جامشورو ٹاؤن کمیٹی کا بجٹ اجلاس برائے سال 2025-26 ء پیش
اشاعت کی تاریخ: 24th, June 2025 GMT
data-id="863a0a8" data-element_type="widget" data-widget_type="theme-post-content.default">
جامشورو(نمائندہ جسارت) جامشورو ٹاؤن کمیٹی کا بجٹ اجلاس برَائے سال 2025-26ء چیئرمین بلال قادر شورو کی زیر صدارت منعقد ہوا۔ اِجلاس میں وائس چیئرمین علمدار شاہ، کونسلر ارشد سہتو، غلام شبیر بلیدی، فیاض بھلائی، غلام شبیر چانڈیو، خمیسو خان بروہی، سید اصغر شاہ، صمد خان پٹھان، صدورو خان، بابر ڈاھانی، اشرف بھٹی، پنہل شورو، انعم راجا، رضوانہ ملہ اور بجٹ کونسل کے تمام اراکین کے علاوہ ٹاؤن آفیسر اَرسلان دستگیر، فیض علی جتوئی،کرم علی برہمانی اور ٹاؤن کمیٹی کے دیگر عملے نے شرکت کی۔ اِجلاس میں اَکاؤنٹس آفیسر بشیر احمد راہپوٹو نے اِعداد و شمار پیش کرتے ہوئے کہا کہ ہمارے پاس ایک ماہ میں ایک کروڑ سات لاکھ اَٹھاسی ہزار ہیں،جن میں سے ایک بڑی رقم تنخواہوں کی مد میں خرچ ہوجاتی ہے،جو کہ ملازمین کی تنخواہوں اور پنشن کی مدْ میں تقریباً پچاسی سے نوے لاکھ روپے بنتے ہیں۔ اس کے علاوہ ہنگامی طور پر بارش کے پانی کے اِخراج، قومی مذہبی دِنوں پراِنتظامات، پانی صاف کرنے والی مشینوں اور صفائی ستھرائی پر بھی خرچ کیا جاتا ہے۔ اس کے علاوہ واٹر سپلائی اسکیموں کے لئے بھی ہمیں حکومت کی طرف سے ابھی تک رقم نہیں ملی ہے،لہذا وہ بھی ہم اس فنڈ سے 9 واٹر سپلائی اِسکیمیں اور 3 نکاسی آب کی اسکیمیں چلا رہے ہیں۔چیئرمین بلال قادر شورو نے کہا جہاں نکاسی آب نہیں ہے وہاں ہم ڈسپوزل مشینیں چلاتے ہیں، جس میں پیٹرول، ڈیزل آئل اور مرمت کا خرچہ شامل ہے۔ جبکہ ٹاؤن کمیٹی ان کی مرمت اور دیکھ بھال کے لیے بھی رقم خرچ کرتی ہے۔ اِس کے علاوہ حکومتی ٹیکس SBR اورFBR بھی اسی فنڈز سے دیے جاتے ہیں۔ اس سال ٹاؤن کے مختلف علاقوں میں پینے کے صاف پانی کے لیے فلٹر پلانٹس لگا ئے جائیں گے اور کھیلوں کے لیے مختلف گراؤنڈز میں گھاس اور لائٹس لگائی جائیں گی۔ قصبے کے چوراہو ں اور گلیوں میں اِ سٹریٹ لا ئٹس بھی لگائی جائیں گی اِس کے علاوہ مختلف مقامات پر ڈسٹ بِن کے ڈبے لگائے جائیں گے۔ اِس سلسلے میں ٹاؤن کمیٹی جامشورو کے چیئرمین بلال قادر شورو نے (اِسٹاف رپورٹ) سے بات چیت کرتے ہوئے کہاکہ ہماری ہمیشہ ہرممکن کوشش عوام کو ہر طرح سے ریلیف دینے کی رہی ہے۔ لیکن اِخراجات کی بہتاب اور وسائل کی کمی کے باعث پریشانیوں کا سامنا بھی کرنا پڑرہا ہے۔ اْنہوں نے بتایا اِس کے علاوہ 2اِسکیمیں جلدشروع کی جارہی ہیں،جن کا کام فنڈز ملتے ہی شروع کردیا جائے گا۔ پیش کردہ ٹاؤن کمیٹی کے بجٹ کو تمام کونسلرز نے متفقہ طور پر منظور کر لیا۔
.
ذریعہ
ذریعہ: Jasarat News
کلیدی لفظ: ٹاؤن کمیٹی س کے علاوہ
پڑھیں:
پاکستان انسٹی ٹیوٹ آف فیشن ڈیزائن میں قائممقام وائس چانسلر کی تعیناتی کیلیے سینیٹ کا اجلاس طلب
پاکستان انسٹی ٹیوٹ آف فیشن ڈیزائن میں قائمقام وائس چانسلر کی تعیناتی کیلیے سینیٹ کا اہم اجلاس31 جولائی کو طلب کر لیا گیا جس میں صدر پاکستان و چانسلر کی ہدایات پر قائمقام وی سی کی تعیناتی سے متعلق ایجنڈے پر دوبارہ غور کیا جائے گا۔
تفصیلات کے مطابق صدر پاکستان نے 24اپریل کو ریفرنس وزارت تعلیم کو بھجوایا ہے جس میں بطور چانسلر پاکستان انسٹی ٹیوٹ آف فیشن ڈیزائن ایکٹ کی شق8(6)کے تحت سینٹ کے 17ویں اجلاس کے ایجنڈا نمبر13پر دوبارہ غور کرنے کی ہدایات جاری کی ہیں۔
دستیاب دستاویز کے مطابق 5 جنوری2026 کو ہونے والے سینیٹ کے17ویں اجلاس میں سابق وائس چانسلر پروفیسر حناطیبہ خلیل کو بطور وائس چانسلر کام جاری رکھنے کی منظوری دی گئی حالانکہ پروفیسر حنا طیبہ خلیل دو ٹرم مکمل کر چکی تھیں۔
سینیٹ کی قائمہ کمیٹی برائے تعلیم نے بھی پاکستان انسٹی ٹیوٹ آف فیشن ڈیزائن کے سینٹ اجلاس (جس میں حناطیبہ خلیل کو قائمقام وائس چانسلر ذمہ داریاں جاری رکھنے کی منظوری دی) کو کالعدم قرار دینے کی سفارش کر رکھی۔
قائمہ کمیٹی کی چیئرپرسن بشری انجم بٹ نے اجلاس کے دوان کہا تھا کہ عبوری وائس چانسلر کی تعیناتی سے متعلق ایوان صدر نے واضح کیا تھا کہ ایجنڈے کی منظوری نہیں لی گئی تھی۔
ذرائع نے بتایا کہ بشری انجم بٹ نے پاکستان انسٹی ٹیوٹ آف فیشن ڈیزائن کی وائس چانسلر کی تعیناتی سے متعلق ریفرنس ایوان صدر کو بھجوایا جس میں کہا گیا کہ انسٹی ٹیوٹ کے فیکلٹی ممبران ،افسران اور سٹیک ہولڈرز کی جانب سے الزامات لگائے کہ پروفیسر حناطیبہ خلیل وائس چانسلر بد انتظامی اور اختیارات کے غلط استعمال کی پریکٹس میں ملوث ہیں۔
انسٹی ٹیوٹ کی پروکیورمنٹ اور مالی معاملات میں بے ضابطگیوں سمیت انسٹی ٹیوٹ میں گورننس کے بدترین صورتحال ہے، اس کے علاوہ گرلز ہاسٹل کی تعمیر سے متعلق 450 ملین کے ٹینڈرز میں مبینہ بے ضابطگیاں بھی ہوئی ہیں۔
ایوان صدر نے سینیٹر بشری انجم بٹ کی جانب سے بھجوائے گئے ریفرنس پر اپنی سفارشات وزارت تعلیم کو بھجوا دی ہیں،
وزارت تعلیم کے ذرائع نے سینیٹ اجلاس کی تصدیق کرتے ہوئے کہا ہے کہ ایوان صدر کی ہدایات کی روشنی میں سینئر فیکلٹی ممبر کو ہی قائمقام وائس چانسلر پاکستان انسٹی ٹیوٹ آف فیشن ڈیزائن تعینات کیا جائے گا اور اس حوالے سے سنیارٹی لسٹ منگوا لی گئی ہے،
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی