پاکستان کواشرافیہ اور مفت خور طبقے نے نچوڑ کر رکھ دیا ہے،ملک محمدبوستان
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی( کامرس رپورٹر)چیئرمین کرنسی ایکس چینج کمپنیز آف پاکستان ملک محمدبوستان نے کہا ہے کہ پاکستان کو اشرافیہ اورمفت خور طبقے نے نچوڑ کر رکھ دیا ہے اور انہوں نے ملکی خزانے کو “مال مفت دل بے رحم سمجھ لیا ہے،ملک میں مفت خور طبقے نے پچھلے سال بجلی،گیس،گاڑیوں،پیٹرول،گھر،ہوائی جہاز اور ریلوے کے ٹکٹس، سیرسپاٹے پر 39 کھرب روپے خرچ کئے جبکہ اس سال کا ڈیٹا بتا رہا ہے کہ58کھرب کا خرچہ ہے،اتنی وسیع فالتو اخراجات کرکے پاکستان کیسے ترقی کرسکتا ہے۔ ملک محمدبوستان نے میڈیا سے گفتگو میں کہا کہ پاکستان میں پہلے ایک کروڑ افراد3ڈالر(ایک ہزار روپے)روزانہ کماکر ایک وقت کا کھانا کھاتے تھے لیکن ملک میں غربت بڑھ جانے سے اب یہ تعداد4کروڑ تک پہنچ چکی ہے اور ان لوگوں کو ایک وقت کاہی کھاناملتا ہے ،پاکستان کی آدھی آبادی 1200 سے 1500روپے(4ڈالر سے5ڈالر) روزانہ کماتی تھی اور پورے ملک کی آدھی آبادی کوبمشکل دووقت کا کھانا مل پاتا ہے، غربت کا یہ عالم ہے کہ کروڑوں افرادکے جسم میں صرف جان ہی باقی ہے۔ملک بوستان نے کہا کہ ملکی خزانے کو بے دردی سے خرچ کرنے والوں کو صرف الائونس دیا جائے اور انہیں مفت عیش نہ کرایا جائے تاکہ جب وہ خود بجلی،گیس کے بل بھریں اور پیٹرول خریدیں تو انہیں پتہ چلے کہ جیب سے خرچ کیسا ہوتا ہے۔
.ذریعہ: Jasarat News
پڑھیں:
پاکستان اور سعودی عرب نے حج 2026 ء کے معاہدے پر دستخط کردیے
data-id="863a0a8" data-element_type="widget" data-widget_type="theme-post-content.default">
251110-01-12
جدہ (مانیٹرنگ ڈیسک) پاکستان اور سعودی عرب نے حج 2026 کے معاہدے پر باضابطہ طور پر دستخط کر دیے، رپورٹ کے مطابق سعودی نائب وزیر برائے حج و عمرہ ڈاکٹر عبدالفتاح بن سلیمان مشاط اور پاکستان کی وزارتِ مذہبی امور کے سیکرٹری ڈاکٹر سید عطاالرحمن نے ہفتے کو جدہ میں معاہدے پر دستخط کیے۔ حج اسلام کے بنیادی ارکان میں سے ایک ہے، جو ہر سال دنیا بھر کے لاکھوں مسلمان ادا کرتے ہیں، پاکستان کو سعودی عرب کی جانب سے سب سے بڑے حج کوٹے میں سے ایک ملتا ہے۔ ڈاکٹر سید عطاالرحمن نے اللہ کے مہمانوں کی میزبانی اور سہولتوں کی فراہمی میں سعودی حکومت کی شاندار کاوشوں پر اظہارِ تشکر کیا۔ انہوں نے کہا گزشتہ سال کی طرح اس سال بھی پاکستانی حجاج کو اعلیٰ معیار کی خدمات فراہم کی جائیں گی۔سیکرٹری مذہبی امور نے مزید کہا کہ ان کی وزارت سرکاری اور نجی دونوں حج اسکیموں کے انتظامات سعودی حکومت کی ہدایات کے مطابق بروقت اور مؤثر انداز میں مکمل کرنے کے لیے پْرعزم ہے۔
وفاقی کابینہ سے27ویں آئینی ترمیم کا مسودہ کل منظور ہونے کا امکان، وزیراعظم نے اجلاس طلب کرلیا