حکومت کا زائدالمیعاد شناختی کارڈز پر جاری تمام سمز کو فوری طور پر بلاک کرنے کا فیصلہ
اشاعت کی تاریخ: 30th, May 2025 GMT
اسلام آبدا:حکومت نے زائدالمیعاد شناختی کارڈز پر جاری تمام سمز کو فوری طور پر بلاک کرنے کا فیصلہ کرلیا، پہلے مرحلے میں 2017 یا اس سے پہلے کے شناختی کارڈز پر جاری سمز بند ہوں گی۔
تفصیلات کے مطابق وزیر داخلہ محسن نقوی نے نادرا ہیڈکوارٹرز کا دورہ کرکے اہم اجلاس کی صدارت کی جس میں بڑے فیصلے کیے گئے۔
اجلاس میں زائدالمیعاد شناختی کارڈز پر جاری تمام سمز کو فوری طور پر بلاک کرنے کا فیصلہ کیا گیا ہے، پہلے مرحلے میں 2017 یا اس سے پہلے کے شناختی کارڈز پر جاری سمز بند کی جائیں گی۔
اجلاس میں فیصلہ کیا گیا ہے کہ اگلے مراحل میں 2017 کے بعد کے منسوخ شدہ کارڈز پر بھی یہی پالیسی لاگو کی جائے گی، تاکہ صرف فعال شناختی کارڈ پر ہی سمز جاری رہیں۔
وزارت داخلہ کے مطابق پی ٹی اے کے تعاون سے ان موبائل سمز کو بلاک کیا جا رہا ہے جو وفات پا جانے والے افراد یا میعاد ختم شدہ شناختی کارڈز کے حامل افراد کے نام پر رجسٹرڈ ہیں۔
اجلاس میں بتایا گیا کہ مختلف سرکاری محکمے اور سروس فراہم کنندگان شہریوں کی بائیومیٹرک معلومات اپنی مقامی ڈیٹابیسز میں محفوظ کر رہے ہیں، جس سے یہ حساس معلومات غلط استعمال اور چوری کے خطرے سے دوچار ہیں۔
چیئرمین نادرا نے کہا کہ نادرا کے محفوظ اور تصدیق شدہ ڈیٹابیس سے فائدہ اٹھاتے ہوئے چہرے کی شناخت کے نظام کا استعمال کیا جائے، خاص طور پر ان شہریوں کی مدد کے لیے اس نظام کا استعمال کیا جائے جنہیں فنگر پرنٹس کی تصدیق میں مشکلات پیش آتی ہیں۔
وزیر داخلہ محسن نقوی نے کہا کہ وزارت داخلہ کی جانب سے تمام متعلقہ اداروں کو شہریوں کی بائیومیٹرک معلومات کی علیحدہ اسٹوریج بند کرنے کی ہدایات جاری کی جائیں گی۔
محسن نقوی نے ہدایت کی کہ ملک بھر میں چہرہ شناسی (فیشل ریکگنیشن) ٹیکنالوجی کے نفاذ کو 31 دسمبر 2025 تک یقینی بنایا جائے، اس عمل کی نگرانی وزارت داخلہ کرے گی۔
اجلاس کو بتایا گیا کہ نادرا کی سروسز کو ملک بھر کی 44 ایسی تحصیلوں اور مخصوص یونین کونسلوں تک توسیع دی گئی ہے جہاں پہلے یہ سہولتیں دستیاب نہیں تھیں۔
وزیر داخلہ نے کہا کہ اسلام آباد کی تمام 31 یونین کونسلز میں 30 جون 2025 تک نادرا خدمات دستیاب ہوں گی، وزیر داخلہ نے بیرون ملک مقیم پاکستانیوں کو بہتر خدمات فراہم کرنے کی اہمیت پر زور دیا اور وزارت خارجہ کے ساتھ رابطے میں رہتے ہوئے ایک جامع جائزہ لینے کی ہدایت کی تاکہ ان ممالک اور خطوں کی نشاندہی کی جا سکے جہاں نادرا خدمات کی زیادہ ضرورت ہے۔
وزیر داخلہ نے ملتان، سکھر اور گوادر میں نادرا کے ریجنل دفاتر کے قیام کی منظوری دی۔ چیئرمین نادرا نے ادارے کی رسائی، سروس ڈیلیوری اور ڈیجیٹل تبدیلی کے حوالے سے پیش رفت پر تفصیلی بریفنگ دی۔
قبل ازیں وزیر داخلہ محسن نقوی نے سیکٹر آئی 8 میں 10 منزلہ نادرا میگا سینٹر کا سنگ بنیاد رکھا، میگا سینٹر کی تکمیل جون 2026 میں متوقع ہے۔
Post Views: 8.ذریعہ: Daily Mumtaz
کلیدی لفظ: شناختی کارڈز پر جاری محسن نقوی نے وزیر داخلہ سمز کو
پڑھیں:
سی ڈی اے بورڈ کا 16واں اجلاس،قبر کھدائی اور میت بس کے چارجز معاف کرنے کے فیصلہ کی منظوری
سی ڈی اے بورڈ کا 16واں اجلاس،قبر کھدائی اور میت بس کے چارجز معاف کرنے کے فیصلہ کی منظوری WhatsAppFacebookTwitter 0 18 September, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا کی زیر صدارت جمعرات کے روز سی ڈی اے بورڈ کا 16واں اجلاس سی ڈی اے ہیڈکوارٹرز میں منعقد ہوا۔ اجلاس میں سی ڈی اے بورڈ کے ممبران سمیت متعلقہ افسران نے شرکت کی۔ سی ڈی اے بورڈ کے 16ویں اجلاس میں متعدد ایجنڈا آئیٹمز زیر بحث لائے گئے۔
تفصیلات کے مطابق، سی ڈی اے بورڈ کے 16ویں اجلاس میں اسلام آباد کے شہریوں کو ریلیف و سہولت فراہم کرنے کیلئے قبر کھدائی اور میت بس کے چارجز معاف کرنے کے فیصلہ کی منظوری دی گئی۔ اس فیصلے کا مقصد شہریوں کو دکھ کی گھڑی میں ہر ممکن ریلیف و سہولیات فراہم کرنا ہے۔ اس سلسلے میں چیئرمین سی ڈی اے نے اسلام آباد کے قبرستانوں کو مزید میت بسیں فراہم کرنے کی ہدایت کی۔سی ڈی اے بورڈ کے 16ویں اجلاس میں کیپیٹل ہسپتال کے معیار کو مزید بہتر بنانے کے حوالے سے اہم اقدامات کا فیصلہ کیا گیا۔ اجلاس میں سی ڈی اے ہسپتال کے ذرائع آمدن میں اضافہ کرنے کے حوالے سے مختلف تجاویز پر تبادلہ خیال کیا گیا بالخصوص انسٹیٹشونل بیسڈ پرائیویٹ پریکٹس (آئی بی پی پی)کے تحت کیپیٹل ہسپتال میں پرائیویٹ مریضوں کی موجودہ فیسوں کی شرح میں نظر ثانی کا فیصلہ کیا گیا۔ چیئرمین سی ڈی اے نے کہا کہ ہسپتال کے زرائع سے حاصل ہونے والی آمدن کو ہسپتال کی بہتری اور سہولیات کی فراہمی پر خرچ کیا جائے۔ انہوں نے کیپیٹل ہسپتال کو ڈیجیٹلازئڈ اور کیش لیس نظام کیلئے نئے اور جدید کمپیوٹرز اور آلات فراہم کرنے کی ہدایت کی۔سی ڈی اے بورڈ کے اجلاس میں سی ڈی اے انٹرنشپ پالیسی سال 2025 کے حوالے سے بھی غور کیا گیا۔
اجلاس میں پاکستان کی بہترین یونیورسٹیز سے فارغ التحصیل گریجویٹس کی سی ڈی اے کیلئے انٹرنشپ پر خدمات حاصل کرنے کا فیصلہ کیا گیا۔ چیئرمین سی ڈی اے نے کہا کہ انٹرنشپ پالیسی کے تحت پاکستان کی بہترین سرکاری و پرائیویٹ یونیورسٹیوں سے گریجویٹس کو شفاف اور میرٹ کے مطابق رکھا جائے۔ انہوں نے کہا کہ اس سے سی ڈی اے کی تمام فارمیشنز میں نہ صرف افرادی قوت پوری ہوگی بلکہ جدید مہارتوں سے لیس افرادی قوت بھی میسر ہوگی۔ اجلاس میں نیو اسلام آباد انٹرنیشنل ایئرپورٹ سے متصل اے این ایف کے آفس کے قیام کیلئے جگہ کی منظوری دی گئی۔ اسی طرح اجلاس میں اسلام آباد میں پولیس اسٹیشن کی تعمیر کیلئے زمین الاٹمنٹ کی درخواست کو قواعد و ضوابط کے مطابق منظوری کا فیصلہ کیا گیا۔سی ڈی اے بورڈ کے اجلاس میں سیکٹر F-10، اسلام آباد کی سروس روڈ (ایسٹ)کا نام قومی کھلاڑی “ارشد ندیم روڈ” رکھنے کے حوالے سے تجویز فیڈرل گورنمنٹ کو منظوری کیلئے بھیجنے کا فیصلہ کیا گیا۔
اجلاس میں اسلام آباد میونسپل سالڈ ویسٹ مینجمنٹ کی لینڈ فل سائٹ کے استعمال کیلئے راولپنڈی ویسٹ مینجمنٹ کمپنی (آر ڈبلیو ایم سی)کے ساتھ کرایہ کا معاہدہ قواعد و ضوابط کے مطابق طے کرنے کی منظوری دی گئی۔ اجلاس میں اسلام آباد ویسٹ ٹرانسفر اسٹیشن (آئی-9، آئی-11 اور کسی دیگر سائٹس)سے سالڈ ویسٹ کی نقل و حمل ڈمپنگ سائٹ، چک بیلی خان روڈ، راولپنڈی تک راولپنڈی ویسٹ مینجمنٹ کمپنی (آر ڈبلیو ایم سی)کی خدمات کی مدت میں توسیع کرنے کی منظوری دی گئی۔سی ڈی اے بورڈ کے اجلاس میں ادارے کے گریڈ 15 اور 16 میں تعینات سٹیٹسکل اسسٹنٹ ملازمین کے اپ گریڈیشن کے طریقے کار کو فنانس ڈویژن کے رولز کے مطابق اپنانے کی منظوری دی گئی۔چیئرمین سی ڈی اے محمد علی رندھاوا نے تمام فیصلہ جات پر عملدرآمد کے حوالے سے شفافیت اور احتساب کو یقینی بنانے کی ہدایت کرتے ہوئے کہا کہ اسلام آباد کی تعمیر و ترقی، شہریوں کو بہترین سہولیات کی فراہمی اور بیوٹفکیشن سی ڈی اے کی اولین ترجیحات میں شامل ہے اور اس سلسلہ میں تمام وسائل بروئے کار لائے جارہے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرایشیا ء کپ: سپر فور مرحلے میں پاکستان کا بھارت سے مقابلہ کب اور کہاں ہوگا؟ ایشیا ء کپ: سپر فور مرحلے میں پاکستان کا بھارت سے مقابلہ کب اور کہاں ہوگا؟ سعودی، پاکستانی سٹریٹجک معاہدے کی اہمیت، عرب صحافت کی نظر میں پاک-سعودیہ دفاعی معاہدہ: سرمایہ کاروں کے اعتماد میں اضافہ، 100 انڈیکس تاریخی سطح پر پہنچ گیا نومئی مقدمات: عمر ایوب، شبلی فراز، زرتاج گل سمیت 18 پی ٹی آئی رہنما اشتہاری قرار سعودیہ سے معاہدے کی تیاری و تکمیل میں فیلڈ مارشل کا کلیدی کردار ہے دریائے چناب میں سیلاب سے بندبوسن کے حالات سنگین، کئی بستیاں پانی میں ڈوب گئیںCopyright © 2025, All Rights Reserved
رابطہ کریں ہماری ٹیم
دریائے چناب میں سیلابی صورتحال، ٹرین سروس معطل