کراچی کے صارفین کیلئے بجلی سستی کرنے کی درخواست نیپرا میں جمع
اشاعت کی تاریخ: 12th, June 2025 GMT
data-id="863a0a8" data-element_type="widget" data-widget_type="theme-post-content.default">
شہرِ کراچی کے بجلی صارفین کے لیے ایک خوش آئند خبر سامنے آئی ہے، کراچی کے صارفین کیلئے بجلی کی قیمت میں بڑی کمی کا امکان ظاہر کیا گیا ہے۔
تفصیلات کے مطابق کے الیکٹرک نے اپریل کی فیول پرائس ایڈجسٹمنٹ کے تحت کراچی کے صارفین کےلیے فی یونٹ بجلی 4 روپے 69 پیسے سستی کرنے کی درخواست نیپرا میں جمع کرا دی۔
نجی ٹی وی کی رپورٹ کے مطابق کے الیکٹرک نے نیشنل الیکٹرک پاور ریگولیٹری اتھارٹی (نیپرا) کو اپریل کی ماہانہ فیول ایڈجسٹمنٹ کی بنیاد پر بجلی کی قیمت میں کمی کی باضابطہ درخواست جمع کرا دی ہے۔
نیپرا نے کےالیکٹرک کی جانب سے جمع کرائی گئی اس درخواست پر سماعت 19 جون کو مقرر کی ہے، اگر ادارے نے یہ درخواست منظور کر لی، تو صارفین کو مجموعی طور پر 7 ارب 17 کروڑ روپے سے زائد کا مالی ریلیف ملنے کی توقع ہے۔
تاہم اس حوالے سے حتمی فیصلہ نیپرا کی جانب سے ڈیٹا کا مکمل تجزیہ اور سماعت مکمل ہونے کے بعد ہی سامنے آئے گا۔ اگر قیمت میں کمی کی منظوری مل گئی، تو یہ ایک ایسے وقت میں شہریوں کے لیے بڑی راحت ہوگی جب بجلی کے نرخ مہنگائی کا اہم سبب بنے ہوئے ہیں۔
.ذریعہ: Jasarat News
کلیدی لفظ: کراچی کے
پڑھیں:
چینی کمپنیوں کی گدھے کا گوشت برآمد کرنے کی درخواست
دو چینی کمپنیوں نے پاکستان سے گدھے کا گوشت برآمد کرنے کی درخواست کر دی۔ سلاٹر ہاؤس اور برآمد کے لائسنس کیلئے اپلائی کر دیا۔
فوڈ حکام کے مطابق چینی کمپنی کی لائسنس درخواست پر مکمل چھان بین جاری ہے، ریگولیشنز مکمل ہونے کے بعد گدھے کا گوشت اور ہڈیاں چین برآمد ہوسکیں گی۔
انھوں نے کہا چین کو گدھے کا گوشت اور ہڈیاں بلوچستان سے گوادر کے ذریعے برآمد کی جائیں گی، گدھے کے گوشت اور ہڈیوں سے پاکستان کو کثیر زرمبادلہ حاصل ہوگا۔
محکمہ خوراک کے حکام کے مطابق چینی کمپنی پر واضح کیا کہ گوادر کے علاوہ کہیں گوشت تیار نہیں ہوگا۔
یہ بھی پڑھیے گدھوں کے گوشت کی اسلام آباد سے باہر سپلائی کے حوالے سے بھی رپورٹس موجود ہیں: ڈائریکٹر اسلام آباد فوڈ اتھارٹی اسلام آباد: گدھے کا گوشت برآمد کیس، گرفتار غیر ملکی ملزم جیل منتقل اسلام آباد فوڈ اتھارٹی کا چھاپہ، 25 من گدھے کا گوشت برآمدوزارت خوراک کے حکام کے مطابق خدشہ ہے کہ گدھے کا گوشت مقامی مارکیٹ میں سپلائی نہ ہو جائے۔
وزارت فوڈ سیکیورٹی کے حکام کے مطابق اسلام آباد میں غیر قانونی طور پر گدھے کا گوشت تیار کیا جا رہا تھا، اسلام آباد میں غیر ملکی باشندہ لائسنس کے بغیر غیر قانونی کام کر رہا تھا۔
محکمہ خوراک کے حکام کے مطابق دوسری کمپنی نے حال ہی میں گوشت برآمد کرنےکیلئے لائسنس کی درخواست کی ہے۔
ہمیں غیر سنجیدہ مذاکرات میں کوئی دلچسپی نہیں، سید عباس عراقچی