گلگت بلتستان کا بجٹ 2025-26 پیش کردیا گیا
اشاعت کی تاریخ: 23rd, June 2025 GMT
گلگت بلتستان اسمبلی میں مالی سال 2025-26 کا بجٹ آج اسمبلی میں پیش کردیا گیا ہے،جس کا کل حجم ایک کھرب 48 ارب 63 کروڑ 20 لاکھ روپے رکھا گیا ہے۔ یہ بجٹ 6 ارب روپے کے خسارے کے ساتھ ترتیب دیا گیا ہے، جبکہ اس میں ترقیاتی اور غیر ترقیاتی شعبوں کے لیے خطیر رقوم مختص کرنے کی تجاویز بھی شامل ہیں۔
پیر کے روز وزیر خزانہ گلگت بلتستان انجینئر محمد اسماعیل نے گلگت بلتستان اسمبلی میں بجٹ 2025-26 پیش کیا، بجٹ میں غیر ترقیاتی اخراجات کے لیے 88 ارب 19 کروڑ 20 لاکھ روپے جبکہ ترقیاتی منصوبوں کے لیے 37 ارب روپے مختص کرنے کی تجویز دی گئی ہے۔
یہ بھی پڑھیں: حکومتی مشکلات میں کمی، پیپلز پارٹی نے بجٹ منظوری کے لیے حمایت کا اعلان کردیا
وفاقی پبلک سیکٹر ڈویلپمنٹ پروگرام (PSDP) کے تحت چلنے والے منصوبوں کے لیے 11 ارب روپے رکھے گئے ہیں، اور وزیراعظم پروگرام کے تحت چار ارب روپے کی رقم مختص کرنے کی تجویز دی گئی ہے۔
نان ٹیکس ریونیو کا ہدف سات ارب 89 کروڑ 20 لاکھ روپے مقرر کیا گیا ہے، جبکہ گندم سبسڈی کے لیے 20 ارب روپے مختص کرنے کی تجویز دی گئی ہے تاکہ مہنگائی سے متاثرہ عوام کو ریلیف فراہم کیا جا سکے۔
یہ بھی پڑھیں: بجٹ میں جی ڈی پی کے نمبرز ٹھیک نہیں، اس پر سوال اٹھیں گے، مفتاح اسماعیل
وزیر خزانہ انجینئر محمد اسماعیل نے ایوان میں بجٹ پیش کرتے ہوئے بتایا کہ سرکاری ملازمین کی تنخواہوں میں 10 فیصد اضافے کی تجویز شامل ہے۔ تعلیم کے شعبے کو مزید بہتری کی جانب گامزن کرنے کے لیے ایک ارب 47 کروڑ روپے، جبکہ صحت کے شعبے کے لیے ایک ارب 25 کروڑ روپے مختص کیے جا رہے ہیں، جن میں 62 کروڑ روپے ہیلتھ انڈومنٹ فنڈ کے لیے مخصوص ہوں گے۔
زراعت، حیوانات اور ماہی پروری جیسے بنیادی معیشتی شعبوں کی ترقی کے لیے 35 کروڑ روپے تجویز کیے گئے ہیں۔ سیاحت، جو گلگت بلتستان کی معیشت کا ایک اہم ستون ہے، اس کے لیے نو کروڑ روپے جبکہ انفارمیشن ٹیکنالوجی کے فروغ کے لیے 10 کروڑ روپے مختص کیے جا رہے ہیں۔
ایران پر اسرائیلی حملے کی شدید مذمتبجٹ اجلاس کے دوران گلگت بلتستان اسمبلی نے ایران پر اسرائیلی حملے کی شدید الفاظ میں مذمت کرتے ہوئے متفقہ قرارداد بھی منظور کی۔ یہ قرارداد پیپلزپارٹی کے صوبائی صدر اور رکن اسمبلی امجد حسین نے پیش کی، جسے ایوان نے مکمل اتفاق کے ساتھ منظور کیا۔
قرارداد میں کہا گیا ہے کہ گلگت بلتستان کے عوام ایران کے عوام کے ساتھ مکمل یکجہتی کا اظہار کرتے ہیں اور اسرائیل کا حملہ عالمی قوانین کی صریح خلاف ورزی ہے جو مشرق وسطیٰ اور عالمی امن کے لیے خطرہ بن چکا ہے۔
یہ بھی پڑھیں: گلگت بلتستان اسمبلی اور کابینہ اراکین کے کروڑوں کے اخراجات مگر کارکردگی صفر کیوں؟
قرارداد میں عالمی برادری سے مطالبہ کیا گیا کہ وہ اسرائیل کی جارحیت روکنے میں فوری کردار ادا کرے اور مسلم ممالک کو چاہیے کہ وہ مل کر دنیا کے امن کے تحفظ کے لیے متحد ہو کر اقدامات کریں۔
یہ قرارداد نہ صرف ایک بین الاقوامی سیاسی مؤقف کی عکاسی کرتی ہے بلکہ گلگت بلتستان کے عوام کے جذبات اور ان کی عالمی یکجہتی کے اظہار کا مظہر بھی ہے،اسمبلی اجلاس کا ماحول اس وقت سنجیدہ اور پرعزم نظر آیا جب ایوان نے اجتماعی طور پر عالمی ظلم و زیادتی کے خلاف آواز بلند کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بجٹ گلگت بلتستان.
ذریعہ
ذریعہ: WE News
کلیدی لفظ: گلگت بلتستان گلگت بلتستان اسمبلی مختص کرنے کی روپے مختص کروڑ روپے ارب روپے کی تجویز کے لیے گیا ہے
پڑھیں:
گلگت بلتستان سی پیک کا مرکز ہے: نواز شریف
مسلم لیگ ن کے صدر نواز شریف —فائل فوٹومسلم لیگ ن کے صدر نواز شریف کا کہنا ہے کہ گلگت بلتستان سی پیک کا مرکز ہے، کسی پارٹی نے یہاں کسی منصوبے کی اینٹ بھی نہیں لگائی، جس جی بی کو میں سینے سے لگا کر رکھتا تھا۔
گلگت میں کارکنوں سے خطاب کرتے ہوئے انہوں نے کہا ہے کہ ایئر پورٹ کے باہر اس کی سڑکوں کا حلیہ دیکھا تو افسوس ہوا، جو منصوبے ہم نے شروع کیے تھے وہ مکمل کیوں نہیں ہوئے؟ آخر وہ پیسہ کہاں لگایا گیا؟
نواز شریف کا کہنا ہے کہ جو سڑک میں نے شروع کی اسے خنجراب تک پہنچنا چاہیے تھا، ووٹ ملتا ہے یا نہیں، اللّٰہ جانتا ہے، ہم آپ کو ان چیزوں سے محروم نہیں کر سکتے۔
اجلاس میں وزیر اعظم شہباز شریف، وزیراعلیٰ پنجاب مریم نواز اور حمزہ شہباز سمیت پارٹی کے پارلیمانی رہنماؤں نے شرکت کی۔
انہوں نے کہا کہ آپ ووٹ دیں گے یا نہیں دیں گے، میں تب بھی آپ کے لیے بات کروں گا، شہباز شریف اور مریم نواز دونوں کو کہوں گا کہ یہاں آئیں، ایئر پورٹ کو بڑا کر کے یہاں بوئنگ طیارے آنے چاہیے تھے۔
ان کا کہنا ہے کہ شہباز شریف سے کہوں گا کہ ایئر پورٹ کو بڑا کریں گے، میں ہر دوسرے تیسرے مہینے یہاں آتا جاتا رہوں گا اور منصوبوں کی نگرانی کروں گا۔
اس سے قبل نواز شریف بذریعہ طیارہ گلگت پہنچے تھے، وفاقی وزیر امیر مقام، سابق وزیرِ اعلیٰ حافظ حفیظ الرحمٰن نے ایئر پورٹ پر ان کا استقبال کیا۔
وفاقی وزراء خواجہ آصف، احسن اقبال، رانا ثناء اللّٰہ، سینیٹر پرویز رشید، پنجاب کی وزیر مریم اورنگزیب، سینیٹر انوشہ رحمٰن، کاظم پیرزادہ نواز شریف کے ہمراہ گلگت پہنچے ہیں۔
ترجمان مسلم لیگ ن شمس میر کے مطابق نواز شریف گلگت بلتستان میں ن لیگ کے امیدواروں، صوبائی، ڈویژنل اور ضلعی عہدیداران سے ملاقاتیں اور خطاب کریں گے۔
واضح رہے کہ گلگت بلتستان اسمبلی کی 24 نشستوں پر الیکشن 7 جون کو ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ