری (B3) کیٹیگری میں ریکارڈ کیا گیا، جس میں 501 سے 5 ہزار کلوواٹ تک بجلی استعمال کرنے والی صنعتیں شامل ہیں۔ اس زمرے میں سیمنٹ، اسٹیل، ٹیکسٹائل، کیمیکل اور دیگر بڑے صنعتی شعبے شامل ہیں۔
ماہانہ بنیاد پر جون 2026 میں صنعتی بجلی کی کھپت سب سے زیادہ رہی، جبکہ اپریل 2026 دوسرے نمبر پر رہا۔
گزشتہ سال کے مقابلے میں 20 فیصد سے زائد اضافہ
اعداد و شمار کے مطابق مالی سال 2025 میں صنعتی صارفین نے 5.04 ارب یونٹس بجلی استعمال کی تھی، جبکہ مالی سال 2026 میں یہ مقدار بڑھ کر 6.08 ارب یونٹس تک پہنچ گئی، جو 20 فیصد سے زائد سالانہ اضافہ ظاہر کرتی ہے۔
اس سے قبل مالی سال 2022 میں صنعتی بجلی کی کھپت 5.84 ارب یونٹس ریکارڈ کی گئی تھی، تاہم رواں مالی سال میں یہ ریکارڈ بھی ٹوٹ گیا۔
349 نئے صنعتی کنکشنز فراہم
کے الیکٹرک کے مطابق مالی سال 2026 کے دوران 349 نئے صنعتی کنکشنز جاری کیے گئے، جبکہ 273 صنعتی صارفین نے اپنے بجلی کے لوڈ میں اضافہ کیا، جس سے مجموعی طور پر 168 میگاواٹ اضافی طلب قومی گرڈ میں شامل ہوئی۔
اعلامیے میں کہا گیا کہ حکومت کی جانب سے صنعتوں کو کیپٹو پاور پلانٹس سے قومی گرڈ پر منتقل کرنے کی پالیسی، معاشی بحالی اور صنعتی پیداوار میں اضافے نے بھی بجلی کی طلب بڑھانے میں اہم کردار ادا کیا۔
کمپنی کا مزید کہنا ہے کہ صنعتی فیڈرز کی ریکوری کی شرح تمام صارفین کے مختلف زمروں میں سب سے بہتر رہی، جو بروقت بلوں کی ادائیگی اور لوڈشیڈنگ سے استثنیٰ کے درمیان مضبوط تعلق کو ظاہر کرتی ہے۔
کے الیکٹرک نے اس عزم کا اعادہ کیا کہ کراچی کی صنعتوں اور کاروباری سرگرمیوں کو قابل اعتماد اور بلا تعطل بجلی کی فراہمی آئندہ بھی اس کی اولین ترجیح رہے گی تاکہ ملکی معیشت کی ترقی میں اپنا کردار جاری رکھا جا سکے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم