وزیراعظم کامیاب جوان پروگرام کیلئے 6 ارب روپے مختص
اشاعت کی تاریخ: 10th, June 2025 GMT
بجٹ 26-2025 میں وزیراعظم کامیاب جوان پروگرام کیلئے ڈیڑھ ارب روپے اضافہ کیا گیا ہے۔ آئندہ مالی سال کیلئے وزیراعظم کامیاب پروگرام کیلیے 6 ارب روپے مختص کیے گئے ہیں۔
رواں مالی سال وزیر اعظم کامیاب جوان پروگرام کیلئے ساڑھے 4 ارب روپے مختص تھے۔ آئندہ بجٹ میں پی ایم یوتھ اسکیم کیلیے7 ارب 40 کروڑ روپے کا اضافہ کر دیا گیا۔
بجٹ دستاویز کے مطابق آئندہ مالی سال کیلئے پی ایم یوتھ اسکیم کیلئے 16 ارب روپے مختص کیے گئے ہیں۔ رواں مالی سال میں پی ایم یوتھ اسکیم کیلئے 8 ارب 60 کروڑ روپے مختص تھے۔
آئندہ بجٹ میں کامیاب پاکستان پروگرام میں 33 کروڑ روپے کی کٹوتی کردی گئی۔ آئندہ مالی سال کے بجٹ میں کامیاب پاکستان پروگرام کیلئے 80 کروڑ روپے مختص کیے گئے ہیں۔
رواں مالی سال کامیاب پاکستان پروگرام کیلئے 1 ارب 13 کروڑ روپے مختص تھے۔ آئندہ بجٹ میں پی ایم یوتھ بزنس لون کیلئے بجٹ میں10 کروڑ روپے کی کٹوتی کی گئی ہے۔
آئندہ مالی سال پی ایم یوتھ بزنس لون کیلئے 40 کروڑ روپے مختص کردیے گئے۔ رواں مالی سال میں پی ایم یوتھ بزنس لون کیلئے 50 کروڑ روپے مختص تھے۔ آئندہ بجٹ میں پی ایم رمضان پیکیج کیلئے 19 ارب روپے مختص کر دیے گئے۔
آئندہ مالی سال کے بجٹ میں احتساب ڈویژن بلوچستان کیلئے بھی رقم مختص کی گئی ہے۔ بجٹ دستاویز کے مطابق آئندہ بجٹ میں ایف بی آر کی ڈیجیٹائزیشن کیلئے 2 ارب روپے مختص کیے گئے ہیں۔
بجٹ دستاویز کے مطابق آئندہ مالی سال سمیڈا فنڈ 5 ارب روپے سے کم کرکے 3 ارب روپے مختص کیے گئے ہیں۔ آئندہ بجٹ میں پاکستان میری ٹائم سکیورٹی ایجنسی کیلئے1 ارب روپے مختص کیے گئے ہیں۔
بجٹ دستاویز کے مطابق پہلی بار بجٹ میں آٹزم سوسائٹی آف پاکستان کیلئے 5 کروڑ روپے مختص کیے گئے ہیں۔
.ذریعہ: Jang News
پڑھیں:
تربت میں نجی کیش وین پر ڈکیتی، 22 کروڑ روپے لوٹ لیے گئے
کوئٹہ:بلوچستان کے ضلع کیچ کے شہر تربت کے نواحی علاقے دشت کھڈان کراس پر ایم-8 شاہراہ پر نجی سیکیورٹی کمپنی کی کیش وین پر ڈاکوؤں نے حملہ کر کے 22 کروڑ روپے سے زائد رقم لوٹ لی۔
ایکسپریس نیوز کے مطابق یہ ہائی پروفائل ڈکیتی کا واقعہ منگل کے روز پیش آیا جب کیش وین تربت سے گوادر کی جانب دو نجی بینکوں کی نقدی منتقل کر رہی تھی۔ لیویز ذرائع کے مطابق، لوٹی گئی رقم میں میزان بینک تربت برانچ کے 14 کروڑ 55 لاکھ روپے اور بینک الفلاح کے 7 کروڑ 50 لاکھ روپے شامل تھے۔
واقعے کی ابتدائی رپورٹ کے مطابق تین سے پانچ مسلح ڈاکو جو موٹر سائیکلوں پر سوار تھے انہوں نے شاہراہ پر کیش وین کو روکنے کے لیے پہلے فائرنگ کی اور پھر ہتھیاروں کے زور پر سیکیورٹی گارڈز اور ڈرائیور ہر غمال بنا کر وین میں موجود کیش لے اُڑے۔خوش قسمتی سے اس واقعے میں کوئی جانی نقصان نہیں ہوا۔ ڈاکو کیش باکس سے پوری رقم لوٹ کر تیزی سے فرار ہو گئے۔
لیویز حکام نے بتایا کہ یہ ایک منصوبہ بند حملہ تھا اور ڈاکوؤں کو وین کی نقل و حرکت کی پیشگی معلومات تھیں جو اندرونی سازش کا امکان ظاہر کرتی ہیں واقعے کے فوراً بعد لیویز فورس اور پولیس نے علاقے کی ناکہ بندی کر دی اور سرچ آپریشن شروع کیا لیکن ڈاکو فرار ہونے میں کامیاب رہے۔
تحقیقات کے لیے سی سی ٹی وی فوٹیج، عینی شاہدین کے بیانات اور قریبی علاقوں سے موبائل ڈیٹا اکٹھا کیا جا رہا ہے جن سے ملزمان تک پہنچنے میں مددگار ثابت ہوگا البتہ بلوچستان میں حالیہ مہینوں میں ڈکیتیوں اور لوٹ مار کے واقعات میں اضافہ دیکھا گیا ہے۔
رواں سال مئی میں تربت کے مرکزی بازار میں ایک نجی بینک سے 25 ملین روپے لوٹے گئے تھے جس کی تحقیقات ابھی تک جاری ہیں، مقامی تاجروں اور شہریوں نے تشویش کا اظہار کرتے ہوئے حکومت سے مطالبہ کیا ہے کہ ہائی ویز پر سیکیورٹی کو بہتر بنایا جائے اور جدید نگرانی کے نظام نصب کیے جائیں۔
ڈاکوؤں کو پکڑنے کیلئے پولیس کی خصوصی ٹیم تشکیل
بلوچستان پولیس کے اعلیٰ حکام نے واقعے کا نوٹس لے لیا ہے اور ایک خصوصی تحقیقاتی ٹیم تشکیل دی گئی ہے جو ڈاکوؤں کی گرفتاری کے لیے سرگرم ہے۔
ایک سینیئر پولیس افسر نے نام ظاہر نہ کرنے کی شرط پر ایکسپریس نیوز کو بتایا ہے کہ یہ واردات مقامی جرائم پیشہ گروہوں یا علیحدگی پسند عناصر کی کارروائی ہو سکتی ہے لیکن کسی گروہ نے ابھی تک ذمہ داری قبول نہیں کی۔
بینک حکام نے اپنے ملازمین کی حفاظت اور نقدی کی منتقلی کے عمل کو مزید محفوظ بنانے کے لیے اضافی اقدامات کا اعلان کیا ہے۔
دوسری جانب یہ واقعہ گوادر پورٹ کی معاشی سرگرمیوں کے لیے اہم شاہراہ پر پیش آیا جو خطے کی معاشی ترقی کے لیے اہم ہے۔ مقامی ماہرین کا کہنا ہے کہ ایسی وارداتیں علاقے میں سرمایہ کاری اور معاشی سرگرمیوں پر منفی اثرات مرتب کر سکتی ہیں۔
لیویز حکام نے بتایا کہ تحقیقات مکمل ہونے پر مزید تفصیلات سامنے آئیں گی اور شہریوں سے اپیل کی کہ وہ کسی بھی مشکوک سرگرمی کی اطلاع فوری دیں۔
دریاؤں میں پانی کی صورتحال ابھی تک غیر معمولی ہے، شرجیل میمن