سرکاری ہسپتال میں عام مریض کی طرح خود پرچی بنوا کر علاج کرانا بہت اچھا لگا
اشاعت کی تاریخ: 19th, June 2025 GMT
لاہور ( اردوپوائنٹ اخبار تازہ ترین۔ آئی پی اے۔ 19 جون 2025ء ) وزیراعلیٰ پنجاب مریم نوازشریف نے کہا ہے کہ ہر غریب کا گھر کی دہلیز پر مفت اور فوری علاج میرا خواب تھا۔اپنی طاقت اوراختیار کو ہمیشہ عوام کی فلاح و بہبود کیلئے استعمال کیا ہے۔ ہیلتھ میں عوام کی خدمت کا حقیقی کا م محمد شہبازشریف اورمحمدنوازشریف کے ادوار حکومت میں ہوا۔وزیراعلیٰ مریم نواز شریف نے کلینک آن ویل فیز ٹو کی لانچنگ تقریب سے خطاب کرتے ہوئے کہا کہ شہبازشریف صاحب کے جانے کے بعد چار سال میں ہی پنجاب کے عوام رل گئے۔
کینسر کے مریضوں کو مفت ادویات نہ ملنے پر سڑکوں پر آنا پڑا۔وزیراعلیٰ مریم نوازشریف نے کہا کہ اللہ تعالیٰ کا شکر ہے کہ نہ صرف کینسر بلکہ ہیپاٹائٹس،امراض کلب،میڈیسن اورانسولین کی دو،دو ماہ کیلئے ڈوز گھروں کو پہنچا رہے ہیں۔(جاری ہے)
لوگوں کو کام چھوڑ کر،نوکری سے چھٹی لے کرعلاج اورادویات کیلئے لائنوں میں لگنا پڑتا تھا۔911کلینک آن ویل آج پورے پنجاب میں پھیل جائیں گے۔
وزیراعلیٰ مریم نواز شریف نے کہا کہ یہ حقیقی انقلاب ہے،عوام کو صحت کی بہترین سہولتوں تک رسائی کا انقلاب ہے۔ادویات لیکرلوگوں کے گھروں تک پہنچ رہے ہیں۔ کلینک آن ویل فیز ٹو کے بروقت آغاز پرصوبائی وزیر خواجہ عمران نذیر، سیکرٹری صحت نادیہ ثاقب اورپوری ٹیم کو مبارکبا ددیتی ہوں۔وزیراعلیٰ مریم نواز شریف نے کہا کہچند ماہ پہلے 245گاڑیوں سے شروع ہونے والے کلینک آن ویل پراجیکٹ کا شاندار عوامی فیڈ بیک آرہاہے۔کلینک آن ویل پر ڈاکٹر،ایل ایچ وی اورعملہ دیہات میں پہنچ کر فیلڈ ہسپتال کی صورت میں کام کررہے ہیں۔کلینک آن ویل پر زچہ بچہ کا علاج اورچھوٹے میڈیکل پروسیجر کی سہولت بھی موجود ہے۔انہوں نے کہاکہ کلینک آن ویل کے پہلے فیز میں گاڑی میں اے سی نہ ہونے پر دوسرے مرحلے کیلئے شاندار اے سی گاڑیاں پرچیز کی ہیں۔سرکاری ہسپتال میں عام مریض کی طرح علاج کرانا بہت اچھا لگا۔خود پرچی بنواکرمیو ہسپتال میں علاج کروایا،ایم آر آئی سکین ہوئی اورانجکشن لگے۔ وزیراعلیٰ مریم نواز شریف نے کہا کہ مجھے خوشی ہے کہ میو ہسپتال میں بہترین اورشاندار آرتھوپیڈک سرجن موجو دہیں۔اللہ تعالیٰ کے فضل و کرم سے کلینک آن ویل پراجیکٹ کے ذریعے ایک کروڑ سے زائد مریضوں کا مفت اورفوری علاج کیاگیا۔کلینک آن ویل میں بلڈ پریشر،سکریننگ اوردیگرامراض کے علاج کی سہولت موجود ہے۔انہوں نے کہا کہ جنوبی پنجاب میں غذائیت قلت کاشکار بچوں کاکلینک آن ویل کے ذریعے فوری علاج کیا جائے گا۔کلینک آن ویل گاڑیوں کا غلط استعمال روکنے کیلئے ٹریک بھی کیا جائیگا۔فیلڈ سٹاف اورکلینک آن ویل کے ذریعے روزانہ 45ہزار لوگوں کو مفت علاج کی سہولت مل رہی ہے۔چند ہفتے پہلے ہربنس پورہ میں کھڑے فیلڈ ہسپتال کااچانک معائنہ کر کے بہت خوشی ہوئی۔فیلڈ ہسپتال میں موجود مریضوں نے علاج پر خوشی اورمسرت کا اظہار کیا۔فیلڈ ہسپتال میں زچہ و بچہ،حفاظتی ٹیکے،فیملی پلاننگ، ملیریا، ذیابیطس، جلدی امراض اوربچوں کے امراض کی بہترین سہولت موجود ہے۔ وزیراعلیٰ مریم نوازشریف نے کہا کہ سرکاری ہسپتالوں میں مفت ادویات مل رہی ہے،نئے بجٹ میں 100ارب روپے دے رہے ہیں۔ہسپتالوں میں جاکر ہر مریض سے خود فیڈ بیک لیتی ہوں۔لوگ اپنی اپنی فارمیسیاں چلا رہے ہیں اورسرکاری ہسپتالوں میں مریضوں کو دوائی نہیں ملتی تھی۔خود دیکھا کہ ہسپتال کے سٹور میں میڈیسن کے کاٹن پڑے تھے اورمریضوں کو دوائیاں نہیں مل رہی تھی۔اب پورے پنجاب کے ہر ہسپتال میں مفت ادویات کیلئے اعلان کیا جاتا ہے،کسی ہسپتال میں کوئی ڈاکٹرباہر سے ادویات نہیں منگواسکتا۔وزیراعلیٰ مریم نواز شریف نے کہا کہنئے سال 2025-26 میں صحت کی سہولتوں کا جال بچھا رہے ہیں۔لاہور میں بننے والے نوازشریف میڈیکل ڈسٹرکٹ میں ہرمہلک مرض کا علاج ہوگا۔100بیڈکا چلڈرن ہسپتال،بلڈ ڈیزیز،بون میرو،آرتھو پیڈک اوردیگر ہسپتال بن رہے ہیں۔حقیقی خدمت کررہے ہیں،سیالکوٹ کے بائی الیکشن میں عوام نے فیصلہ سنا دیا ہے۔.ذریعہ: UrduPoint
کلیدی لفظ: تلاش کیجئے مریم نواز شریف نے کہا کہ ہسپتال میں کی سہولت علاج کی رہے ہیں
پڑھیں:
ایرانی صدر مسعودپز شکیان کی وزیراعلیٰ مریم نواز کے ہمراہ مزاراقبال پر حاضری، شاعر مشرق کوخراجِ عقیدت پیش کیا
سٹی 42 : اسلامی جمہوریہ ایران کے صدر مسعودپز شکیان نے پنجاب کی وزیراعلیٰ مریم نواز کے ہمراہ مزاراقبال پر حاضری دی۔
حضوری باغ آمد پر ایرانی صدر مسعود پز شکیان، ایرانی وزیر خارجہ عباس عراقچی اور وفد کا پر تپاک استقبال کیا گیا۔ اس موقع پر لاہورائیر پورٹ سے مزار اقبال تک اہم شاہراہوں کو خیرمقدمی بینرز سے سجایا گیا تھا۔
مزارِ اقبال پہنچنے پر صوبائی وزیر اطلاعات و ثقافت عظمی زاہد بخاری،صوبائی وزیر ملک صہیب احمد بھرت اور مولانا عبدالخبیر آزاد نے ایرانی صدر کا استقبال کیا۔ اس موقع پر پنجاب رینجرز کے چاق و چوبند دستے کی طرف سے سلامی پیش کی گئی ۔ مہمان صدر مسعود پز شکیان پنجاب رینجرز کی معیت میں مزار اقبال میں داخل ہوئے ۔
راولپنڈی ایکسپریس ٹرین کو حادثہ
مہمان صدر مسعودپز شکیان نے مزار اقبال پر حاضری دی اور پھول رکھے۔ انہوں نے شاعر مشرق کوخراج عقیدت پیش کیا ۔ اس موقع پر مولانا عبدالخبیر آزاد نے مزار اقبال پر دعا کرائی اور فاتحہ خوانی کی۔
ایران کے صدر مسعود پزشکیان نے مہمانوں کی کتاب میں ا پنے تاثرات درج کئے ۔ مہمان صدرمسعود پزشکیان اور وفد نے وزیراعلیٰ پنجاب مریم نوازشریف کے ہمراہ گروپ فوٹو بھی بنایا گیا ۔
رنگ روڈ بند کرنے کا فیصلہ
ایف بی آر کی بدانتظامی سے قومی خزانے کو 397ارب کے نقصان کا انکشاف